Dagblaðið Vísir - DV - 14.01.2011, Blaðsíða 28

28 | Viðtal 14.–16. janúar 2011 Helgarblað
K
vikmyndin Rokland, sem er
gerð eftir samnefndri bók
Hallgríms Helgasonar, verður
frumsýnd um helgina. Hall-
grímur hefur þó sjálfur ekkert komið
að gerð myndarinnar, en gaf Marteini
Þórssyni leikstjóra alveg frjálsar hend-
ur.
„Ég er hvergi smeykur við að af-
henda öðrum sögu eftir mig til að gera
úr henni kvikmynd.
Bókmenntirnar búa í eilífðinni en
kvikmyndirnar í núinu, og bókunum
finnst alltaf gaman að fá heimsókn,
hvort sem það er frá lesendum, bók-
menntafræðingum eða kvikmynda- og
leikhúsfólki. Það er svo ósköp kalt og
einmanalegt í eilífðinni. Það er engin
ástæða til að hafa áhyggjur, það er ekk-
ert hægt að skemma bækur. Ég hef líkt
bókinni við súpermarkað. Leikstjórinn
kemur inn með innkaupakerruna og
velur þessar og hinar senur, samtöl og
replikkur, fer svo heim og kokkar kvik-
mynd úr öllu saman. Svo kemur ein-
hver annar og kokkar leikrit, sá þriðji
eitthvað allt annað. En búðin er alltaf
opin, meira að segja sólarhringsopin.
Roklandsmyndin er túlkun leik-
stjórans á skáldsögunni og mér finnst
hann eigi að hafa fullt frelsi. Ég sá
myndina á þriðjudagskvöldið og hún
hreyfði mjög við mér. Ég fékk eigin-
lega nýja sýn á mig sem höfund og kom
breyttur maður út úr kvikmyndahús-
inu. Grim var orðinn „Drama-Grim“.
Þetta var því stór upplifun, myndin er
talsvert öðruvísi en bókin, mun drama-
tískari og fer alla leið oní djúpið, sem
mér fannst mjög vogað af leikstjóra
og framleiðanda. Ég ráðlegg öllum að
horfa á kvikmyndina sem sjálfstætt
verk og ekki taka bókina með sér í bíó.
Bara njóta myndarinnar á hennar eigin
forsendum. Ég er eiginlega spenntast-
ur að heyra hvað fólk, sem hefur ekki
lesið bókina, hefur að segja.“
Stundum undarlegt hvernig
bækur verða til
Hallgrímur hefur setið við skriftir und-
anfarna átján mánuði, átta tíma á dag.
„Ég hef verið að skrifa skáldsögu sem
vex og vex. Vona bara að hún vaxi mér
ekki yfir höfuð. Bókin kemur vænt-
anlega út í haust. Ég þarf að skila fyrri
hlutanum um helgina vegna þess að
þýski útgefandinn minn vill fá hana út
í haust, fyrir bókamessuna í Frankfurt
þar sem Ísland verður í sviðsljósinu, og
það tekur sirka hálft ár að þýða hana.
Vonandi næst það og hún kemur þá
samtímis út hér og í Þýskalandi. 
Það er stundum stórundarlegt
hvernig hugmynd að bók kviknar. Þessi
saga hófst þegar ég var að hjálpa fyrr-
verandi sambýliskonu minni í kosn-
ingabaráttu fyrir Samfylkinguna. Ég
fékk afhentan lista með símanúmer-
um sem voru öll í sömu götunni, og í
einu númerinu svaraði áttræð kona
sem bjó í bílskúr við þessa götu, al-
ein og rúmföst. Hún sagðist ekki vera
með neitt þarna nema rúmið sitt, sím-
ann og tölvuna. Það endaði með því
að ég spjallaði við hana í klukkutíma
og var gjörsamlega heillaður. Hún var
mjög lifandi, með kollinn í fínu lagi,
og vel fyndin, eyddi dögunum á net-
inu og vissi allt um þá ljósheima, fór
til dæmis að útskýra fyrir mér muninn
á Yahoo og Google: Sem leitarvél væri
sú fyrrnefnda mun betri. Þetta sat svo
í mér að ég ákvað að lokum að skrifa
bók út frá þessari senu: Aldraðri konu
í bílskúr. En þá var ég búinn að gleyma
nafninu á henni, og mundi götunafnið
vitlaust. Ég fór því af stað eins og lögga
Of mikil
velsæld
skapar
vesæld
Hallgrímur Helgason
rithöfundur skrifaði bók-
ina Rokland árið 2005
um uppreisn manns
gegn neyslusamfélaginu.
Á sama tíma hafði hann
trú á útrásarvíkingunum.
Hallgrímur talar um
bókina sem er orðin kvik-
mynd, sæluna í Hrísey,
frægðina, grimmdina og
íslenskt samfélag.
m
y
n
d
S
ig
tr
y
g
g
u
r
a
r
i