Húnavaka - 01.05.1961, Síða 59

BJÖRN S. BLÖNDAL:
Lausavísur
Oft ég sótti er ýfðust mein
yl í forna bögu.
Hjalað getur hending ein
helft úr ævisögu.
Misjafnt láta menn í dag,
margir gráta og trega.
Aðrir kátir kveða lag
kenndir mátulega.
Yfir landi unun drottnar,
auðnuband er hnýtt,
ei við sandinn bára brotnar,
blærinn andar þýtt.
Gildi snjallra er gjarnt að halla,
gefin varla á slíku stans.
Það hafa allir einhvern galla
í umtals spjalli náungans.
Hlaut ég ról um heimsins ból
hret við óláns ströngu,
lítil skjól en lága sól
lífs í skólagöngu.