Dagblaðið Vísir - DV - 29.05.2009, Síða 24

Föstudagur 29. maí 200924 Fréttir
Mál Sigrúnar Pálínu Ingvarsdóttur
og hinna kvennanna sem sökuðu þá-
verandi biskup, Ólaf Skúlason, um
kynferðislega áreitni árið 1996 hefur
skotið aftur upp kollinum í kjölfar af-
sökunabeiðni Karls Sigurbjörnsson-
ar biskups á Prestastefnu Íslands í
lok apríl. Þar bað biskup „þær konur
og börn, sem brotið hefur verið á af
hálfu starfsmanna og þjóna kirkjunn-
ar fyrirgefningar á þeirri þjáningu og
sársauka sem þau hafa liðið“.
Konurnar taka þessa beiðni bisk-
ups ekki gilda og hefur Sigrún Pálína
verið boðuð á fund kirkjuráðs 19. júní
þar sem hún vill persónulega fyrir-
gefningarbeiðni og uppreisn æru.
Biskup vinnur ekki með málið
Biskup hefur neitað að tjá sig um
málið í fjölmiðlum. Séra Árni Svanur
Daníelsson, upplýsingafulltrúi Bisk-
upsstofu, getur litlar sem engar upp-
lýsingar gefið um fundinn 19. júní.
„Í rauninni eru voðalega litl-
ar upplýsingar um hann. Kirkjuráð
fundar einu sinni í mánuði og hún
[Sigrún Pálína - innsk. blm.] óskaði
eftir því að fá að hitta yfirstjórn kirkj-
unnar og var boðuð á þennan fund.
Þannig stendur málið.“
Aðspurður hvort þessi fundur sé
haldinn sérstaklega fyrir Sigrúnu Pál-
ínu segir Árni Svanur svo ekki vera.
„Nei, hún kemur inn á fund sem
er þegar ákveðinn. Inn á fund kirkju-
ráðs.“
Árna Svani er ekki kunnugt um
að hinar konurnar tvær sem sökuðu
Ólaf um kynferðislega áreitni á sínum
tíma verði einnig á fundinum.
„Ekki svo ég viti, nei. Það er hún
[Sigrún Pálína - innsk. blm.] sem hef-
ur frumkvæðið með því að óska eftir
því að hitta ráðið og það er orðið við
þeirri beiðni.“
Árni Svanur getur ekki sagt til um
hvað biskup hyggst gera í málinu né
hvort hann muni gefa út yfirlýsingu
um málið fyrir fundinn.
„Nei, ég get ekki sagt til um það.
Það liggur ekkert fyrir. Ég hef engar
upplýsingar um það.“
Aðspurður í hvaða farvegi málið
sé núna er fátt um svör.
„Í rauninni er það bara þessi fund-
ur. Það liggur fyrir að hún mun koma
á fund kirkjuráðs 19. júní og málið er
eiginlega statt þar,“ segir Árni Svan-
ur og segir Biskupsstofu ekki vera að
vinna með þetta mál eins og stendur.
„Nei, vegna þess að formið á þessu
er þannig að hún óskar eftir fundi við
kirkjuráð og það er fundinn fundar-
tími og hún er boðuð á fundinn. Svo
hefur það eiginlega sinn gang eftir
það en erindið frá henni er að hitta
kirkjuráð og viðbrögðin eru að boða
hana á fund. Málið er statt þar.“
Árni Svanur veit ekki hvenær er-
indi Sigrúnar Pálínu barst þar sem
hún óskaði eftir þessum fundi. Enn-
fremur getur hann ekki sagt hvenær
alþjóð megi búast við því að heyra frá
biskupi um málið.
„Við vitum meira eftir fundinn.“
Hvar er biskupinn?
Síðan DV skrifaði um fyrirgefning-
arbeiðni biskups á prestastefnunni í
byrjun maí hefur blaðið ítrekað reynt
að fá upplýsingar um mál Sigrúnar
Pálínu og hinna kvennanna tveggja
hjá Biskupsstofu án árangurs.
Blaðamaður DV heimsótti Bisk-
upsstofu á fimmtudag og óskaði eft-
ir að fá að tala við biskup. Í móttöku
fékk blaðamaður þau svör að bisk-
up væri ekki við. Hann væri ekki við-
látinn þessa vikuna og blaðamað-
ur fengi hvort sem er ekki að tala við
hann því panta þyrfti tíma hjá ritara
hans. Blaðamaður gæti prófað að
hringja eftir helgi. Þegar blaðamaður
spurði hvar biskup væri að finna voru
svörin að hann væri á skrifstofu sinni
á Biskupsstofu. Stundu seinna spurði
blaðamaður hvort það að biskup væri
ekki við gæti þýtt að hann væri ekki
staddur á Biskupsstofu var honum,
eftir nokkurt hik, tjáð af starfsmanni
í móttöku að biskupinn væri ekki í
húsi.
Vísar í 13 ára gamla ræðu
Samkvæmt frétt DV 6. mars 1996
beittu tveir prestar, þeir Hjálmar
Jónsson, sem þá var þingmaður en
er nú dómkirkjuprestur, og Karl, nú-
verandi biskup, áhrifum sínum til að
fá konurnar, sem ásökuðu Ólaf bisk-
up um kynferðislega áreitni, til að
falla frá málum sínum. Í fréttinni seg-
ir meðal annars að prestarnir tveir
hafi átt tíða fundi með konunum og
að í kjölfar þeirra hafi ein kvennanna
dregið mál sitt til baka. „Munu prest-
arnir meðal annars hafa lagt mikla
áherslu á kostnaðinn sem því fylgi að
standa í málarekstri gegn biskupi,“
segir í fréttinni.
Í samtali við DV segir séra Hjálm-
ar það ósannindi að hann hafi ásamt
núverandi biskupi reynt að láta kon-
urnar falla frá málum sínum.
„Ég var þingmaður á þessum
árum, ekki starfandi prestur, og mín
aðkoma var milliganga. Sigrún Pál-
ína leitaði til mín og ég kom henni til
prests sem hún treysti og ég treysti.
Þannig var það. Búið. Og meira hef ég
ekki að segja,“ segir Hjálmar sem vill
ekki tjá sig um meðferð málsins á sín-
um tíma og vísar í þrettán ára gamla
ræðu sína á Alþingi.
„Ég var ekki starfandi í kirkjunni
þá og vil ekki tjá mig um það. Þú sérð
mína afstöðu í þingræðu minni í ut-
andagskrárumræðu um áreitni í op-
inberum stofnunum og fyrirtækjum
14. mars árið 1996. Tékkaðu á henni.“
BISKUP Í FELUM
„Ég tel hiklaust að hann
veiki stöðu sína sem
æðsti maður prestanna
því hann á að hafa á
hreinu hvernig hann á
að bregðast við.“
Karl Sigurbjörnsson biskup neitar að tjá sig um mál Sigrúnar Pálínu Ingvarsdóttur, konunnar sem sakaði
Ólaf Skúlason heitinn um nauðgunartilraun og vill nú fá persónulega afsökunarbeiðni kirkjunnar. Prestar
treysta sér ekki til að tjá sig um málið þar sem það er afar viðkvæmt. Snorri Óskarsson í Hvítasunnukirkj-
unni á Akureyri segir biskup veikja stöðu sína með þögn sinni.
lIlja Katrín gunnarSdÓttIr
blaðamaður skrifar liljakatrin@dv.is
í húsi en samt ekki Á Biskups-
stofu fengust þau svör að biskup
væri ekki við en á skrifstofu sinni.
stundu seinna var blaðamanni
tjáð að hann væri ekki í húsi.
Kirkjan segi sannleikann
sigrún Pálína fer á fund
kirkjuráðs 19. júní og vill fá
þakkir þeirra fyrir að reyna að
koma þessu máli á framfæri.
MYnd/Stöð 2