Dagblaðið Vísir - DV - 14.01.2011, Blaðsíða 23

Erlent | 23Helgarblað 14.–16. janúar 2011
Hundruð hafa látist og þúsunda er saknað í Brasilíu:
Mannskæðar aurskriður
n Starfaði sem leynilegur útsendari í hópum mótmælenda og aðgerða-
sinna víðs vegar í Evrópu n Mótmælti um tíma við Kárahnjúka n Notaði
kynlíf sem herbragð til að afla sér trausts innan mótmælendahópa
Notaði kynlíf
sem herbragð
Breska lögreglan ætlar að hefja rann-
sókn vegna kynferðisbrölts leynilegs
útsendara, sem kom meðal annars til
Íslands. Í október síðastliðnum bárust
fréttir af því að breski mótmælandinn
Mark Stone hefði í raun verið leyni-
legur útsendari bresku lögreglunn-
ar. Stone, sem heitir réttu nafni Mark
Kennedy, starfaði sem slíkur í níu
ár, eða frá árinu 2000 til ársins 2009,
þegar honum mun hafa verið sagt
upp störfum. Kennedy gekk til liðs
við bresku lögregluna árið 1994 en
samkvæmt heimildum breska blaðs-
ins The Guardian átti hann þá bæði
konu og barn. Árið 2000 hófst ferli
þar sem Kennedy var umbreytt í að-
gerðasinnann Mark Stone. Hann fékk
ný persónuskilríki og lét hár sitt vaxa
og fann sér nýjan samastað í Nott-
ingham. Á þeim níu árum sem hann
þóttist vera mótmælandi og aðgerða-
sinni ferðaðist hann til 22 landa, þar
á meðal til Íslands. Hlutverk hans var
að öðlast traust mótmælenda og til-
kynna lögreglu ef skemmdarverk eða
ofbeldi myndu fylgja mótmælum. Nú
ætlar breska lögreglan að hefja rann-
sókn á Kennedy/Stone, þar sem hann
mun hafa stofnað til fjölda kynferð-
issambanda á meðan hann starfaði
sem leynilegur útsendari.
Átti fjölda lagskvenna
Kona sem gaf sig fram við fjölmiðla í
Bretlandi vill ekki láta eftirnafns síns
getið en fornafn hennar er Anna.
Anna segir að hún hafi stundað kyn-
líf með Kennedy rúmlega 20 sinnum,
en þau hittust reglulega á skipulögð-
um mótmælum víðs vegar um Evr-
ópu. Hún segir að þau hafi líka átt
náin kynni á heimili hans í Notting-
ham. Anna er talsvert yngri en Kenn-
edy en losaralegt samband þeirra
stóð yfir fyrir fimm árum, þegar Anna
var aðeins 21 árs.
Anna segir að henni sé aðallega
brugðið yfir að heyra af því að Kenn-
edy hafi verið opinberaður sem lög-
regluþjónn. Hafi hann því í raun
villt á sér heimildir og hún því ekki
stundað kynlíf með manninum sem
hún hélt að hún væri að sofa hjá.
„Það ætti að gera rannsókn á því
hvort þetta sé á yfirleitt löglegt,“ segir
Anna. Hún segist einnig hafa vitað af
því að meðan á sambandi þeirra stóð
hafi Kennedy átt fjölda annarra lags-
kvenna – sem einnig voru mótmæl-
endur eða aðgerðasinnar.
Hataður meðal aðgerðasinna
í dag
Það var fréttamiðillinn Indy Med-
ia sem greindi fyrstur frá því hver
Kennedy er í raun og veru. Í athuga-
semdakerfinu við fréttina, sem birt-
ist í október síðastliðnum, lýsa fjöl-
margir yfir vonbrigðum sínum með
Kennedy. Óska þeir honum alls ills,
enda hafi mótmælendur og aðgerða-
sinnar treyst honum – talið að hann
væri einn af þeim. Anna segir að
hana gruni að Kennedy hafi notað
þokka sinn til aða stofna til kynferð-
istengsla innan mótmælahópa, svo
hópurinn myndi fyrr treysta hon-
um. Kynlíf hafi því verið notað sem
ákveðið herbragð.
Enn sem komið er hefur ekkert
heyrst af kvennafari Kennedys þeg-
ar hann var í mótmælendabúðum
á Kárahnjúkum á sínum tíma. Eft-
ir að Kennedy var opinberaður sem
lögregluþjónn sagðist hann þó iðr-
ast gjörða sinna. Hann hefði misst
starfið því hann „skipti um lið“, hann
hefði verið orðinn sannur mótmæl-
andi undir lokin.
Björn Teitsson
blaðamaður skrifar bjorn@dv.is
„Það ætti að gera
rannsókn á því
hvort þetta sé yfirleitt
löglegt.
Mark Kennedy/Stone Þótti mikið kvennagull í hópum mótmælenda og aðgerða-
sinna.
Obama á minn-
ingarathöfn í
Arizona
Barack Obama, forseti Bandaríkj-
anna, mætti á minningarathöfn sem
haldin var í Tucson í Arizona-fylki
í Bandaríkjunum á fimmtudaginn.
Minningarathöfnin var haldin fyrir
fórnarlömb Jareds Loughners, sem
hóf skothríð fyrir utan verslunar-
miðstöð með þeim afleiðingum að
sex lágu í valnum og 13 slösuðust
alvarlega. Tilfinningaþrungin stund
var þegar Obama minntist hinnar
níu ára Christinu Taylor-Green, sem
var mikill aðdáandi forsetans. „Ég
vil uppfylla allar hennar væntingar,“
sagði Obama. Hann sagði einnig að
það væri ekki hægt að kenna flokka-
dráttum í bandarískum stjórnmál-
um um árásina. Hann vonaðist hins
vegar til þess að í framtíðinni færi
fram opnari og heiðarlegri umræða
um stjórnmál í Bandaríkjunum.
Wyclef Jean á Haítí
Rapparinn og lagahöfundurinn
Wyclef Jean kom til Haítí á mið-
vikudag til að minnast fórnarlamba
jarðskjálftans sem skók Haítí fyrir
einu ári. Skjálftinn skildi eftir sig um
230 þúsund fórnarlömb og gífur-
legt eignatjón í landi sem átti einkar
erfitt uppdráttar fyrir. Jean bauð sig
fram til forseta Haítí á síðasta ári en
framboði hans var hins vegar hafnað
af kjörstjórn í Haítí þar sem rappar-
inn hefði ekki búið þar um margra
ára skeið. Hann fluttist til Banda-
ríkjanna með fjölskyldu sinni þegar
hann var barn og hefur búið þar síð-
an. Jean sagði að mikilvægt væri að
peningar sem eru í sjóði í Washing-
ton handa Haítí, verði þegar komið
í gagnið til að hefja uppbyggingu í
landinu, en ljóst er að þar er mikil
vinna óunnin.
Etna tók að gjósa
Eitt virkasta eldfjall í heimi á sögu-
legum tíma, eldfjallið Etna á Sikiley,
tók skyndilega að gjósa aðfaranótt
fimmtudags. Samkvæmt upplýs-
ingum frá eldfjallarannsóknarstöð-
inni á Sikiley mun gosið hafa staðið
yfir í tvo tíma. Fljótandi hraun rann
niður austurhlíð fjallsins en engan
sakaði í hamaganginum. Talsvert
öskufall var á Sikiley í kjölfar goss-
ins og þurfti að aflýsa flugferðum
á fimmtudag. Etna gaus síðast árið
1992.
Rúmlega 360 manns eru látnir og
þúsunda er enn saknað eftir mikl-
ar aurskriður í fjallabæjum í Brasil-
íu, um 100 kílómetra frá stórborg-
inni Rio de Janeiro. Dánartalan
gæti verið mun hærri en aðstæður
til björgunar eru mjög erfiðar. Úr-
hellisrigning var á svæðinu aðfara-
nótt miðvikudags og olli hún aur-
skriðunum sem eru taldar meðal
þeirra verstu í sögu Brasilíu. Björg-
unarsveitir keppast við tímann í
viðleitni sinni til að bjarga fólki, en
mikinn tíma tekur að grafa í gegn-
um aurinn þar sem hann er algjör-
lega vatnsósa og mjög þungur.
Dilma Roussef, sem tók ný-
lega við forsetaembættinu í Bras-
ilíu, hefur lýst yfir neyðarástandi
á svæðinu. Aðkoman í bæjunum
sem urðu verst úti var vægast sagt
hryllileg. Þar höfðu líkhús fyllst, og
sums staðar þurfti að nota vöru-
hús til að geyma líkin – sem öll
voru ötuð aur og leðju. Marquin-
ho Maia er blaðamaður fyrir stað-
arblað í einum bæjanna sem varð
fyrir aurskriðu. Hann sagðist aldrei
hafa séð annað eins: „Við grófum
upp 16 lík bara í morgun. Börn og
gamalmenni, það eru allir látn-
ir. Þetta er hræðilegt ástand, þetta
bæjarfélag hefur aldrei kynnst
öðru eins manntjóni. Ég hef sjálf-
ur misst fjölmarga vini mína, einn
þeirra sem lifði af hefur enn ekki
fundið foreldra sína né konu sína.
Hér er allt gjöreyðilagt.“
Búist er við að björgunar- og
hreinsunaraðgerðir taki vikur eða
mánuði. Fjölmörg hús hafa eyði-
lagst og ljóst er að endurbygging
á svæðinu mun taka talsverðan
tíma.Allt í rúst Björgunarmaður reynir að athafna sig í bænum Tersepolis.