Dagblaðið Vísir - DV - 16.07.2010, Qupperneq 14

14 FRÉTTIR 16. júlí 2010 FÖSTUDAGUR
Einar Steingrímsson, prófessor í
stærðfræði við Háskólann í Reykja-
vík, HR, hefur verið rekinn úr starfi
við skólann. Ástæðuna telur hann
vera þá að stjórnendum hafi þótt
hann of „óþægilegur“ vegna gagn-
rýni hans á stefnu og stjórn skólans.
Það var 15. júní síðastliðinn sem Ein-
ar fékk uppsagnarbréfið í hendur en
daginn áður var hann beðinn um að
skila inn bókalista fyrir komandi vet-
ur í þeim námskeiðum sem hann
átti að kenna. Vikurnar þar á undan
hafði Einar undirbúið sig á svipaðan
hátt fyrir komandi skólavetur. Fyrir
vikið kom brottreksturinn honum á
óvart þótt hann hefði undir niðri bú-
ist við honum um nokkurt skeið þar
sem hann hafði lengi deilt á stefnu
skólans og stjórnendur. Í samtali við
DV segist hann ekki hafa áhyggjur
af eigin framtíð heldur framtíð HR,
framtíð rannsóknarstarfs á háskóla-
stigi og framtíð íslensks háskólastarfs
almennt.
Slakir skólar
„Ég hef ekki áhyggjur af minni eigin
framtíð, ég hef þær aldrei og verð
ekki á flæðiskeri staddur með að
finna mér vinnu. Íslenskir háskólar
eru því miður óralangt frá því að vera
frambærilegir á alþjóðlegum vett-
vangi og það vita allir sem hafa inn-
sýn í alþjóðlegt háskólastarf. Það
sem verra er að þótt HR og HÍ eigi
talsvert af öflugu rannsóknafólki er
forysta skólanna ekki að vinna mark-
visst að því að komast í þá átt,“ segir
Einar.
Í gegnum störf sín hjá HR hefur
Einar hlotið tvo svokallaða Öndveg-
isstyrki hérlendis, mikilvæga þriggja
ára styrki til rannsóknarverkefnis
sem hann leiðir. Einar lauk doktors-
prófi í stærðfræði frá Tækniháskól-
anum í Massachusetts, MIT, í Banda-
ríkjunum árið 1992, vann lengi sem
prófessor við Tækniháskólann Chal-
mers í Gautaborg og réð sig síðan til
starfa við Háskólann í Reykjavík árið
2005 vegna fyrirheita um kraftmikla
uppbyggingu rannsóknarstarfs við
HR. Það þótti Einari spennandi en í
dag lítur hann vonsviknum augum
á hvernig málin þróuðust. „Það er
ekki aðeins verið að segja mér upp,
og eyðileggja rannsóknarhóp minn,
heldur líka fleira fólki úr kjarnastarf-
seminni og leggja niður Kennslu-
fræði- og lýðheilsudeild skólans,
sem hefur staðið sig best allra deilda
í rannsóknum, samkvæmt mati skól-
ans sjálfs. Mér sýnast stjórnendur al-
farið vera að bakka með þá stefnu að
byggja upp öflugt rannsóknarstarf
við skólann,“ segir hann.
Ráðherra á að bregðast við
Einar staðfestir að hann hafi leitað til
ráðherra vegna málsins og á næst-
unni ætli hann að leita til Vísinda- og
tækniráðs sem og Samstarfsnefnd-
ar háskólastigsins. „Ég er búinn að
senda ráðherra erindi varðandi nið-
urlagningu BS-námsins í stærðfræði
og rannsóknarhóps míns við HR. Ég
mun einnig fljótlega senda erindi til
ráðherra sem snýst bæði um þá stað-
reynd að verið sé að eyðileggja mik-
ið af bestu rannsóknarstarfseminni í
HR og brjóta gegn akademísku frelsi
til gagnrýni. Ég tel að ráðuneytið,
sem æðsta vald í menntamálum á
Íslandi, eigi að gera eitthvað í þessu
máli. Það er síðan Vísinda- og tækni-
TRAUSTI HAFSTEINSSON
blaðamaður skrifar: trausti@dv.is
„REKINN FYRIR AÐ RÍFA KJAFT“
Prófessor í stærðfræði við Háskólann í Reykjavík, Einar Steingrímsson, telur sig hafa valdið
stjórnendum skólans það miklum óþægindum að þeir hafi rekið hann. Hann hefur lengi deilt á
stjórnendur fyrir að fjarlægjast háleit markmið um eflingu rannsóknarstarfs en vegna þeirra
fyrirheita ákvað hann að ráða sig til starfa við skólann. Hann útilokar ekki málsókn vegna
brottrekstrarins og hefur þegar leitað til menntamálaráðherra.
Reif kjaft EinarsegisthafakomiðtilÍslandsvegnafagurra
fyrirheitaumuppbyggingurannsóknarstarfsviðHR.Þegar
stjórnendurhafilítiðsemekkertfylgtþvíeftirfórhannað
rífakjaftogtelursighafaveriðrekinnfyrirvikið.