Árbók Hins íslenzka fornleifafélags - 01.01.2007, Blaðsíða 137

Hinum megin er geislamynstur. Myndin er í eðlilegri stærð [á
forsíðu Árbókar]. Gunnlaugur Gíslason á Sökku gaf Þjóð minja-
safni Íslands kringluna í nóvember 1969.53
Gripurinn er 4,5 sm í þvermál og 0,9 sm á þykkt, eða nokkru minni en
skífan frá Ísleifsstöðum. Varla leikur nokkur vafi á því að um kotrutöflu sé
að ræða og því er gripurinn ekki eldri en frá ofanverðri 12. öld, nema að
spilið sé eldra en talið hefur verið, sem fyrr segir. Hefur dýramyndin snúið
niður, en geislamunstrið upp, þegar gripurinn var í notkun. Í lýsingunni
hér að ofan er sagt að fyrir ofan ljónið sé tré, sem varla er réttnefni. Tel ég
réttara að kalla það pálmettu. Svipaðir gripir koma við sögu í næsta kafla.
Íslenskar kotrutöflur og fleiri gripir
Kotrutaflan frá Viðey
Árið 1990 fannst gripur úr rauðum sandsteini (fundarnr. V90-1167) í
gólfi langhúss eða skála í Viðey.54 Viðarkol úr gólfinu hafa verið kolefnis-
aldursgreind og var óleiðrétt niðurstaða 1250 +/- 60 B.P. Sé sú niðurstaða
leiðrétt er aldur gólflagsins 652-939 e. Kr. skv. 2 sigma staðalfráviki (98%
öryggi). Því virðist kolefnisgreiningin benda til þess að gripurinn sé
136 ÁRBÓK FORNLEIFAFÉLAGSINS
18. mynd. Kotrutaflan frá Viðey
(V 90-1167). Til hægri er efri
hluti gripsins og til vinstri sá neðri.
Mælikvarði ca. 1:1. Teikning B.F.E.
19. mynd. Myndin á neðri hluta
kotrutöflunnar endurgerð eins og
höfundur telur að hún kunni að hafa
litið út. Mælikvarði ca. 1:1. Teikning
B.F.E.1 sm