Morgunblaðið - 11.03.2015, Blaðsíða 12
12 FRÉTTIRInnlent
MORGUNBLAÐIÐ MIÐVIKUDAGUR 11. MARS 2015
SCREEN- OG
RÚLLUGARDÍNUR
Henta vel þar sem sól er mikil
en þú vilt samt geta séð út
Sendum frítt hvert á land sem er gegn staðgreiðslu
Hringdu og bókaðu tíma í máltöku
Meira úrval
Meiri gæði
Íslensk
framleiðsla
eftir máli
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. Sími: 588 5900 ▪ Tjarnargötu 17, Keflavík. Sími: 421 2061
Glerárgötu 32, Akureyri. Sími: 462 5900 ▪ alnabaer.is ▪ Opnunartími: mán.-fös. 11-18
BAKSVIÐ
Ágúst Ingi Jónsson
aij@mbl.is
Mikið er ævinlega verkað af saltfiski
í Grindavík og undanfarið hafa verið
annir við útskipun á afurðum. Mest
af saltfisknum fer til Spánar og ann-
arra landa við Miðjarðarhafið þar
sem hefð er fyrir því að borða saltfisk
á föstunni. Eiríkur Tómasson, fram-
kvæmdastjóri Þorbjarnarins í
Grindavík, segir að verð fyrir fisk-
afurðir hafi hækkað talsvert frá
árinu 2013 þegar það var í lágmarki.
Verðið nú sé sambærilegt við það
sem var á árunum 2010-12 fyrir
flesta afurðaflokka.
Þorbjörninn gerir út tvo frystitog-
ara og fjögur línuskip og samtals
starfa um 360 manns hjá fyrirtækinu.
Ekki eru þó allir í fullu starfi því
nokkuð er um hlutastörf og t.d. eru
tvær áhafnir á hvorum togara.
„Það hefur gengið mjög vel að
fiska undanfarið miðað við þessa
rosalegu ótíð og mikið virðist vera af
þorski og reyndar flestum teg-
undum,“ segir Eiríkur. „Haustið var
einstaklega gott og línuskipin sem þá
voru fyrir austan land hafa aldrei
fiskað eins vel. Línubátarnir hafa frá
áramótum mikið verið á svæðinu frá
Eyjum og vestur undir Snæfellsnes,
en togararnir sitt á hvað eftir afla-
brögðum og veðri. Vinnslan ræður
miklu um hvað við veiðum mikið, en
sjálfsagt væri hægt að taka meiri afla
á skipin eins og fiskiríið hefur verið.“
Afurðir um allan heim
Þorbjörninn saltar megnið af afl-
anum eins og áður, en talsverð aukn-
ing hefur verið í framleiðslu á fersk-
um flökum, en allar fiskvinnslur í
Grindavík leggja áherslu á útflutning
á þeim og sumar alfarið.
Flökin fara bæði á Bandaríkja-
markað og inn á Evrópu. Nú er hag-
kvæmt að selja vestur um haf vegna
stöðu dollarans, en þar hamlar af-
kastageta í flugi. Þorskafli frystitog-
aranna fer mikið til Ameríku, Bret-
lands og annarra Evrópulanda, en að
öðru leyti fer frysti fiskurinn nánast
um allan heim, misjafnt eftir teg-
undum, að sögn Eiríks.
Hann segir að oft hafi verið líflegt
við Grindavíkurhöfn síðustu vikur.
Tíðin hafi verið erfið fyrir minni
bátana, en þeir hafi oft mokfiskað
þegar þeir hafi komist á sjó. „Það
hefur ekki verið óalgengt að þeir hafi
tvíhlaðið hérna rétt fyrir framan og
verið svaka veiði suma dagana,“ segir
Eiríkur.
Talsverð hækkun fiskverðs síðasta árið
Annir við útskipun á saltfiski í Grindavík Gengið vel að fiska undanfarið miðað við tíðarfarið
Líflegt við höfnina síðustu vikur Línuskipin hafa aldrei fiskað eins vel og fyrir austan í haust
„Við höfum náð að róa 15 sinnum
þessa 70 daga sem liðnir eru frá
áramótum, samt notum við hverja
stund og sætum lagi til að skjótast
út á öllum tímum. Maður snýr sólar-
hringnum við ef því er að skipta í
þessu hryllilega tíðarfari,“ sagði
Örvar Marteinsson á Glað SH-226
frá Ólafsvík.
Þeir eru tveir á veiðum og reru
tvívegis á mánudag, fóru fyrst út
síðdegis og komu með 4,3 tonn um
kvöldið. Fóru svo aftur út undir
miðnætti og komu inn rétt fyrir há-
degi í gær með 3,7 tonn. Örvar
sagði að þeir hefðu róið með um 20
bala í hvorri ferð, en Glaður er níu
tonna bátur. Línuna lögðu þeir út af
Grundarfirði og því ekki langt að
sækja.
Hann segir ástæðulaust að
kvarta yfir aflabrögðum á línuna,
en í dragnót og net hafi gengið ein-
staklega vel og oft verið mokveiði.
„Þetta er fínasti fiskur sem veiðst
hefur undanfarið og hrygningar-
þorskurinn er að ganga á miðin.
Hann er farinn að bíða eftir loðn-
unni með kjaftinn opinn,“ segir
Örvar.
Morgunblaðið/Alfons Finnsson
Löndun Örvar Marteinsson, skipstjóri á Glað SH, jafnhattar einn gulan við
löndun í Ólafsvík í gærmorgun. Ólafur Bjarnason SH-137 í baksýn.
„Maður snýr sólarhringn-
um við ef því er að skipta“
Snemma í gærmorgun fóru minni
Grindavíkurbátar að tínast úr
róðri sem hófst þegar lægði síð-
degis á mánudag. Ekki seinna
vænna því hvellur gærdagsins var
byrjaður að gera vart við sig. Um
klukkan níu í gærmorgun voru
bátar undir átta löndunarkrönum
og allt á fullu, eins og Sigurður
Arnar Kristmundsson, hafnarstjóri
í Grindavík, orðaði það.
„Í þessari dæmalausu óveðratíð
hefur vertíðin samt gengið ótrú-
lega vel,“ sagði Sigurður. „Þetta
hefur verið sérstaklega erfitt hjá
minnstu bátunum og handfæra-
bátar sjaldan getað róið. Þó reru
tveir þeirra á mánudagi og Jói á
Hrappnum [Jóhann Guðfinnsson]
rak í fínan afla eða 1.700 kíló en
hann rær einn.“
Fyrstu tvo mánuði ársins var
álíka miklum afla landað í Grinda-
vík og á sama tíma í fyrra þrátt
fyrir að landanir hafi verið 33%
færri í ár eða rúmlega 300 á móti
tæplega 500 fyrstu tvo mánuði síð-
asta árs. „Hver róður hefur skilað
mun meiri afla í ár,“ segir Sig-
urður.
Ljósmynd/Haraldur Hjálmarsson
Stöðugar brælur Ágúst GK-95, eitt skipa Þorbjarnarins, siglir í gegnum
brimskafla inn til Grindavíkur fyrr í vetur, en skipið landaði einnig í gær.
Vertíðin gengið ótrúlega
vel í dæmalausri óveðratíð
Vestanganga
loðnunnar virð-
ist hafa skilað
drjúgu magni
suður í Breiða-
fjörð að þessu
sinni, samkvæmt
því sem haft er
eftir Hjalta Ein-
arssyni, stýri-
manni á Faxa RE, á heimasíðu HB
Granda. Skipin hafa hins vegar átt
erfitt með að stunda veiðar vegna
veðurs og sjólag verið ákaflega
erfitt. Haft er eftir Hjalta að sjó
hafi aldrei náð að slétta á milli
bræla og mikið veiðarfæratjón
hafi orðið vegna mikillar kviku í
sjónum.
Vel veiddist á miðunum út af
Látrabjargi á mánudag og í fyrri-
nótt en eftir því sem leið á morg-
uninn og veður versnaði fækkaði
skipum á miðunum. Mörg skip-
anna náðu fullfermi áður en veðrið
brast á og er nú verið að vinna
loðnuhrogn víða.
Drjúg vestanganga
en erfið tíð og sjólag