Dagblaðið Vísir - DV - 05.02.2010, Blaðsíða 40

UMSJÓN: KJARTAN GUNNAR KJARTANSSON, kgk@dv.is
Ragna Aðalsteinsdóttir
BÓNDI AÐ LAUGABÓLI Í LAUGARDAL
Ragna fæddist á Laugabóli og ólst
þar upp með föður sínum og systr-
um en móður sína missti hún 1932.
Ragna stundað ýmis störf á
unglingsárum, s.s. fiskvinnu og
veitingastörf á vetrum en á sumr-
in vann hún á búi föður síns. Hún
tók við búi á Laugabóli 1955 eftir
lát föður síns og bjó þar félagsbúi
ásamt systur sinni í nokkur ár. Frá
1961 tók hún alfarið við jörðinni og
hefur verið þar bóndi síðan.
Fjöldi barna hefur verið á heim-
ili Rögnu í gegnum tíðina svo og
margir sem þurft hafa athvarf og
stuðning um lengri eða skemmri
tíma. Þá má geta þess að hún hef-
ur á löngum búferli haft margt
dyggra vinnuhjúa, innlendra sem
erlendra.
Fjölskylda
Börn Rögnu: Bella Aðalheiður,
f. 15.3. 1955, lést í snjóflóðinu í
Súðavík 16.1. 1995, búfræðingur
frá Hvanneyri, en dóttir hennar
var Petrea Vestfjörð, f. 21.3. 1982,
fórst einnig í snjóflóðinu í Súðavík,
ásamt móður sinni; Garðar Smári
Vestfjörð, f. 21.1. 1958, húsasmíða-
meistari í Garðabæ, var kvænt-
ur Katrínu Lindu Óskarsdóttur
en þau skildu og eru börn þeirra
Hjörtur Smári, f. 3.4. 1988, nemi
við Bifröst, og Brynja Björk, f. 1.5.
1991, nemi, auk þess sem dóttir
Garðars Smára og Erlu Björgvins-
dóttur, er Helen Björg Vestfjörð, f.
8.10. 1979, starfsmaður hjá Actavis
í Reykjavík, og fóstursonur Garð-
ars Smára og
sonur Katrínar
Lindu er Ósk-
ar Sigmunds-
son, sjúkraliði
í Danmörku;
Gunnar Bjarki
Vestfjörð, f.
25.4. 1963, lést
í snjóflóði á
Óshlíð 8.3. 1989, vélvirkjameist-
ari, var kvæntur Sesselju Vilborgu
Arnardóttur; synir þeirra: Ragn-
ar Freyr Vestfjörð, f. 6.10. 1983, d.
19.8. 2001, nemi, og Sindri Vest-
fjörð, f. 25.3. 1988, búsettur á Ísa-
firði.
Fóstursonur Rögnu er Hjörvar
Einir Helgason, f. 13.9.1959, sjó-
maður.
Systur Rögnu eru Rebekka
Helga, búsett í Hafnarfirði en
maður hennar var Sveinn Ólaf-
ur Sveinsson húsasmíðameist-
ari sem er látinn og eignuðust
þau fimm börn; Sigríður, bóndi
á Strandseljum en maður henn-
ar var Valdemar Valdemarsson
sem er látinn og eru börn þeirra
tvö; Sigríður Guðrún, búsett á
Seltjarnarnesi en maður hennar
var Jón Kr. Jónsson skipstjóri sem
er látinn og eignuðust þau fimm
börn; Sigríður Þorleifs, dó ung;
Ásgerður, dó ung.
Foreldrar Rögnu voru Aðal-
steinn Jónasson, f. 1888, d. 1954,
bóndi að Laugarbóli, og k.h., Ólöf
Ólafsdóttir, f. 1902, d. 1934, hús-
freyja.
85 ÁRA Á LAUGARDAG 70 ÁRA Á FÖSTUDAG
Jónas Kristjánsson
FYRRV. RITSTJÓRI DV
Jónas fæddist í Reykjavík og ólst þar
upp. Hann lauk stúdentsprófi frá MR
1959 og BA-prófi í sagnfræði frá HÍ
1966.
Jónas var blaðamaður og frétta-
stjóri á Tímanum 1961-64, fréttastjóri
Vísis 1964-66, ritstjóri Vísis 1966-75,
ritstjóri Dagblaðsins 1975-81, rit-
stjóri DV 1981-2001, ritstjóri Frétta-
blaðsins 2002, útgáfustjóri Eiðfaxa
ehf. 2003-2005, leiðarahöfundur DV
2003-2005, ritstjóri DV 2005-2006,
stundakennari í blaðamennsku við
Símennt Háskólans í Reykjavík 2006-
2008 og hefur verið eftirlaunamaður
og bloggari frá 2008.
Jónas var formaður Blaðamanna-
félags Íslands, Íslandsnefndar Int-
ernational Press Institute, Rotary-
klúbbs Seltjarnarness, skólanefndar
Seltjarnarness, fræðsluráðs Reykja-
nesumdæmis, Blaðaprents hf.,
M-klúbbsins, fræðslunefndar Fáks
og ferðanefndar Fáks.
Jónas er höfundur bókanna Líf í
borg, 1973; Kóngsins Kaupmanna-
höfn, 1981, 2. útg. 1989; Heimsborg-
in London, 1983, 2. útg. 1988; Æv-
intýralega Amsterdam, 1984, 2. útg.
1992; París, heimsins höfuðprýði,
1985; New York, nafli alheimsins,
1988; Heiðajarlar, 1989; Ættfeður,
1990; Madrid og menningarborg-
ir Spánar, 1991; Heiðurshross, 1991;
Aldna og unga Róm, 1992; Mera-
kóngar, 1992; Hagahrókar, 1993;
Heiðamæður I, 1994; Heiðamæður
II, 1995; Feneyjar engu líkar, 1996;
Fákalönd, 1996; Hestaþing I, 1997;
Hestaþing II, 1998; Víkingar I, 1999;
Landsmót 2000, 2000; Víkingar II,
2001; Hrossanöfn, 2002; Frjáls og
óháður, starfsævisaga, 2009.
Yfir 10.000 greinar Jónasar eru
aðgengilegar á vefsíðunni jonas.is.
Á vefnum er að finna forystugreinar
Jónasar í dagblöðum allar götur frá
1973, veitingarýni hans í blöðum og
tímaritum frá 1980, erlenda ferða-
rýni hans og safn íslenskra reiðleiða,
gamalla og nýrra. Gagnabanka hans
um hrossarækt er að finna á vefnum
hestur.is.
Fjölskylda
Eiginkona Jónasar er Kristín Hall-
dórsdóttir, f. 20.10. 1939, stjórn-
málakona. Hún er dóttir Halldórs
Viglundssonar, f. 11.6. 1911, d. 15.4.
1977, vitavarðar, og Halldóru Sigur-
jónsdóttur, f. 26.6. 1905, d. 10.4. 1994,
skólstjóra.
Börn Jónasar og Kristínar eru
Kristján, f. 27.3. 1964, jarðfræðing-
ur; Pálmi, f. 15.5. 1968, fréttamað-
ur og sagnfræðingur; Pétur, f. 24.12.
1970, kerfisfræðingur; Halldóra, f.
7.1. 1974, flugmaður. Barnabörnin
eru nú orðin átta.
Systir Jónasar er Anna Halla, f.
19.4. 1946, lögfræðingur.
Foreldrar Jónasar voru Kristján
Jónasson, f. 12.5. 1914, d. 27.7.1947,
læknir í Reykjavík, og Anna Péturs-
dóttir, f. 11.6. 1915, d. 24.9. 1976,
bókari.
Ætt
Kristján var sonur Jónasar, læknis og
alþm. á Sauðárkróki Kristjánsson-
ar, b. á Snæringsstöðum í Svínadal
Kristjánssonar, ríka í Stóradal, bróð-
ur Péturs, afa Þórðar Sveinssonar, yf-
irlæknis á Kleppi. Kristján var sonur
Jóns, b. á Snæringsstöðum í Svínadal
Jónssonar, b. á Balaskarði Jónsson-
ar „harðabónda‘‘, í Mörk í Laxárdal
Jónssonar, ættföður Harðabóndaætt-
ar. Móðir Jónasar var Steinunn, systir
Jóhannesar Nordal íshússtjóra, föður
Sigurðar Nordal prófessors, föður Jó-
hannesar Nordal seðlabankastjóra,
föður Ólafar Nordal alþm. Steinunn
var dóttir Guðmundar, b. í Kirkju-
bæ í Norðurárdal Ólafssonar, bróð-
ur Frímanns, afa Valtýs Stefánssonar
Morgunblaðsritstjóra og hálfbróð-
ur Páls, langafa Ólafs Ólafssonar,
fyrrv. landlæknis. Móðir Guðmund-
ar var Sigríður, systir Vatnsenda-
Rósu. Bróðir Sigríðar var Jón, langafi
Þuríðar Pálsdóttur óperusöngkonu.
Sigríður var dóttir Guðmundar, b. í
Fornhaga Rögnvaldssonar og Guð-
rúnar Guðmundsdóttur, b. í Löngu-
hlíð Ívarssonar, bróður Björns, lang-
afa Stefáns, afa Davíðs Stefánssonar
frá Fagraskógi. Björn var einnig lang-
afi Björns, föður Þórhalls biskups,
föður Tryggva forsætisráðherra.
Móðir Kristjáns læknis var Hans-
ína, systir Bjarna, kaupmanns og
útgerðarmanns á Húsavík, föður
Gunnars hrossaræktarráðunautar.
Hansína var dóttir Benedikts, próf-
asts á Grenjaðarstað Kristjánssonar,
hálfbróður Kristjáns b. á Snærings-
stöðum. Móðir Hansínu var Regína
Magdalena Hansdóttir Sívertsen,
kaupmanns í Reykjavík Sigurðsson-
ar Sívertsen, kaupmanns í Reykja-
vík Bjarnasonar riddara Sívertsen,
kaupmanns í Hafnarfirði. Móðir
Hans var Guðrún Guðmundsdótt-
ir, systir Helga Thordersen bisk-
ups. Móðir Hansínu var Christiane
Hansdóttir Linnet, verslunarstjóra
í Hafnarfirði, og Regine Seerup, en
hún var á ýmsa vegu komin af rekt-
orum Kaupmannahafnarháskóla í
lok sautjándu aldar, þeim Thomas
Bartholin og Holger Jacobaeus, sem
og Christopher Hansen, borgarstjóra
Kaupmannahafnar.
Anna var dóttir Péturs, kaup-
manns á Akureyri og á Siglufirði Pét-
urssonar, b. á Eiríksstöðum í Svart-
árdal og víðar Björnssonar, b. og
hagyrðings á Hamri í Hegranesi Sig-
urðssonar yngri, b. á Egg Sigurðs-
sonar. Móðir Péturs kaupmanns var
Rannveig Magnúsdóttir.
Móðir Önnu var Þóranna, syst-
ir Þorbjargar, ömmu Leifs Þórarins-
sonar tónskálds. Önnur systir Þór-
önnu var Friðrika Hallfríður, móðir
Baldurs Vilhelmssonar, fyrrv. próf-
asts í Vatnsfirði. Þriðja systir Þór-
önnu var Sigrún, móðir Sigurðar
Jónssonar, b. á Reynisstað. Bróðir
Þórönnu var Jón, b. á Þingeyrum,
faðir Guðrúnar arkitekts. Þóranna
var dóttir Pálma, pr. í Höfða, bróður
Ingibjargar, móður Jóns Loftssonar,
afa Jóns L. Árnasonar skákmeistara,
en Ingibjörg var einnig móðir Pálma
Loftssonar, forstjóra Skipaútgerðar
ríkisins, afa Más Gunnarssonar, fyrrv.
starfsmannastjóra Flugleiða. Pálmi
var sonur Þórodds, b. á Skeggjastöð-
um Magnússonar, b. á Eyvindarstöð-
um á Álftanesi Gestssonar. Móð-
ir Þórönnu var Anna, systir Stefáns,
verslunarstjóra á Sauðárkróki, föður
Jóns listmálara. Anna var dóttir Jóns,
prófasts á Reynisstað og í Glaumbæ
Hallssonar, í Geldingaholti Ásgríms-
sonar. Móðir Önnu var María Ólafs-
dóttir, pr. á Kvíabakka Jónssonar.
KJARTAN GUNNAR KJARTANSSON rekur
ættir þjóðþekktra Íslendinga sem hafa verið í
fréttum í vikunni, rifjar upp fréttnæma
viðburði liðinna ára og minnist horfinna
merkra Íslendinga. Lesendur geta sent inn
tilkynningar um stórafmæli á netfangið
kgk@dv.is
Inga Magný Jónsdóttir
STARFSMAÐUR VIÐ LEIKSKÓLA Í GRUNDARFIRÐI
Inga Magný
fæddist á
Akranesi og
ólst þar upp.
Hún var í
Grundarskóla
á Akranesi
og stundaði
nám við Fjöl-
brautaskóla
Vesturlands á Akranesi.
Inga Magný var í bæjarvinn-
unni á Akranesi á unglingsárun-
um. Hún flutti til Grundarfjarðar
1999 og hefur verið þar búsett síð-
an. Hún hefur starfað við leikskól-
ann Sólvelli frá árinu 2000.
Inga Magný hefur æft og keppt
í blaki með ungmennafélagi
Grundarfjarðar frá árinu 2002.
Fjölskylda
Maður Ingu Magnýjar er Elvar Þór
Alfreðsson, f. 10.9. 1978, húsa-
smiður.
Dætur Ingu Magnýjar og Elvars
Þórs eru Embla Þórey Elvarsdóttir,
f. 18.10. 2003; Tinna María Elvars-
dóttir, f. 9.9. 2007.
Systkini Ingu Magnýjar eru
Sigurður Arnar Jónsson, f. 13.5.
1972, sjómaður, búsettur í Mos-
fellsbæ; Vigdís Elva Jónsdóttir, f.
15.2. 1985, kennaranemi, búsett í
Svíþjóð.
Foreldrar Ingu Magnýjar eru
Jón Sigurðsson, f. 11.12. 1948,
starfsmaður Faxaflóahafna, bú-
settur á Akranesi, og Rún Elva
Oddsdóttir, f. 13.5. 1951, læknarit-
ari við Sjúkrahúsið á Akranesi.
30 ÁRA Á FÖSTUDAG
Valdimar Fannar Þórsson
HANDKNATTLEIKSMAÐUR HJÁ HK
Valdimar fæddist á Selfossi og ólst
þar upp og í Reykjavík. Hann var í
Árbæjarskóla og stundaði nám við
FS á Selfossi.
Valdimar hóf ungur að æfa og
keppa í handbolta með Selfossi
og lék síðan með ýmsum liðum.
Hann hefur leikið með Fram, Aft-
ureldingu, HK og Selfossi í meist-
araflokki og leikur nú með HK.
Valdimar lék fjölda leikja með
unglingalandsliðum og hefur leik-
ið nokkra A-landsleiki.
Fjölskylda
Sambýliskona Valdimars er An-
íta Árnadóttir,
f. 18.12. 1988,
húsmóðir.
Sonur Valdi-
mars er Emil
Valdimarsson,
f. 18.8. 2005.
Bróðir Valdi-
mars er Grétar
Öfjörð Þórsson,
f. 8.6. 1971, sölumaður í Reykjavík.
Foreldrar Valdimars eru Þór
Valdimarsson, f. 30.5. 1952, leigubíl-
stjóri í Reykjavík, og Guðlaug Guð-
jónsdóttir, f. 27.1. 1954, starfsmaður
hjá Íslandspósti.
30 ÁRA Á FÖSTUDAG
40 FÖSTUDAGUR 5. febrúar 2010 ÆTTFRÆÐI