Morgunblaðið - 11.03.2015, Blaðsíða 14
14 FRÉTTIRInnlent
MORGUNBLAÐIÐ MIÐVIKUDAGUR 11. MARS 2015
Þórunn Kristjánsdóttir
thorunn@mbl.is
„Áður en götunum Snorrabraut og
Borgartúni var breytt og þær
þrengdar, þá litu þær ekki illa út ef
litið er til slysa á þeim,“ segir Ólaf-
ur Kr. Guðmundsson, varaformaður
Félags íslenskra bifreiðaeigenda.
Framkvæmdir í Borgartúni
byrjuðu í júlí 2013 og þeim lauk um
mitt ár 2014. Á Snorrabrautinni
voru framkvæmdirnar um mitt ár
2013.
Ólafur bar saman slysatíðni á
þessum tveimur götum frá árinu
2005 og fram til 2014, samhliða um-
ferðarþunga á þeim.
Á þessu tímabili í Borgar-
túninu varð eitt alvarlegt slys á
hjólreiðamanni árið 2010, sem varð
fyrir bíl í hægri beygju af Borgar-
túni. Þá varð eitt alvarlegt slys á
gangandi manni sem þveraði Borg-
artúnið þar sem ekki er lögbundin
gangbraut. Öll hin slysin með litlum
meiðslum, þrjú að tölu, voru í bílum,
þar af eitt í strætisvagni sem heml-
aði snöggt, þannig að farþegi datt í
vagninum.
Á Snorrabraut hafa orðið tvö
banaslys á þessum tíma, annað 2005
og hitt 2010. Af hinum slysunum
þar sem mikil meiðsl voru á fólki
var eitt fall af bifhjóli og tvö þar
sem ekið var á hjólandi og gangandi
á umferðarljósum en einhver hefur
þá væntanlega farið yfir á rauðu
ljósi. Mikil fjöldi óhappa er með
litlum meiðslum en stærsti hluti
þeirra er hliðarárekstur bíla á
gatnamótum. Tvö tilfelli eru þar
sem ekið var á gangandi, bæði á
umferðarljósum.
Líta verður á slys á götunum í
tengslum við umferðarmagn á þeim.
Slysatíðni meiri á Snorra-
braut en í Borgartúni
Í Borgartúninu er umferðin
mun meiri en á Snorrabraut. Sam-
kvæmt talningum er Borgartúnið
með um og yfir 17.000 bíla að með-
altali á sólarhring, en Snorrabrautin
kringum 13.000, sem þýðir tæplega
35% meiri umferð í Borgartúni. Að
meðaltali yfir tímabilið 2005 til 2014
eru 70 óhöpp í Borgartúni á móti
186 á Snorrabraut, þannig að slysa-
tíðnin á Snorrabrautinni er mun
meiri. Einnig eru slys þar sem
meiðsl verða á fólki mun tíðari á
Snorrabraut, eða 25 á Snorrabraut
en 8 í Borgartúni þrátt fyrir meira
umferðarmagn.
Ólafur bendir hins vegar á að
of stuttur tími sé liðinn frá því að
framkvæmdunum lauk svo hægt sé
að segja til um hvort aðgerðirnar
hafi breytt miklu.
Samgöngustofa tekur í sama
streng og segir að of stuttur tími sé
liðinn frá þrengingunum svo hægt
sé að leggja mat á þær.
Ekki hægt að meta
strax áhrif þrenginga
Morgunblaðið/Ómar
Þrenging á Snorrabraut Líklega verður farið í endanlega útfærslu á þrengingum á kjörtímabilinu.
Snorrabraut og Borgartún litu ekki illa út fyrir breytingar
Morgunblaðið/Ómar
Stoppistöð við Borgartún Slysatíðnin er meiri á Snorrabraut en í Borgartúni.
„Þetta hefur fyrst og fremst
aukið öryggi gangandi vegfar-
enda á þessum götum. Ég hef
rætt þetta við umferðarverk-
fræðing og helstu umferðarsér-
fræðinga borgarinnar, þeir eru
ekki í vafa um það,“ segir
Hjálmar Sveinsson, formaður
umhverfis- og skipulagsráðs
Reykjavíkurborgar. Á kjör-
tímabilinu verður hönnuð end-
anleg útfærsla á Snorrabraut-
inni. Framkvæmdirnar verða
nokkuð flóknar en líklega verð-
ur Snorrabraut ein akrein í
hvora átt með beygjureinum þar
sem við á. Það mun minnka um-
ferðarhraðann og auka svigrúm
fyrir fleiri ferðamáta en einn.
Aukið öryggi
gangandi
ÞRENGING Á SNORRA-
BRAUT OG Í BORGARTÚNI
„Við höfum ekki verið með sverð á
lofti og því óþarft að slíðra sverð,“
segir Þór Jónsson, talsmaður Lýsing-
ar, aðspurður en fyrirtækið sendi frá
sér tilkynningu í gær þess efnis að í
kjölfar tveggja hæstaréttardóma í
síðustu viku megi leysa ýmis ágrein-
ingsmál um endurreikning gengis-
tryggðra samninga á grundvelli laga,
samningsskilmála og fenginna for-
dæma í Hæstarétti.
„Lýsing hefur varist þegar við höf-
um talið á okkur hallað og sóst eftir
leiðsögn dómstóla um flókin úrlausn-
arefni. Við höfum alltaf lýst því yfir að
við fylgjum viðeigandi fordæmum og
það hefur ekkert breyst,“ segir Þór.
Hann segir að með dómunum sé
réttarstaðan ljósari og skýrari en
fyrr, sumt hafi tapast, sumt unnist, og
að viðskiptavinir geti sótt um nýjan
endurreikning í stað hins fyrri á þjón-
ustuvef félagsins. Spurður hvort búið
sé að leysa einhver mál segir Þór að
Lýsing hafi sett
sig í samband við
lögmenn í þessum
málum. „Við erum
byrjaðir að fara
yfir þau með hlið-
sjón af því hvernig
við teljum rétt að
standa að málum í
ljósi réttarþróun-
arinnar.“
Hann segir að það sé vitleysa að
Lýsing dragi lappirnar. „Ég vísa því
algjörlega á bug. Við höfum sóst eftir
ótvíræðri niðurstöðu um skyldur okk-
ar og réttarkerfið vinnur ekki hraðar
en raun ber vitni.“ Gagnrýni um að
Lýsing hafi frekar þybbast við en
önnur fjármálafyrirtæki svarar hann
með því að Lýsing sé lítið fyrirtæki
sem passi upp á budduna „og við
skiptum ekki um kennitölu í hruninu,
fengum lánasafn með afslætti eða
styrk frá ríkinu“. benedikt@mbl.is
„Aldrei verið með
nein sverð á lofti“
Lýsing byrjuð að jafna ágreining
Þór Jónsson
Mörkinni 6 | 108 Reykjavík | S: 568 2533 | www.fi.is
FERÐAFÉLAG ÍSLANDS
www.fi.is
Fræðslu- og
myndakvöld
„Kúnstir nátt
úrunnar“ og
Kverkfjöll
Ferðafélag Íslands stendur fyrir fræðslu- og myndakvöldi
nk. miðvikudag, 18. mars, kl. 20:00 í sal FÍ.
„Kúnstir náttúrunnar“, söngvísur
og svipmyndir
Árni Björnsson, Halldór Ólafsson og Páll Einarsson
fræða okkur um ævistarf Sigurðar Þórarinssonar
jarðfræðings og flytja ásamt fleirum nokkarar
vísur eftir hann.
Kverkfjöll - paradís göngu- og
fjallaskíðafólks
Að loknu kaffihléi mun Tómas Guðbjartsson
yfirlæknir sýna myndir frá ferðum í Kverkfjöll
- paradís göngu- og fjallaskíðafólks.
Aðgangseyrir kr. 600, innifalið kaffi og kleinur
Allir velkomnir!