Dagblaðið Vísir - DV - 24.04.2009, Qupperneq 8

föstudagur 24. apríl 20098 Fréttir
Hundrað milljóna
veð í Húsi styrmis
Landsbankinn tók árið 2006 veð í húsi Styrmis Gunnarssonar, þá ritstjóra Morgunblaðsins, með útgáfu
á 100 milljóna króna tryggingarbréfi. Bréfið er nú eign Landsbankans nýja. DV hefur aflað margvíslegra
gagna sem benda til þess að skuldir ritstjórans hafi verið nær óyfirstíganlegar og hann því háður mikilli
velvild lánardrottna, meðal annars Glitnis, VÍS og Byrs auk Landsbankans.
Hús Styrmis Gunnarssonar við
Marbakkabraut í Kópavogi er veð-
sett Landsbankanum fyrir 100
milljónir króna með vaxtalausu
tryggingarbréfi sem gefið var út í
apríl 2006. Tryggingarbréfið er nú í
eigu Nýja Landsbankans.
Þetta merkir ekki endilega að
skuldin að baki tryggingarbréfinu
nái því marki, en allt bendir til að
upphæðin hafi átt að hrökkva fyr-
ir skuldum sem safnað yrði undir
hatt tryggingarbréfsins.
Í október 2006 eignaðist Björg-
ólfur Guðmundsson, aðaleigandi
Landsbankans, hlut í Árvakri, út-
gáfufélagi Morgunblaðsins, þar
sem Styrmir var þá ritstjóri. Hundr-
að milljóna króna tryggingarbréfið
var gefið út meðan Björgólfur Guð-
mundsson var formaður bankaráðs
Landsbankans og Kjartan Gunn-
arsson, þá framkvæmdastjóri Sjálf-
stæðisflokksins, sat í bankaráðinu.
Ótrúleg skuldasúpa
Byr sparisjóður gerði fjárnám í hús-
eign Styrmis í lok júní 2007 vegna
liðlega 17 milljóna króna veðskuld-
ar. Ekki er vitað um afdrif þeirrar
kröfu eða samninga vegna hennar.
Tryggingafélagið VÍS gerði fjár-
nám í húsi Styrmis í maí 2007
vegna liðlega 5 milljóna króna veð-
skuldar. Glitnir reyndi fjárnám í
árslok 2006 vegna samanlagt lið-
lega 21,5 milljóna króna skuldar án
veðtrygginga. Dráttarvextir á þeim
skuldum námu á þeim tíma 7,7
milljónum króna.
Samkvæmt heimildum DV
leysti Landsbankinn til sín 10 millj-
óna króna skuld Styrmis við Glitni
löngu eftir þennan tíma.
Auk þeirra skulda sem þeg-
ar hafa verið nefndar hafa aðrar
skuldir, samtals um 10 milljónir
króna, verið til innheimtu, eink-
um á tveimur undanförnum árum.
Þar af var gert uppboð hjá Styrmi
vegna 6,4 milljóna króna skuldar í
nóvember síðastliðnum.
Útgáfudagar veðskuldabréf-
anna, þar með talið 100 milljóna
króna tryggingarbréfið hjá Lands-
bankanum, eru allir á árunum
2006 og 2007. Skuldir Styrmis hjá
Glitni eru eldri og ná aftur
til ársins 2001. Lík-
legt er að ný
skuldabréf hafi verið gefin út til
lúkningar enn eldri skuldum eða
skuldbreytinga af öðru tagi, en
heimildir eru fyrir tugmilljóna
skuldum Styrmis að minnsta kosti
16 ár aftur í tímann.
Ljóst má vera af stefnum og inn-
heimtumálum mismunandi lán-
ardrottna á hendur Styrmi að 100
milljóna króna tryggingarbréfið í
Landsbankanum hefur ekki dug-
að fyrir öllum kröfum. Því má ætla
af ofangreindu að skuldir hans séu
vel yfir 100 milljónum króna.
Tekið skal fram að upplýsing-
arnar sem hér eru birtar byggjast
á margvíslegum gögnum sem DV
hefur aflað. Taka ber tillit til að veð-
setning og skuldir teljast eðlileg-
ar, til dæmis húsnæðisskuldir. Á
móti kemur að þrjátíu ár eru síð-
an Styrmir eignaðist umrætt hús í
Kópavogi.
Kjartan biður um að Styrmir
verði gerður upp
Sverrir Hermannsson, fyrrver-
andi ráðherra Sjálfstæðisflokksins
og síðar bankastjóri Landsbank-
ans, segir á nýrri vefsíðu sinni frá
tilraunum úr innsta kjarna Sjálf-
stæðisflokksins til þess að knésetja
Styrmi Gunnarsson ritstjóra Morg-
unblaðsins á síðasta áratug. Kjart-
an Gunnarsson, þáverandi fram-
kvæmdastjóri Sjálfstæðisflokksins
og bankaráðsmaður í Landsbank-
anum, hafi árið 1995 komið á fund
til sín þegar hann var bankastjóri
Landsbankans og beðið sig um að
gjaldfella skuldir Styrmis.
Sverrir segir sjálfur: „Erind-
ið kvað Kjartan vera að Davíð telji
Styrmi Gunnarsson stjórna Morg-
unblaðinu með þeim hætti að hann
liggi þar undir áföllum sjálfur, en
Styrmir mylji hinsvegar undir Jón
Baldvin. Davíð vilji ekki við þetta
una, og ætli að koma Styrmi á kné.
Davíð hafi komizt að því, að Styrm-
ir væri það skuldum vafinn að hægt
væri að ganga að honum og gera
hann gjaldþrota. „Hvað höfum
við á hann?“ varð Davíð jafnan að
orði þegar hann þóttist þurfa að ná
sér niðri á mönnum,“ segir Sverrir
á síðunni og bætir því við að það
sé ljóst að Kjartan hafi komist að
skuldastöðu Styrmis í bankanum
og lekið henni í Davíð Oddsson.
Davíð hótar einnig
Í nafnlausu bréfi til Matthíasar Jo-
hannessen, fyrrverandi Morgun-
blaðsritstjóra – skömmu eftir að
ríkisstjórn Davíðs Oddssonar hafði
flæmt Sverri og tvo aðra banka-
stjóra frá Landsbankanum 1998 –
er haft í hótunum við Styrmi vegna
tíðra og óvæginna greina Sverr-
is um Davíð og aðra forystumenn
Sjálfstæðisflokksins.
Sverrir birtir eftirfarandi úr
bréfinu á vefsíðu sinni: „Davíð fór
illa með aumingja Styrmi þegar sá
síðari ætlaði að taka hann í bak-
aríið fyrir að breiða út um bæinn
hvernig skuldastaða hans væri í
bankakerfinu. Svaraði honum full-
um hálsi og sagði það rétt og að
honum dytti ekki í hug að liggja á
því. Úr því hann notaði Moggann
til að rakka sig niður skyldi hann
launa honum lambið gráa með því
að upplýsa sem flesta um þessi mál
hans. Þeir skyldu bara sjá til hvor
lifði þetta af, hann eða Styrmir.“
Vist þykir að bréfið sé úr innsta
kjarna Sjálfstæðisflokksins. Sverr-
ir telur að það sé ritað af Kjartani
Gunnarssyni. Matthías styður ekki
þá kenningu og enn aðrir segjast
þekkja stílbragð Davíðs á því.
Styrmir tók söguburð sjálfstæð-
ismanna nærri sér og þótti illa að
sér vegið af Davíð, Kjartani, Birni
Bjarnasyni og fleirum. Snemma árs
1997 fór hann á fund Davíðs Odds-
sonar forsætisráðherra og spurði
hverju sætti að bornar væru út sög-
ur um miklar skuldir sínar. Entist
þeim fundurinn í margar klukku-
stundir að sögn Styrmis sjálfs.
Hvað rannsakar
rannsóknarnefndin?
Fyrirsvarsmenn
rannsóknar-
nefndar Alþingis
greindu frá því á blaðamannafundi
í upphafi mánaðarins að til stæði
að rannsaka fyrirgreiðslu bank-
anna við viðskiptamenn fjármála-
fyrirtækja, alþingismenn, tiltekna
hópa opinberra starfsmanna og
fjölmiðla, hluthafa í bönkunum og
starfsmenn. „Með þessu er nefndin
að ganga úr skugga um hvort við-
skipti þessara aðila við bankana
hafi verið með eðlilegum hætti,“
eins og segir á vefsíðu nefndarinn-
ar. Ætla má að rannsóknarnefnd-
in skoði þannig tugmilljóna króna
fyrirgreiðslu bankanna við ritstjóra
Morgunblaðsins og hvort viðskipt-
in hafi verið með eðlilegum hætti.
Ekki hefur verið lagt mat á hvort
fyrirgreiðsla bankanna við einstaka
ritstjóra eða eigendur fjölmiðla hafi
haft áhrif á fréttaflutning þeirra.
Þeirri spurningu er ósvarað
hvort Styrmir hafi talið sjálfan sig
óháðan og frjálsan undan valdi
lánardrottna á borð við eigendur
Landsbankans eða VÍS. Jafnframt
hvort hótanir innan úr innsta hring
Sjálfstæðisflokksins, frá Davíð
Oddssyni og/eða Kjartani
Gunnarssyni, hafi haft áhrif
á ritstjórn hans á Morgun-
blaðinu. Þess má geta að
Davíð rétti Styrmi sátta-
hönd á ögurstundu árið
1998 og bauð honum sæti í
virðulegri auðlindanefnd
undir stjórn
Jóhannes-
ar Nordal.
Styrm-
ir þáði
sætið og þótti stjórn Árvakurs sem
öldur hefði lægt í samskiptum
blaðsins við forsætisráðherrann.
Um þetta má lesa á vef Matthíasar
Johannessen á vef hans.
Að kyssa vöndinn
Þess má einnig geta að svonefndir
Jónínutölvupóstar, sem Fréttablað-
ið birti í lok september 2005, sýndu
að Styrmir og Kjartan höfðu hist á
ritstjórn Morgunblaðsins til þess
að leggja á ráðin um Baugsmálið
árið 2002. Báðir lýstu þeir yfir op-
inberlega að ekkert væri við fundi
þeirra að athuga á ritstjórn Morg-
unblaðsins; þeir væru nánir og auk
þess skyldir. Árið 2005 er því að sjá
sem Styrmir hafi tekið Kjartan í sátt,
manninn sem reynt hafði að gera
hann gjaldþrota tíu árum áður.
DV hefur ekki gengið úr skugga
um hvaða augum lögregluyfirvöld
líta mál sem þetta, hvort eðlilegt sé
að framkvæmdastjóri stjórnmála-
flokks fari á fund bankastjóra með
upplýsingar um skuldir við-
skiptavinar og biðji hann
um að gjaldfella þær og
gera viðskiptavininn
gjaldþrota.
JÓHAnn HAuKSSon
blaðamaður skrifar: johannh@dv.is
Hundrað milljóna
króna tryggingarbréf-
ið var gefið út meðan
Björgólfur Guðmunds-
son var formaður
bankaráðs Lands-
bankans og Kjartan
Gunnarsson, þá fram-
kvæmdastjóri Sjálf-
stæðisflokksins, sat í
bankaráðinu.
Framkvæmdastjórinn fyrrverandi Kjartan gunnarsson
bað sverri Hermannsson, fyrrverandi bankastjóra,
að gjaldfella skuldir styrmis, greinilega til að
hafa áhrif á skrif Morgunblaðsins.
Ritstjórinn fyrrverandi „davíð hafi
komizt að því, að styrmir væri það skuldum
vafinn að hægt væri að ganga að honum
og gera hann gjaldþrota. „Hvað höfum við á
hann?“ varð davíð jafnan að orði þegar hann
þóttist þurfa að ná sér niðri á mönnum.“
Á Marbakkabraut styrmir
gunnarsson í grennd við heimili
sitt. ljóst er að bæði lánar-
drottnar og sjálfstæðisflokkur-
inn hafa þjarmað að fyrrverandi
ritstjóra Morgunblaðsins.