Árbók Hins íslenzka fornleifafélags - 01.01.2007, Blaðsíða 180

GREINARHEITI 179
þeirra var ekki mæld sérstaklega, en þær eru um 10-20 m frá líklegu
kumlstæði.
Grænavatnsgötur nefnist leiðin milli Baldursheims og Grænavatns.
Sama leið var einnig farin þegar farið var á aðra bæi austan Mývatns og
út í Reykjahlíð. Vafalaust er þetta mjög gömul leið. Á loftmyndinni frá
1958 má fylgja götunum eftir norðan við túnið austan við bæinn upp að
melnum. Þar hverfa þær á kafla en koma aftur í ljós norðaustast í melnum
þar sem nokkrar götur liggja samsíða niður að vaðinu yfir svonefndan
Vætukíl Um 1960 voru móar sem nefndust Holtsendi græddir upp og
breytt í tún, en þar sést þó enn móta lítillega fyrir götunum. Ljóst er að
þær hafa legið í austur frá bænum, en síðan sveigt til norðausturs efst á
melnum, nálægt þeim stað sem kumlið virðist hafa komið í ljós. Alkunna
er að kuml voru gjarnan við fornar leiðir, þar sem nálægðin við götuna
var líkleg til þess að halda minningu um hinn látna vakandi. Þetta gæti vel
hafa átt við í tilviki Baldursheims.7
Á okkar dögum eru engin sjáanleg ummerki um kumlið á yfirborði.
Holtið er nú uppblásinn melur, en miðað við rofabarðið á háholtinu við
10. mynd. Baldursheimur. Horft til austurs frá bænum. Baldurs heimstjörn er á
miðri mynd. Miðað við lýsingar af fundinum hefur kumlið sennilega verið á upp-
blásnu holti, nálægt svæðinu sem örin til vinstri bendir á. Grænavatnsgötur liggja
upp túnið (ör til hægri) þar sem mótar fyrir leifum af gömlu girðingunni og tréð er.