Dagblaðið Vísir - DV - 27.04.2012, Blaðsíða 54

54 Sport 27.–29. apríl 2012 Helgarblað
Aldrei á EM
n Knattspyrnusnillingar sem þurftu alltaf að horfa á EM í sjónvarpinu
George Best
Þjóðerni: Norður-Írland  Staða: Vængmaður  Ferill: Man. United 1963–
1974, Fulham og fjórtán önnur lið 1974–1984  Landsleikir (mörk): 37 (9)
n Norður-Írinn magnaði var einhver hæfileikaríkasti fót-
boltamaður sem spilað hefur leikinn. Þegar honum datt í
hug labbaði hann framhjá mönnum eins og þeir væru ekki
til og skoraði mörg glæsileg mörk. Eins og knattspyrnu-
áhugamenn vita átti Best við mikið drykkjuvandamál að
stríða sem dró hann til dauða áður en hann náði sextugs-
aldri. Þó hann gæti gert allt inni á vellinum og ynni marga
titla með Manchester United dugðu hæfileikar hans einir
og sér aldrei til að koma Norður-Írlandi á stórmót, ekki
einu sinni EM. Hann var einu sinni við að koma liðinu á HM
en Best, eins og nokkrir aðrir Bretar, var ávallt fórnarlamb
fæðingarstaðar síns.
Hvað er hann að gera í dag? Best var lagður
til hinstu hvílu á Norður-Írlandi árið 2005 en tugir
þúsunda manna sóttu jarðaför hans.
Ryan Giggs
Staða: Vængmaður  Ferill: Manchester United 1991–
 Landsleikir (mörk): 64 (12)
n Engin staða á vellinum hefur reynst Englendingum
erfiðari að fylla en vinstri kanturinn. Síðustu tvo
áratugina hafa alls konar jólasveinar fengið að spreyta
sig þar en lítið sem ekkert getað. Á sama tíma hafa
Englendingar þurft að horfa upp á einn besta vinstri
kantmann sögunnar tæta í sig varnarmenn ensku
úrvalsdeildarinnar. Ryan Giggs spilaði fyrir England
þegar hann var lítill strákur en ákvað að halda tryggð við
ömmu sína og afa og spila fyrir Wales. Það er spurning
hvort sér meira eftir hverjum, Giggs eftir Englandi eða
England eftir Giggs. Í það minnsta hefðu báðir aðilar
nýst hinum.
Hvað er hann að gera í dag? Giggs er enn
í dag upptekinn við að vinna titla með Manchester
United.
Jari Litmanen
Þjóðerni: Finnland  Staða: Sóknarsinnaður miðjumaður  Helstu félög:
Ajax 1992–1999 og 2002–2004, Barcelona 1999–2001, Liverpool 2001–2002
 Landsleikir (mörk): 137 (32)
n Finnland hefur aldrei gert miklar rósir í boltaíþróttum
og þar er fótbolti hvergi undanskilinn. Þaðan, eins og
frá Íslandi, hafa þó komið nokkrir flottir leikmenn en þó
enginn betri en Jari Litmanen. Litmanen er einfaldlega
einn sá besti sem hefur spilað í Evrópuboltanum og
átti hann magnaðan feril sem leikmaður. Að hann hafi
spilað fyrir Ajax á gullárunum, Barcelona og Liverpool
segir allt sem segja þarf. Hann fékk þó aldrei tækifæri til
þess að sýna hvað í honum bjó á stærsta sviðinu, í sjálfri
Evrópukeppninni. Hans verður þó ætíð minnst sem
besta fótboltamanns Finna um ár og aldir.
Hvað er hann að gera í dag? Litmanen er
nýhættur knattspyrnuiðkun en hann lauk ferlinum með
HJK í Helsinki þar sem hann vakti fyrst athygli.
David Ginola
Þjóðerni: Frakkland Staða: Vængmaður  Helstu félög: PSG 1992–1995,
Newcastle 1995–1997, Tottenham 1997–2000, Aston Villa 2000–2002,
Everton 2002.
 Landsleikir (mörk): 17 (3)
n Þrátt fyrir að vera afskaplega hæfileikaríkur fékk
Ginola lítið að spila með landsliðinu. Í undankeppni HM
1994 þurfti Frakkland aðeins að gera jafntefli við Búlg-
aríu í lokaleik riðilsins til að komast á mótið. Í stöðunni
1–1 átti Ginola slæma fyrirgjöf sem varð að skyndisókn
Búlgara og úr henni varð mark. Frakkland komst því ekki
á HM 1994 og kenndi Aimé Jacquet, þáverandi þjálfari
Frakka, Ginola um tapið. Hann valdi hann eftir þetta
aðeins í neyð og tók hann aldrei með á stórmót. Ginola
var þarna áhrifavaldur í mikilli öskubuskusögu Búlgara
en þeir fóru alla leið í undanúrslitin á HM 1994 en töpuðu
fyrir Svíum í leik um bronsið.
Hvað er hann að gera í dag? Ginola hefur
reynt fyrir sér í ýmsu, meðal annars kvikmyndaleik. Hans
helsta áhugamál er þó vín og á hann vínekru í Frakklandi.
Matt Le Tissier
Þjóðerni: England  Staða: Framherji  Ferill: Southampton 1986–2002
 Landsleikir (mörk): 8 (0)
n Le Tissier var aldrei fyrirmynd neinna sem kepptu í
módelfitness en góður var hann með boltann. Meira
að segja snillingurinn Xavi leit upp til Englendingsins
og sagði: „Hæfileikar hans voru ekki eðlilegir. Hann gat
farið framhjá sjö eða átta mönnum í einu án þess að
fara hratt yfir – hann rölti bara framhjá mönnum. Mér
þótti hann magnaður.“ Vegna fjölskyldutengsla gat Le
Tissier valið sér landslið á Bretlandseyjum til að spila
fyrir og valdi England. Hann fékk aftur á móti aldrei
sanngjarnt tækifæri fannst mörgum og spilaði aðeins
átta leiki fyrir England. Skrítnast fannst mönnum þegar
Glenn Hoddle valdi hann ekki fyrir HM 1998.
Hvað er hann að gera í dag? Eftir fótbolta-
ferilinn var Le God, eins og hann var kallaður, ráðinn sem
sérfræðingur hjá Sky Sports.
Mark Hughes
Þjóðerni: Wales  Staða: Framherji  Helstu félög: Man. United 1980–1986 og
1988–1995, Barcelona 1986–1988, Chelsea 1995–1998, Southampton 1998–2000,
Everton 2000, Blackburn 2000–2002  Landsleikir (mörk): 72 (16)
n Maðurinn sem skoraði ekki ljót mörk. Mark Hughes
var miklu meira fyrir það að hamra boltann við-
stöðulaust á lofti í samskeytin fyrir utan teig heldur en
að standa í einhverju poti á markteig. Wales-maðurinn
klettharði spilaði fyrir Manchester United, Barcelona og
Chelsea. Alvöru ferill það. Hann stóð sig vel alls staðar
þar sem hann reyndi fyrir sér og var í miklum metum
um allt Bretland. Eins og svo margir Wales-menn á
borð við Giggs, Ian Rush og fleiri komst Hughes aldrei á
stórmót. Hughes átti þó aldrei möguleika á því að spila
fyrir England eins og Giggs. Hughes var dæmdur frá
fæðingu.
Hvað er hann að gera í dag? Hughes starfar
sem knattspyrnustjóri QPR í ensku úrvaldeildinni.
Eiður Smári
Guðjohnsen
Staða: Framherji  Helstu félög: Valur 1995, PSV 1995–1997, KR 1997, Bolton
1998–2000, Chelsea 2000–2006, Barcelona 2006–2009, AEK 2011–
 Landsleikir (mörk): 66 (24)
n Besti knattspyrnumaður Íslands hefur átt farsælan
feril þó síðustu ár hafi ekki verið glæsileg. Eiður Smári
hefur unnið ótal titla á borð við ensku úrvalsdeildina,
Meistaradeildina, enska bikarinn, enska deildarbikarinn
og hollenska meistaratitilinn. Hann er markahæsti
leikmaður Íslands frá upphafi og var um tíma fyrirliði
íslenska liðsins. Eins og við öll þekkjum hvað best hefur
Eiður í raun aldrei verið nálægt því að komast á stórmót,
hvorki EM né HM. Hann er svo sannarlega fórnarlamb
fæðingarstaðar síns eins og nokkrir aðrir á þessum lista.
Hvað er hann að gera í dag? Eiður spilar
með AEK í Aþenu og var að koma til baka eftir fimm
mánaða meiðsli.
Eusébio
Þjóðerni: Portúgal  Aldur: 70 ára  Staða: Framherji  Helstu félög:
Sporting Marques 1957–1960, Benfica 1960–1975.  Landsleikir (mörk): 64 (41)
n Eusébio, sem er af mósambísku bergi brotinn, er einn
af bestu leikmönnum sögunnar og sannarlega enn sá
besti sem spilað hefur fyrir Portúgal. Cristiano Ronaldo
er þó farinn að gera tilkall til þess titils. Eusébio átti
marga stórkostlega leiki fyrir Portúgal, ekki síst á HM á
Englandi 1966. Þrátt fyrir að njóta góðs af óumdeildum
hæfileikum hans tókst portúgalska landsliðinu einhvern
veginn aldrei að komast á EM. Eins og svo margar
stórstjörnur í gamla daga eyddi Eusébio síðustu árum
ferilsins í Bandaríkjunum en hann spilaði síðast fyrir
New Jersey Americans árið 1979.
Hvað er hann að gera í dag? Eusébio er
sendiherra knattspyrnunnar og er notaður af FIFA og
UEFA til að breiða út fagnaðarerindið.