Dagblaðið Vísir - DV - 14.01.2011, Blaðsíða 6

6 | Fréttir 14.–16. janúar 2011 Helgarblað
Svandísi var ekki
kunnugt um
mengun
Þórunni Sveinbjarnardóttur, forvera
Svandísar Svavarsdóttur á stóli um-
hverfisráðherra, var gert kunnugt
um díoxínmengun frá sorpbrennsl-
unni Funa á Ísafirði. Niðurstöður
mælinganna voru kynntar umhverf-
isráðherra í desember 2008. Svandís
frétti af þessu þegar mælingar á dí-
oxínmengun í mjólk á svæðinu lágu
fyrir og fóru í opinbera umræðu. Þá
brást hún fljótt við með því að óska
eftir nákvæmum upplýsingum frá
Umhverfisstofnun. Svandís hefur
einnig farið þess á leit við Ríkisend-
urskoðun að fram fari stjórnsýslu-
úttekt á afskiptum ráðuneytisins,
Umhverfisstofnunar, sveitarfélaga og
annarra aðila af sorpbrennslustöðv-
um sem fengu starfsleyfi fyrir 28.
desember 2002.
Veðurstofan á
skjálftavaktinni
Tveir jarðskjálftar, um fjórir á
Richter að stærð, urðu í grennd við
Grímsvötn á fimmtudagsmorgun.
Jarðskjálftavakt Veðurstofunnar fylg-
ist með framvindu mála. Samkvæmt
upplýsingum þaðan á fimmtudag
sáust ekki nein merki um gosóróa í
tengslum við skjálftana.
Í tilkynningu frá almannavarna-
deild ríkislögreglustjóra kemur fram
að Veðurstofa Íslands muni fylgjast
grannt með framvindu mála og upp-
lýsa almannavarnadeild um hana.
Ögmundi afhent-
ar undirskriftir
Forsvarsmenn FÍB afhentu Ög-
mundi Jónassyni innanríkisráðherra
mótmæli 41.000 kosningabærra
Íslendinga gegn fyrirhuguðum
vegatollum. Afhendingin fór fram
við gamla samgönguráðuneytið við
Tryggvagötu.
Að afhendingu lokinni átti FÍB
fund með ráðherranum þar sem
honum voru kynntar þær lausnir
sem félagið telur farsælli í stöðunni.
Ýmsar tölulegar upplýsingar um
undirskriftasöfnunina, um tekjur og
útgjöld ríkisins og valkosti í vega-
málum voru einnig lagðar fram.
Guðrún Helga Jónsdóttir, læknarit-
ari hjá Heilbrigðisstofnun Austur-
lands, er ein þeirra tíu sem sagt var
upp störfum í niðurskurði hjá stofn-
uninni nýverið. Uppsögn hennar
hefur vakið athygli í ljósi þess að hún
er eiginkona Hannesar Sigmarsson-
ar, fyrrverandi yfirlæknis hjá stofn-
uninni. Hannesi var sagt upp árið
2009 vegna meints fjárdráttar. Hon-
um hefur ekki boðist starf sitt aftur
þrátt fyrir að hinar ýmsu stofnanir,
eins og ríkisendurskoðun, rannsókn-
arlögregla sýslumanns Eskifjarðar og
ríkissaksóknari, hafi vísað málinu frá
á þeim forsendum að ásakanirnar
væru ekki á rökum reistar.
Rekin vegna tölvuvæðingar
Guðrún Helga er önnur tveggja
læknaritara sem sagt var upp störf-
um, en fyrir lá að hinn læknaritarinn
myndi hætta störfum sökum ald-
urs, og hefur uppsögnin ekki áhrif á
kjör hennar samkvæmt heimildum
DV. Verður litið svo á að hún sé lát-
in hætta sökum aldurs. Einar Rafn
Haraldsson, forstjóri heilbrigðis-
stofnunarinnar, segir að stöðugildi
læknaritara hafi verið látið falla nið-
ur og ekki eigi sér stað eiginleg til-
færing á verkefnum, en hann vill
ekki tjá sig um mál Guðrúnar Helgu
sérstaklega. Hann segir að með
tæknivæðingunni hafi starfið orðið
allt að tilgangslaust þar sem gögnin
séu slegin inn í tölvur af læknunum
sjálfum og svo send rafrænt á milli
staða. „Þetta er alveg eins og ef þú
ert með margar konur við að skúra
stórt gólf, og svo er keypt ræstinga-
vél. Þá fækkar störfum með breytt-
um starfsháttum,“ segir hann.
Segir starfið víðtækara
„Mitt starf er miklu víðtækara, og
hefur verið það, en það sem kem-
ur fram í uppsagnarbréfinu. Þó að
ströng lýsing á starfi læknaritara segi
að það sé aðallega í þessum papp-
ír að þá er það ekki þannig,“ segir
Guðrún Helga. Hún bendir á að
hún hafi meðal annars leyst af hinn
læknaritarann reglulega og veltir því
upp hver eigi að sinna þeim störf-
um sem hún hefur sinnt samhliða.
Guðrún segist vera á þeirri skoðun
að uppsögn sín sé að hluta til ein-
elti. „Það að vinna í sjúkraskrá er
ekki eitthvað sem þú hleypir hverj-
um sem er í. Þeir hefðu alveg getað
minnkað ræstingarnar eða eitthvað
annað, og haldið þá þrautþjálfuðum
starfskrafti.“ Hún segir ekki annað
benda til þess en að uppsögn henn-
ar tengist uppsögn eiginmanns síns
árið 2009.
Hafa stuðning íbúanna
Íbúar á Austurlandi, þá einna helst á
Eskifirði þar sem Guðrún og Hann-
es störfuðu, hafa látið ítrekað í ljós
óánægju sína með að Hannes skuli
ekki hafa verið boðið starf sitt aftur.
Undirskriftasöfnun var meðal ann-
ars hrundið af stað þar sem skorað
var á Einar Rafn að segja sig frá starfi
forstjóra heilbrigðisstofnunarinnar.
Guðrún Helga segist finna fyrir
stuðningi íbúanna á svæðinu og seg-
ir að margir hverjir hafi eiginmann
hennar enn sem heimilislækni. Hún
segir stuðninginn hafa verið ómet-
anlegan og segir að fólk sé að sjá
núna, með brotthvarfi Hannesar, í
hvað stefni með heilbrigðismál Esk-
firðinga.
Starfsumsókn hafnað
Í júní síðastliðnum sótti svo Hannes
aftur um starf yfirlæknis hjá stofnun-
inni. Honum var þá hafnað þrátt fyr-
ir að vera eini umsækjandinn. Lét þá
Einar Rafn hafa eftir sér í kvöldfrétt-
um Ríkisútvarpsins að eftir að Hann-
es mætti í starfsviðtal hafi það verið
ljóst að forsendur fyrir endurkomu
hans til stofnunarinnar hefðu ekki
breyst, og því hafi honum verið hafn-
að. Vísaði hann þar með til ásakan-
anna um fjárdrátt.
Áður hefur komið upp ágreining-
ur á milli Guðrúnar Helgu og Einars
Rafns, en hann rak hana út af starfs-
mannafundi í nóvember árið 2009,
þar sem átti að ræða um málefni
Hannesar. Álfheiður Ingadóttir, þá-
verandi heilbrigðisráðherra, hringdi
eftir atvikið í Guðrúnu Helgu til að
biðja hana afsökunar á framferði
Einars Rafns, en hann hótaði henni
áminningu færi hún ekki af fundin-
um, ein starfsmanna.
Aðalsteinn Kjartansson
blaðamaður skrifar adalsteinn@dv.is
Eiginkonan látin
taka pokann sinn
n Eiginkonu fyrrverandi yfirlæknis á Eskifirði sagt upp störfum
n Segir að rekja megi uppsögnina til eineltis n Íbúar á Eskifirði ósátt-
ir við gang mála n Forstjóri segir að um eðlilega þróun sé að ræða„Þetta er alveg
eins og ef þú ert
með margar konur við
að skúra stórt gólf og
svo er keypt ræstingavél.
Þá fækkar störfum með
breyttum starfsháttum.
Læknirinn Hannes Sigmarsson hefur
ekki verið í starfi yfirlæknis hjá Heilbrigðis-
stofnun Suðurlands síðan árið 2009. Mikil
óánægja er meðal íbúa vegna þessa.
Forstjórinn Einar Rafn segir að um
eðlilega hagræðingu sé að ræða og líkir
því við að ef keypt væri ræstingavél myndi
stöðugildum ræstingafólks fækka.
Lögreglumaður sem braut af sér í starfi vill ekki tjá sig:
Þögull sem gröfin um ásakanir
Lögreglumaðurinn sem DV hefur fjall-
að um að undanförnu vegna brota
hans í starfi vill ekkert tjá sig um sín
mál. DV fjallaði fyrst um manninn
vegna ölvunaraksturs unnustu hans
en lögreglumaðurinn var farþegi í
bílnum og reyndi að fá kollega sína
til að falla frá málinu á vettvangi. Síð-
ar kom í ljós að sami lögregluþjónn
hylmdi yfir með kærustu sinni þegar
hún ók á ungan dreng, og afturkallaði
aðstoð þegar drengurinn sagðist vera
ómeiddur og hljóp af vettvangi. Hann
vill þó koma þeirri áréttingu á framfæri
að unnasta sín hafi ekki verið próflaus
þegar ákeyrslan átti sé stað, eins og
kom fram að væri óstaðfest í frétt DV
á mánudag og að það mál hafi komið
upp á undan ölvunarakstrinum.
Mál lögreglumannsins er komið
á borð saksóknara eftir að foreldrar
drengsins kvörtuðu yfir gáleysislegri
hegðun lögreglumannsins á slystað
en það kom síðar í ljós að drengurinn
hafði hlotið heilahristing við óhappið.
Málið er á frumstigi hjá ríkissaksókn-
ara og vill starfsmaður þar ekki gefa
blaðamanni DV neinar frekari upplýs-
ingar að svo stöddu.
Samkvæmt heimildum DV er mik-
ill órói innan lögreglunnar vegna mála
mannsins og þykir sæta furðu að hann
sé enn starfandi innan hennar. Hann
þykir þó vera duglegur, áhugasamur
og vel liðinn innan ákveðinna hópa.
Einn heimildarmaður sagði í sam-
tali við blaðamann að hann ætti til að
vera heldur heldur hvatvís á köflum.
Þá sýndi þessi tiltekni lögreglumaður
hetjulega tilburði í hesthúsbruna í nóv-
ember þegar hann átti stóran þátt í að
bjarga fimm hrossum úr miklu eldhafi.
Duglegur en hvatvís Órói er innan
lögreglunnar vegna mála lögreglu-
mannsins en mörgum þykir skrýtið að
hann sé enn starfandi.