Dagblaðið Vísir - DV - 20.08.2010, Side 40

Bogi fæddist í Reykjavík og ólst þar
upp í Skerjafirðinum. Hann lauk
stúdentsprófi frá MR 1948, emb-
ættisprófi í lögfræði frá Háskóla
Íslands 1954, stundaði framhalds-
nám í lögfræði í Þýskalandi og
Sviss 1954-56, öðlaðist hdl.-rétt-
indi 1958 og hrl.-réttindi 1968.
Bogi var lögfræðingur hjá
bandarísku verktökunum Met-
calf, Hamilton, Smith & Beck Co.
á Keflavíkurflugvelli 1954, lög-
fræðngur hjá Útvegsbanka Íslands
í Reykjavík 1956-88 og starfrækti
síðan eigin lögfræðiskrifstofu í
Reykjavík frá 1988.
Bogi sat í stjórn Vöku, félags lýð-
ræðissinnaðra stúdenta, 1951-52
og var fulltrúi þess í Stúdentaráði
Háskóla Íslands og gjaldkeri þess
1952-53. Hann gegndi fjölda trún-
aðarstarfa fyrir Sjálfstæðisflokk-
inn, sat í stjórn Félags sjálfstæðis-
manna í Hlíða- og Holtahverfi frá
stofnun þess 1969 og var formaður
þess um skeið frá 1981, sat í stjórn
landsmálafélagsins Varðar 1978-
81 og var í stjórn fulltrúaráðs sjálf-
stæðisfélaganna í Reykjavík frá
1981. Þá sat hann m.a. í stjórn Inn-
kaupastofnunar Reykjavíkurborg-
ar um skeið frá 1990.
Fjölskylda
Bogi kvæntist 20.8. 1960 Sigrúnu
Sigurþórsdóttur, f. 20.8. 1935, hús-
freyju. Foreldrar Sigrúnar voru
Sigurþór Jónsson, f. 23.11. 1890,
d. 5.9. 1959, úrsmiður í Reykjavík,
og k.h., Stefanía Árnadóttir, f. 12.7.
1906, d. 28.10. 1992, húsmóðir.
Synir Boga og Sigrúnar eru Sig-
urþór, f. 23.11. 1961, búsettur í
Reykjavík; Benedikt, f. 30.3. 1965,
lögfræðingur í Reykjavík, kvæntur
Úllu Káradóttur, f. 29.5. 1968, og eru
börn þeirra Þuríður, f. 12.2. 1994,
Bogi, f. 12.7. 1997, Kári Steinn, f.
9.8. 2000, og Sigrún, f. 20.12. 2004.
Bræður Boga: Gunnar Ingi-
marsson, f. 2.12. 1923, fyrrv. stór-
kaupmaður, búsettur á Seltjarn-
arnesi, kvæntur Kirsten Larsen
Ingimarsson og eiga þau þrjú börn
á lífi, Kristján, Helga og Ásu; Ingi-
mar Ingimarsson, f. 28.5. 1925, d.
16.12. 1998, flugumsjónarmaður
hjá Flugleiðum, var kvæntur Sól-
veigu Geirsdóttur og eignuðust
þau þrjú börn, Geir, Ingimar Örn
og Auði.
Foreldrar Boga voru Ingimar
Brynjólfsson, f. 19.8. 1892, d. 25.12.
1976, stórkaupmaður í Reykjavík,
og k.h., Herborg Theodóra Guð-
mundsdóttir, f. 6.2. 1901, d. 5.12.
1996, húsfreyja.
Ætt
Ingimar var bróðir Jóns Jóhanns, b.
á Ólafsvöllum, Péturs, ljósmynd-
ara í Reykjavík, og Boga, sýslu-
manns á Blönduósi. Ingimar var
sonur Brynjólfs, pr. á Ólafsvöllum,
bróður Péturs, pr. á Kálfafellsstað
í Suðursveit, föður Jóns, prófasts
þar, föður Einars Guðna, sóknar-
prests þar. Brynjólfur var einnig
bróðir Jarþrúðar, konu Hannesar
Þorsteinssonar ritstjóra, og bróðir
Jóhönnu Soffíu, móður Páls Agn-
ars, fyrrv. yfirdýralæknis, og Zóp-
hóníasar skipulagsstjóra. Meðal
hálfsystkina Brynjólfs, samfeðra,
voru Þóra, kona Jóns Magnússon-
ar forsætisráðherra, Arndís, móð-
ir Ásu Guðmundsdóttur Wright,
Sturla kaupmaður, og Friðrik, guð-
fræðingur og kaupmaður, faðir
Sturlu, erfðafræðings og vistfræð-
ings. Brynjólfur var sonur Jóns
dómstjóra, bróður Péturs biskups
og Brynjólfs Fjölnismanns. Jón var
sonur Péturs, prófasts á Víðivöll-
um Péturssonar, og Þóru Brynj-
ólfsdóttur, gullsmiðs á Þrastar-
stöðum Halldórssonar, biskups
á Hólum Brynjólfssonar. Móðir
Brynjólfs Jónssonar var Jóhanna
Bogadóttir, fræðimanns á Stað-
arfelli Benediktssonar, ættföður
Staðarfellsættar. Móðir Boga var
Hildur, systir Gunnlaugs, föður
Þóreyjar, ættmóður Thoroddsen-
sættar, móður Jóns Thoroddsens
skálds. Hildur var dóttir Magnúsar,
prests á Höskuldsstöðum, Péturs-
sonar, b. á Stóru-Brekku í Fljótum,
Þorsteinssonar, b. á Stóru-Brekku,
Eiríkssonar, ættföður Stóru-
Brekkuættarinnar. Móðir Hild-
ar var Ásgerður Pálsdóttir, systir
Bjarna landlæknis. Móðir Jóhönnu
var Jarþrúður Jónsdóttir, prests í
Holti í Önundarfirði, bróður Árna,
föður Valgerðar, ættmóður Briem-
ættarinnar. Jón var sonur Sigurðar,
prófasts í Holti undir Eyjafjöllum,
Jónssonar, bróður Steingríms, föð-
ur Jóns eldprests. Móðir Jarþrúð-
ar var Sólveig Ólafsdóttir, lögsagn-
ara á Eyri í Skutulsfirði, Jónssonar,
ættföður Eyrarættarinnar, langafa
Jóns forseta.
Móðir Ingimars var Ingunn,
systir Valgerðar, ömmu Ólafs Ket-
ilssonar langferðabílstjóra. Ingunn
var dóttir Eyjólfs, b. í Vælugerði í
Flóa Gestssonar. Móðir Eyjólfs var
Valgerður Þorkelsdóttir, systir Sig-
ríðar, langömmu Nínu Sæmunds-
dóttur myndlistarmanns.
Systkini Herborgar Theod-
óru voru Guðmundur og Viktoría.
Herborg Theodóra var dóttir Guð-
mundar, b. á Krossi á Skarðsströnd
og síðar sjómanns og vinnumanns
í Flatey Guðmundssonar, vinnu-
manns á Kóngsbakka í Helgafells-
sveit Þorsteinssonar, b. á Vala-
björgum, Árnabotni og Undirtúni
í Helgafellssveit Jónsonar. Móð-
ir Guðmundar á Kóngsbakka var
Sigríður Sumarliðadóttir. Móð-
ir Guðmundar á Krossi var Kristj-
ana Jónsdóttir, b. í Seljum og síðar
í Drápuhlíð í Helgafellssveit Stein-
dórssonar, og Margrétar Jónsdótt-
ur.
Móðir Herborgar Theodóru
var Ólöf, systir Guðrúnar, hús-
freyju á Hópi, ömmu Eggerts
Thorberg, múrara og ættfræðings,
eiginmanns Hólmfríðar Gísladótt-
ur, ættgreinis og fyrrv. formanns
Ættfræðifélagsins. Ólöf var dótt-
ir Helga, b. og sjómanns í Rima-
búð í Eyrarsveit Helgasonar, b. á
Hnausum í Eyrarsveit Helgason-
ar, á Rifi Helgasonar, á Hellnafelli
í Eyrarsveit Steindórssonar, sýslu-
manns í Hnappadalssýslu Helga-
sonar. Móðir Helga í Rimabúð var
Þorkatla Bjarnadóttir, b. í Neðri-
Lág Kárasonar. Móðir Þorkötlu var
Sæunn Jónsdóttir, b. á Harrastöð-
um í Miðdölum Jónssonar, og Ing-
veldar Einarsdóttur, pr. í Hvammi
í Hvammssveit Þórðarsonar, próf-
asts þar Þórðarsonar. Móðir Óla-
far var Margrét Sigurðardóttir, b. í
Suðurbúð Sigurðssonar, og Guð-
rúnar Jónasdóttur, formanns í
Pumpu í Eyrarsveit Sigurðssonar.
Bogi var jarðsunginn frá Há-
teigskirkju sl. þriðjudag.
andlát
Bogi Ingimarsson
hæstaréttarlögmaður í reykjavík
Alfreð
Andrésson
gamanleikari -
f. 21.8. 1908, d. 24.12. 1955
Alfred var sonur Andrésar Nielsen,
verkamanns í Reykjavík, og konu
hans, Guðnýjar Jósefsdóttur, frá
Uppsölum í Flóa. Hann lauk prófi
frá Verslunarskóla Íslands 1927
og starfaði síðan sem verslunar-
maður í Reykjavík, lengst af hjá O.
Johnson og Kaaber. Þá dvaldi hann
við leiklistarnám í Danmörku árið
1947.
Alfred kom fyrst fram í litlu
þjónshlutverki í Októberdegi í
Iðnó 1931 og á næsta leikári var
hann orðin fullgildur leikari hjá
Leikfélagi Reykjavíkur. Hann var
auk þess eftirsóttur á skemmt-
anir af ýmsu tagi enda frábær
húmoristi, var ein helsta stjarnan
í revíum Reykjavíkur Annáls og
Fjalakattarins á fjórða og fimmta
áratugnum og stofnaði síðan og
rak Bláu stjörnuna í Sjálfstæðis-
húsinu (nú NASA) ásamt Indriða
Waage og Haraldi Á. Sigurðssyni,
öðru gamanleikjaséníi.
Alfred er í hópi okkar snjöll-
ustu gamanleikara og margir sem
muna eftir honum á sviði telja að
enn hafi enginn skákað honum.
Hann hafði bjarta og hljómmikla
rödd, afar skýran framburð, stór-
fengleg svipbrigði, lipran limaburð
og góða söngrödd. Hann þótti
snillingur í túlkun umkomuleys-
ingja sem voru leiksoppar ann-
arra. Margir eldri borgarar muna
eflaust eftir Alfreð úr verkum á
borð við Mann og konu, Pilt og
stúlku, Eftirlitsmanninn og Grænu
lyftuna.
Alfreð var kvæntur leikkonunni
Ingu Þórðardóttur og eignuðust
þau eina dóttur, Lailu. Hann lést
langt fyrir aldur fram og var allri
þjóðinni harmdauði.
Fæddur 16. 6. 1929 - Dáinn 4. 8. 2010
Útfararþjónustan ehf.
Stofnað 1990
Þegar andlát ber að
Síðastliðin 20 ár höfum við feðgar
aðstoðað við undirbúning útfara.
Alhliða útfararþjónusta
Símar: 567 9110 & 893 8638
www.utfarir.is • utfarir@utfarir.is
Rúnar
Geirmundsson
Sigurður
Rúnarsson
Elís
Rúnarsson
Útfararþjónustan ehf.
Stofnað 1990
Þegar andlát ber að
Síðastliðin 20 ár höfum við feðgar
aðstoðað við undirbúning útfara.
Alhliða útfararþjónusta
Símar: 567 9110 & 893 8638
www.utfarir.is • utfarir@utfarir.is
Rúnar
Geirmundsson
Sigurður
Rúnarsson
Elís
Rúnarsson
Síðastliðin 20 ár höfum við feðgar
aðstoðað við undirbúning útfara.
Þegar andlát ber að
www.utfarir.is - utfarir@utfarir.is
Alhliða útfararþjónusta
Símar: 567 9110
& 893 8638
40 minning 20. ágúst 2010 föstudagur
Dr. Selma
Jónsdóttir
listfræðingur -
f. 22.8. 1917, d. 5.7. 1987
Selma Jónsdóttir fæddist í Borg-
arnesi, dóttir Jóns Björnssonar
frá Bæ og Helgu Björnsdóttur frá
Svarfhóli.
Að loknu verslunarskólaprófi
stundaði Selma nám í Hamborg
og Heidelberg, nam listasögu og
lauk prófum frá háskólanum í
Berkeley í Kaliforníu 1942, lauk
BA-prófi í listasögu frá Barnard
College við Columbia-háskól-
ann í New York 1944, og var þar
með fyrst Íslendinga til að ljúka
BA-prófi í listasögu, stundaði
framhaldsnám við Columbia-há-
skólann 1944-45 og við War-
burg Institute við Lundúnarhá-
skóla 1946-48, og lauk MA-prófi
í listasögu við Columbia-háskól-
ann 1949. Þá varði hún doktors-
ritgerð við Háskóla Íslands 1960,
fyrst kvenna. Doktorsritgerðin
fjallaði um Flatatungufjalir og er
talin hafa brotið blað í rannsókn-
um á íslenskri listfræði. Einnig má
nefna að fyrsta grein Selmu sem
birtist á prenti var í tímaritinu Art
Bulletin árið 1950 og þótti mjög
merkt framlag til rannsókna á
enskri rómanskri list.
Selma var ráðin á Listasafn Ís-
lands árið 1950, skipuð forstöðu-
maður þess árið 1953 og veitti því
forstöðu til æviloka.
Selma var gift dr.phil. Sigurði
Helga Péturssyni gerlafræðingi.
Systkini Selmu voru Björn Jóns-
son, hagfræðingur og bankafull-
trúi, Guðrún Jónsdóttir , ritari hjá
utanríkisráðuneytinu og hjá for-
seta Íslands, og Halldór Jónsson,
arkitekt og mikill áhrifamaður í
íslensku viðskiptalífi sem stjórnar-
formaður ýmissa helstu fyrirtækja
landsins.
komdu í áskrift!
512 70 80
dv.is/askrift
frjálst, óháð dagblað
merkir íslendingar