Húnavaka - 01.05.1961, Síða 26

INGVAR PÁLSSON, Balaskarði:
Ljódadísin
Mímisveigar margir teyga
og mynda fleygar hendingar.
Stökur seigar oft þeir eiga
og sem mega geymast þar.
Stenzt þó enginn stóra sopa,
strauma mengið vinnur á.
Ef ég fengi agnar dropa
eflaust gengi betur þá.
Ó, þú ljóða-dísin dýra
drauma móðu birtist í.
Komdu á slóðir hugans hýra
hjartagóð og vinahlý.
Þig skal ljóðalofstír prísa,
löngu er þjóð þín fegurð kunn.
Elsku góða yndið dísa
átt að bjóða fram þinn munn.
Þá er ljóst, ei því má hagga,
þar sem hrjóstrugt nokkuð er.
Upp við brjóst mitt átt að vagga
svo ekki gjósti neitt að þér.