Morgunblaðið - 11.03.2015, Blaðsíða 21
FRÉTTIR 21Erlent
MORGUNBLAÐIÐ MIÐVIKUDAGUR 11. MARS 2015
Sýningarsalur í Skipholti 35 • Seljabót 7, Grindavík • www.pgv.is • Sími 510 9700
Veldu viðhaldsfrítt
PVC gluggar og hurðir -
íslensk framleiðsla fyrir íslenskt veðurfar
Nýjung - viðhaldsfrítt þakkantsefni PVC gluggar og hurðir
PGV Framtíðarform er stöðugt að leita að nýjung-
um sem gætu hentað erfiðum veðurskilyrðum hér
á landi. Viðhaldsfría þakkantsefnið hefur hlotið
frábærar viðtökur og greinilegt að mikil þörf eru á
slíkri nýjung.
Barnalæsing - Mikil einangrun
CE vottuð framleiðsla - Sérsmíði eftir málum
Glerjað að innan - Áratuga ending - Næturöndun
Það vakti mikla athygli þegar karlfyrirsætan Derek
Zoolander steig á pallinn ásamt keppinautnum Hansel
á tískuvikunni í París, einni stærstu tískusýningu
heims. Þegar nánar var að gáð reyndust þetta vera þeir
Ben Stiller og Owen Wilson að kynna framhaldið á
gamanmyndinni Zoolander frá árinu 2000.
AFP
Zoolander snýr aftur á tískupallinn
Embættismenn í Póllandi og Lett-
landi lýstu í gær yfir efasemdum sín-
um um sérstakan her á vegum Evr-
ópusambandsins.
Grzegorz Schetyna, utanríkis-
ráðherra Póllands, sagði hugmynd-
ina vera mjög áhætturíka í útvarps-
viðtali, en Jean-Claude Juncker,
forseti framkvæmdastjórnar Evr-
ópusambandsins, hafði lýst áhuga
sínum á hugmyndinni á sunnudag-
inn. Samkvæmt hugmyndum Junck-
ers myndi Evrópuherinn einkum
vera til varnar ásælni Rússa.
Schetyna spurði hvaðan fjár-
magnið til slíks hers ætti að koma og
hverjir myndu leggja honum til liðs-
afla.
Laimdota Straujuma, forsætis-
ráðherra Lettlands, tók í svipaðan
streng og Schetyna, en hún sagði í
sjónvarpsviðtali að hugmyndin yrði
mögulega rædd í sumar í Evrópu-
ráðinu.
Efast um
gildi Evr-
ópuhers
Miklar efasemdir í
Póllandi og Lettlandi
Stefán Gunnar Sveinsson
sgs@mbl.is
Pakistan hefur ákveðið að aflétta
tímabundnu banni sínu við dauða-
refsingum, en það hefur staðið frá
árinu 2008. Í desember var hluta
bannsins aflétt, en einungis í þeim
tilfellum sem sneru að hryðjuverka-
starfsemi. Var sú ákvörðun tekin í
kjölfar hrottalegrar árásar talibana
á skóla í norðurhluta landsins, þar
sem 150 manns, mestmegnis börn á
skólaaldri, féllu.
Innanríkisráðuneyti Pakistans
sendi í gær frá sér tilskipun til hinna
ýmsu héraðsstjórna landsins um að
byrja ætti á ný að hengja þá fanga á
dauðadeild sem ættu sér ekki lengur
von um áfrýjun eða náðun. Landið
hefur þegar hengt 24 fanga á dauða-
deild í kjölfar árásarinnar í desem-
ber.
Nær til um þúsund manns nú
Í tilskipun innanríkisráðuneytis-
ins var mælst til þess að héraðs-
stjórnirnar myndu flýta fyrir aftök-
um þeirra sem ættu sér ekki lengur
von um náðun frá forseta landsins.
Samkvæmt upplýsingum frá emb-
ættismönnum í Pakistan nær sú lýs-
ing til um það bil þúsund fanga á
dauðadeild. Samkvæmt heimildum
Amnesty International eru um 8.000
manns sem bíða aftöku í landinu.
Pakistan frestaði öllum aftökum í
landinu meðal óbreyttra borgara ár-
ið 2008, og hafði einungis einn her-
maður verið tekinn af lífi síðan þá, í
nóvember 2011.
Ákvörðun Pakistana hefur verið
harðlega gagnrýnd af mannréttinda-
samtökum og Evrópusambandinu,
sem segja hana draga úr réttarvernd
almennra Pakistana.
Á meðal þeirra sem geta nú átt
von á að verða teknir af lífi er Mum-
taz Qadri, lífvörður sem skaut Salm-
an Taseer, héraðsstjóra í Punjab, til
bana árið 2011, en Qadri var sak-
felldur á mánudaginn og dæmdur til
dauða. Talið hafði hins vegar verið að
ekki myndi koma til aftöku hans, þar
sem rétturinn hafði fellt niður þann
hluta ákærunnar sem sneri að
hryðjuverkum.
Taka upp dauðarefsingu á ný
Um það bil 8.000 manns eru á dauðadeild í Pakistan Hlé hafði staðið frá 2008
AFP
Mótmælt Íslamistar mótmæla dómi
yfir Mumtaz Qadri á mánudaginn.
Þjóðarsorg ríkti í Frakklandi í gær
eftir að tíu manns fórust í þyrluslysi
í Argentínu. Þar á meðal voru þrír
af ástsælustu íþróttamönnum þjóð-
arinnar, en siglingakonan Florence
Arthaud, sundkonan Camille Muf-
fat, gullverðlaunahafi á ólympíu-
leikunum, og hnefaleikakappinn
Alexis Vastine voru á meðal þeirra
sem fórust þegar tvær þyrlur
skullu saman í fjallahéruðum Arg-
entínu, en þar átti að taka upp
raunveruleikasjónvarpsþátt. Eng-
inn komst lífs af úr slysinu, en auk
íþróttamannanna týndu fimm
franskir sjónvarpsmenn og tveir
argentínskir þyrluflugmenn lífi.
Þjóðarsorg vegna
þyrluslyss
FRAKKLAND
Mohammad Ja-
vad Zarif, utan-
ríkisráðherra Ír-
ans, sagði í gær
að bréf frá þing-
mönnum repú-
blikana á Banda-
ríkjaþingi hefði
dregið úr trausti
Írana á Banda-
ríkjunum.
47 þingmenn
flokksins rituðu undir bréfið þar
sem lýst var yfir að Barack Obama
Bandaríkjaforseti hefði enga heim-
ild til þess að undirrita bindandi
samkomulag við erlend ríki án sam-
þykkis þingsins.
Þingmannabréfið
dregur úr trausti
Mohammad
Javad Zarif
ÍRAN
Sópransöngkonan Sarah Bright-
man tilkynnti í gær að hún hygðist
vera fyrsta óperusöngkonan sem
færi um borð í alþjóðlegu geimstöð-
ina, en miðinn þangað kostar 52
milljónir Bandaríkjadala.
Brightman, sem eitt sinn var gift
tónskáldinu Andrew Lloyd Webber,
sagði að hún stefndi að því að
syngja dúett með söngvara sem
væri á jörðu niðri.
Sópran vill syngja
dúett í geimnum
STÓRA-BRETLAND
Fjölmargir mótmælendur í Búrma
voru handteknir í gær eftir að lög-
reglan í borginni Letpadan beitti
kylfum til þess að binda enda á stúd-
entamótmæli.
Óttast er að atburðirnir boði aft-
urhvarf til tíma herforingjastjórn-
arinnar sem lét af völdum árið 2010,
en þetta eru önnur mótmælin á
stuttum tíma sem barin eru niður.
Stefnt er að því að kosningar fari
fram í landinu í lok þessa árs.
Að sögn heimildarmanns AFP-
fréttastofunnar þurfti tvo stóra
vörubíla til þess að færa hina hand-
teknu í burtu, en mótmælin hafa nú
staðið yfir í viku. Snúast þau um
deilu á milli stjórnvalda og nemenda
um fyrirkomulag náms í landinu.
Samkvæmt innanríkisráðuneyti
Búrma voru 127 manns handteknir,
þar af 20 konur, vegna mótmælanna.
Háttsettur lögregluþjónn staðfesti
að sumir þeirra hefðu verið slasaðir
og færðir á sjúkrahús, en 16 lög-
reglumenn þurftu einnig aðhlynn-
ingu vegna grjótkasts.
Bretar bregðast við
Fulltrúi frá mannréttindasam-
tökunum Human Rights Watch
gagnrýndi aðfarir lögreglu og sagði
þær minna á fyrri tíð. Sendiráð
Breta í landinu sendi frá sér skila-
boð á vefsíðunni Twitter, þar sem
þungum áhyggjum Breta á atburð-
um dagsins var lýst, en Búrma var
bresk nýlenda í áraraðir áður en
landið fékk sjálfstæði árið 1948.
Sendiráð Bandaríkjanna lét einn-
ig heyra í sér og hvatti til þess að all-
ir aðilar sýndu þolinmæði og vilja til
að miðla málum á leið landsins til
lýðræðis.
Núverandi ríkisstjórn Búrma hef-
ur komið á fót ýmsum umbótum frá
tíma herforingjastjórnarinnar, en
hefur nýlega verið gagnrýnd fyrir að
vilja fara of hægt í breytingar.
Stúdentamótmæli
barin niður í Búrma
Fjöldi fólks færður á brott í járnum
AFP
Óeirðir Lögreglan í Búrma leysti
upp mótmæli í gær.