Húnavaka - 01.05.1961, Side 34

32
H Ú N AVA K A
,,Já, meðan ekki er kostur á nautpeningi af sérstöku holdakyni, tel ég
að svo verði að vera.
Sauðfé er arðbærara til kjötframleiðslu en það nautgripakyn, sem hér
er völ á.“
„Hve lengi hefur þú búið hér, Torfi?“
„I 15 ár. Þá byrjuðum við hér búskap með 3 kýr, en þær urðu allar
snemmbærar svo við urðum að kaupa mjólk fyrsta sumarið.11
Nú vitum við að samhliða þessu stóra kúabúi hefur Torfalækjarbónd-
inn margt sauðfjár og hrossa. Við spyrjum hann um þetta.
„Sauðfjárbú þurfa að vera nokkuð stór, ef þau eiga að bera sig fjár-
hagslega. Þau bú ætti fyrst og fremst að reka á þeim stöðum, sem gott
er að ná til vetrarbeitar og sumarhaglendi er gott.
Meðan þess er ekki kostur að beita öllu búfé á ræktað land, verður
haglendi stór liður í afurðagjöf fjárins.
Um hrossarækt er það að segja, að hana tel ég gefa lélegasta útkomu
og vera vafasömustu búfjáreign bænda hér.“
Og nú spyrjum við: „Telur þú efnilegt fyrir ungt fólk að stofna til
búreksturs?“
„Ekki mundi ég letja ungt fólk, sem þess væri fýsandi. Allt framtak
hefur í upphafi vissa örðugleika í för með sér, og frá þjóðhagslegu sjón-
armiði tel ég nauðsynlegt að ungt og vel gert fólk vinni að uppbyggingu
sveitanna. Ríkisvaldið þarf að létta undir með þessu fólki með stóraukn-
um og hagkvæmari lánum en nú er.
Að lokum vil ég segja þetta: Bændur eiga að gera sér lífið léttara.
Alla helgidagavinnu á að leggja niður nema það, sem óumflýjanlegt
er, svo sem mjaltir og fóðurgjöf. Fólkið þarf að hafa tíma til að fara
bæjarleið og blanda geði við nágrannana. Öll upplyfting frá önn dags-
ins eykur víðsýni og gjörir menn bjartsýnni.11
Nú langar okkur til að tala nokkur orð við húsmóðurina.
Hún er ekki frá rót runnin í Húnavatnssýslu, heldur suður á Reykja-
nesskaga í Gullbringusýslu og því við öll önnur ytri skilyrði en þau,
sem Húnabyggð býður upp á.
Okkur leikur því hugur á að vita hvert viðhorf hennar er til þessara
mála. Frúin er fús til að svara spurningum okkar.
„Hvert er álit þitt á því, að ungar stúlkur aldar upp við önnur skil-
yrði og lífsviðhorf, staðfestist sem húsfreyjur í sveit?“
„Mitt álit er, að það geti verið ágætt, ef þær eignast góðan mann. Séu
hjónin samhent eru erfiðleikarnir auðunnari.