Dagblaðið Vísir - DV - 20.08.2010, Side 16

16 fréttir 20. ágúst 2010 föstudagur
Þau Egill Jóhannsson og Anna
Helgadóttir hafa gefið stjórnlaga-
nefnd lénið stjórnlagathing.is. Þau
höfðu upphaflega keypt lénið vega
fyrirætlana um að setja þar upp vett-
vang fyrir lýðræðisleg skoðanaskipti.
Þau vildu að þar yrði grasrótin virkj-
uð utan hins hefðbundna flokka-
kerfis. Þau höfðu einnig komið upp
öðrum vef vegna hins sama, vefn-
um lydveldisbyltingin.is. Hann var
stofnaður í janúar í fyrra. Þetta var
tilraun að fyrstu útgáfu þjóðfundar
þar sem kallað var eftir tillögum fólks
að breytingum á stjórnarskránni.
Þeim var síðan komið á framfæri við
stjórnmálaflokka fyrir Alþingiskosn-
ingarnar í fyrra.
Þau Egill og Anna hafa bæði ver-
ið virk í þjóðfélagsumræðunni um
breytingar á stjórnarskránni. Þeg-
ar Egill kynnti hugmyndir þeirra að
Lýðveldisbyltingunni í fyrra sagði
hann að draumur hans um útfærslu
breytinganna væri útópískur þar
sem engar takmarkanir yrðu sett-
ar á fjölda þátttakenda. „Vefsvæði er
sett upp þar sem allir geta tekið þátt í
að þróa aflið og markmið þess. Eng-
ir leynifundir til undirbúnings. Öll
rif rildi fyrir opnum tjöldum. Enginn
útilokaður og jafnvel flokksbund-
ið fólk í öðrum flokkum velkom-
ið. Helst enginn formaður. Kannski
gjaldkeri eða ráða endurskoðanda til
að sjá um gjaldkeramál,“ sagði Egill.
Þau tvö segja Lýðveldisbylting-
una hafa verið einstakt fyrirbæri þar
sem hafi verið beitt aðferð til að búa
til nýja stjórnarskrá, þar sem kallað
var eftir hugmyndum og umræðum
stórs hóps Íslendinga með aðstoð
netsins. Öll gögn af síðunni eru enn
geymd en henni sjálfri hefur ver-
ið lokað vegna árása tölvuhakkara.
Hópur úr Lýðveldisbyltingunni kom
síðan áfram saman við að undirbúa
stjórnlagaþing myndu stjórnvöld
ekki taka af skarið. Þau hafa nú gef-
ið stjórnlaganefnd aðgang að léninu
sem ætlað var til umræðnanna með
tveimur skilyrðum. Að lénið verði
notað á skilvirkan hátt til að miðla
réttum og skiljanlegum upplýsing-
um gegnum netið til allra Íslendinga
um framgang stjórnlagaþings og að
saga lénsins verði skráð hjá stjórn-
laganefnd og birt á vefnum.
Tvær aðskildar vefsíður
Þorsteinn Fr. Sigurðsson, fram-
kvæmdastjóri undirbúningsefnd-
ar fyrir stjórnlagaþing, segir að tvær
aðskildar vefsíður verði settar upp
vegna stjórnlagaþingsins. Önnur
þeirra verði sett upp í tengslum við
þjóðfundinn sem halda á fyrir stjórn-
lagaþingið og hin vegna stjórnlaga-
þingsins sjálfs. Grunninum að þeim
báðum verði komið á laggirnar nú
um mánaðarmótin. Eftir eigi að fara
yfir tæknilega útfærslu á því hvernig
vefsíðurnar muni líta út.
Stjórnlaganefndin er nú með að-
setur í skrifstofuhúsnæði við Borg-
artún 24 í Reykjavík. Til stendur að
flytja þá starfsaðstöðu yfir í hentugra
húsnæði með öllum þeim kröfum
sem gerðar séu til starfsemi þingsins.
Þar sé ekki leitað eftir hefðbundnu
skrifstofuhúsnæði, heldur verði að
vera góð fundar- og ráðstefnuaðstaða
þar. Þá geri lögin um stjórnlagaþingið
ráð fyrir áheyrnarsvæðum, þar sem
almenningur geti komið og hlustað á
það sem þar fari fram. Síðan verði all-
ir þingfulltrúar og starfsmenn að hafa
sína vinnuaðstöðu.
Gera má ráð fyrir því að um þús-
und fermetra húsnæði þurfi und-
ir starfsemina. „Við munum auglýsa
eftir húsnæði til að fá fram hugmynd-
ir og gera þá einhverjar breytingar
á því eða fylla af þeim búnaði sem
þarf. Þetta er ekki forgangsverkefni
í augnablikinu, heldur að undirbúa
þjóðfund. Húsnæðið verður ekki leigt
fyrr en eftir áramót,“ segir Þorsteinn.
Þorsteinn segir ekki hafa komið
til umræðu að hluti af starfsaðstöðu
Alþingis verði nýttur undir starfsemi
stjórnlagaþingsins. Eðlilegast sé að
starfsemi stjórnlagaþingsins verði öll
á einum stað svo ekki þurfi að sækja á
marga staði til að vinna verkin. Ekki
verði vandamál að finna stjórnlaga-
þinginu húsnæði. Þegar viti þeir sem
vinni að undirbúningnum af einu
slíku sem gæti komið til greina.
Tíu fastir starfsmenn
Þorsteinn segir mega áætla að um
tíu manns vinni fyrir stjórnlagaþing-
ið á meðan það standi yfir. Fáir fastir
starfsmenn verði ráðnir inn til þings-
ins. Þess í stað verði ráðið inn til til-
tekinna verkefna vegna sérreynslu
eða þekkingar viðkomandi. Stjórn-
lagaþingið muni svo njóta stuðnings
tengdra stofnana sé þörf á honum.
„Við verðum að sjá hvernig hlut-
irnir þróast. Það er verið að vinna
að þessu í fyrsta skipti og er eng-
in reynsla á þessum undirbúningi,“
segir Þorsteinn.
Kosningar í nóvember
Ákveðið hefur verið að kjósa til
stjórnlagaþings þann 27. nóvem-
ber. Þingið kemur saman í febrúar á
næsta ári og stendur yfir fram í apr-
íl í síðasta lagi. Þann 6. og 7. nóvem-
ber verður boðað til þúsund manna
þjóðfundar þar sem þátttakendur
verða valdir af handahófi úr þjóð-
skrá. Fyrirhugað er að þær áhersl-
ur sem lagðar verði fram á þjóð-
fundinum verði stjórnlagaþinginu
til grundvallar þegar það fari yfir
hvort gera þurfi breytingar á stjórn-
arskránni.
Þorsteinn segir þá sem koma að
undirbúningnum vera spennta í
að undirbúa stjórnlagaþingið sem
hann segir vera einstæðan við-
burð. Hann vonast til að viðburður-
inn heppnist frambærilega og verði
þeim sem taki þátt til sóma.
STJÓRNLAGAÞING
TEKUR Á SIG MYND
Egill Jóhannsson og Anna Helgadóttir hafa gefið stjórnlaganefnd lénið stjornlagathing.is. Þau keyptu lénið
upphaflega til að setja þar upp vettvang fyrir lýðræðisleg skoðanaskipti utan flokkakerfisins. Þorsteinn Fr.
Sigurðsson, framkvæmdastjóri undirbúningsnefndar stjórnlagaþings, segir að verið sé að leita að hentugu
húsnæði. Nú er unnið að uppsetningu þingsins.
RóbERT HlynuR bAlduRSSon
blaðamaður skrifar: rhb@dv.is
nUndirstöðuríslenskrarstjórnskipunaroghelstugrunnhugtök.
nSkipanlöggjafarvaldsogframkvæmdavaldsogvaldmörkþeirra.
nHlutverkogstöðuforsetaÍslands.
nSjálfstæðidómstólaogeftirlitþeirrameðöðrumþáttumríkisvaldsins.
nÁkvæðiumkosningarogkjördæmaskipan.
nLýðræðislegaþátttökualmenningsogfyrirkomulagþjóðaratkvæðagreiðslu.
nFramsalríkisvaldstilalþjóðastofnanaogutanríkismál.
nUmhverfis-ogauðlindamál,þarámeðaleignarhaldognýtinguauðlinda.
stjórnlagaþingið mun fara yfir: Vefsvæði er sett upp þar sem allir
geta tekið þátt í að þróa
aflið og markmið þess.
Áhugafólk um stjórnarskrána Egill
JóhannssonogAnnaHelgadóttirhafa
veriðvirkíumræðuumbreytingarástjórn-
arskránni.Þaueruþeirrarskoðunaraðnota
eiginetiðsvofólkgetikomiðsjónarmiðum
sínumáframfæri.mynd RóbERT REyniSSon
lénið verður notað ÞorsteinnFr.Sigurðs-
son,framkvæmdastjóriundirbúningsnefnd-
arstjórnlagaþings,segirtværaðskildarsíður
verðasettaruppfyrirstjórnlagaþingiðog
þjóðfundinn.mynd SigTRygguR ARi