Húnavaka - 01.05.1961, Qupperneq 46

44
HÚNAVAKA
uð þyrfti á sig að leggja. Og það er beinlínis skylda okkar að búa
þannig að hinni uppvaxandi kynslóð hér, að hún m.a. hafi greiðan
aðgang til að geta lært sund hér heima og haldið því við að loknu námi.
Við byggingu slíkrar laugar, sem hér er um talað, leggur ríkið fram
40% af stofnkostnaði, finnst mér endilega að það sem þá er eftir,
60%, geti ekki numið meira verðmæti en meða! íbúðarhús, eins og
margir ungir og efnalitlir menn hér hafa reist sér, og virðast ráða við,
og því skyldum þá ekki við — heilt hreppsfélag — einnig geta þetta?
Einnig má benda Enghlíðingum á, að sundlaug hér á Blönduósi er
staðsett svo að segja miðsvæðis í þeirra hreppi, og væri ekki óeðlilegt
að þeir yrðu þarna með, legðu fram fjárhæð nokkra að sínum hluta,
og fengju svo afnot af lauginni eftir þörfum. Sama mætti líka segja um
ýmsa hreppa sýslunnar, að þægilegast yrði fyrir þá að koma börn-
um hingað.
Margt fleira mætti um þetta segja, en til þess er ekki rúm hér, og
kannski ekki ástæða heldur, en ég vona að Blönduósingar taki nú hönd-
um saman og komi þessu góða máli í framkvæmd, það er búið að drag-
ast of lengi, og trúað gæti ég að þegar byrjað verður á verkinu muni
það ganga vel, og margir vilja styðja þar að, svo að fram megi ganga
okkur til gagns og sóma.
I vetur eru upp undir 100 börn hér í barnaskólanum og milli 30
og 40 nemendur í unglingaskólanum. Þá mun og ákveðið að næsta
vetur verði stofnuð hér og starfrækt landsprófsdeild, sem er mikil og
þakkarverð framför, má því gera ráð fyrir að börn og unglingar á þess-
um skólum verði mikið á annað hundrað næsta vetur, að ógleymdum
kvennaskólanum.
Allt þetta unga fólk þarf að læra sund á næstu árum og taka þar
tilskilin próf. Þctta, m.a. sýnir hve þörfin er mikil, og nauðsyn skjótra
úrbóta.