Dagblaðið Vísir - DV - 19.10.2012, Síða 4

Þuklaði á systurdóttur sinni
n Hafði safnað barnaníðsefni í 11 ár
H
æstiréttur staðfesti á fimmtu­
dag dóm Héraðsdóms Suður­
lands yfir 24 ára karlmanni
sem dæmdur hafði verið í sex
mánaða fangelsi, þar af þrjá skilorðs­
bundna, fyrir að áreita fjögurra ára
gamla systurdóttur sína kynferðis­
lega með því að hafa girt niður um
hana og nuddað á henni kynfær­
in þegar hann var að passa hana. Þá
fundust þrjú þúsund ljósmyndir með
barnaníðsefni á tölvu mannsins sem
hann viðurkenndi fyrir dómi að hafa
safnað og skoðað síðan hann var 13
ára gamall. Sumar myndir voru af
stúlkum allt niður í 3–4 ára gamlar.
Viðurkenndi maðurinn að það hafi
verið orðin fíkn hjá honum að leita
að barnaníðsefni á netinu.
Fram kom í máli mannsins að
systir hans hefði hringt í hann daginn
eftir brotið. Hafði stúlkan þá sagt
móður sinni frá því sem gerst hafði.
Í kjölfarið sagði maðurinn að honum
hafi liðið „mjög illa, m.a. reynt sjálfs­
morð þremur dögum síðar, og verið
undir læknishendi.“ Kvaðst maður­
inn hafa glímt við þunglyndi í mörg
ár en hefði haft gott af starfsendur­
hæfingu sem hann var í. Kvaðst hann
„eftir þennan atburð hafa misst allan
kynferðislegan áhuga á börnum en
sá áhugi hafi verið til staðar þegar
umrætt atvik átti sér stað.“
Í skýrslu sálfræðings fyrir dómi
segir að maðurinn sé haldinn barna­
grind, hafi kynferðislegan áhuga á
stúlkubörnum og hafi haft í mörg
ár. Þá hafi hann kynferðislegar þrá­
hyggjuhugsanir varðandi barna­
níðsefni. Þrátt fyrir þetta metur sál­
fræðingur það sem svo að „lítil til
miðlungs áhætta“ sé á að maðurinn
fremji aftur kynferðisbrot.
Ríkissaksóknari hafði skotið mál­
inu til Hæstaréttar og krafist þyngri
refsingar en Hæstiréttur sá ekki
ástæðu til þess. Maðurinn þarf einnig
að greiða allan sakarkostnað. n
mikael@dv.is
4 Fréttir 19.–21. október 2012 Helgarblað
E
ignarhaldsfélagið Varnagli,
sem var í eigu Tryggva Þórs
Herbertssonar þingmanns,
hefur verið úrskurðað gjald­
þrota. Þetta kemur fram í
Lögbirtingablaðinu. Félagið var
tekið til gjaldþrotaskipta þann 3.
október síðastliðinn. Félagið skuld­
ar rúmar 800 milljónir króna og á
nánast engar eignir á móti þess­
um skuldum – tæpar 400 þúsund
krónur. Skiptastjóri er Steinn Finn­
bogason hdl. Ljóst er að kröfuhafar
Varnagla þurfa því að afskrifa um
800 milljónir af skuldum félagsins.
Varnagli var stofnað til að halda
utan um hlutabréfaeign Tryggva
Þórs í fjárfestingarbankanum Askar
Capital en hann var ráðinn sem
forstjóri hans árið 2006. Tryggvi
fékk 300 milljóna kúlulán frá Askar
og Glitni inn í félagið til að kaupa
hlutabréf í bankanum. Tryggvi Þór
fór í leyfi frá störfum sem forstjóri
Askar Capital um sumarið 2008
þegar hann var ráðinn sem efna­
hagsráðgjafi ríkisstjórnar Geirs
Haarde. Í viðtali við DV í mars
2009, þegar blaðið greindi frá kúlu­
láni Tryggva Þórs, sagðist hann
hafa selt félagið aftur til bankans
þegar hann gerðist ráðgjafi Geirs.
Þessi háttur var hafður á þar sem
kúlulánið var hluti af starfskjörum
Tryggva Þórs hjá Askar Capital.
Sagðist koma út á sléttu
Í því viðtali sagði Tryggvi Þór: „Ég
kem á sléttu út úr þessu persónu­
lega. Ég tapaði engu og græddi
ekkert.“ Tryggvi hefði hins vegar
getað greitt mikið ef hlutabréfin í
Askar Capital hefðu hækkað í verði.
Engar persónulegar ábyrgðir voru
fyrir láninu en Tryggvi sagðist hafa
lagt fram 500 þúsund krónur til
að stofna eignarhaldsfélagið. Um
þetta sagði Tryggvi: „Þetta er bara
hefðbundið og eins og hlutirnir
gengu fyrir sig á þessum tíma.
Askar er einkahlutafélag en ekki al­
menningshlutafélag þannig að ekki
var verið að svína á neinum. Hugs­
unin er sú að hagsmunir mínir og
félagsins fari saman. Þetta er bara
það sem var gert og var fullkomlega
eðlilegt á þeim tíma þó setja megi
spurningarmerki við það í dag.“
Lánið til Tryggva
Í febrúar 2010 sagði DV svo frá því
að Tryggvi Þór hefði fengið rúm­
lega 25 milljóna króna lán frá
einkafélaginu í erlendum mynt­
um áður en hann seldi það aftur
til bankans. Lánið var veitt til að
fasteignakaupa – Tryggvi keypti
kjallara hússins sem hann bjó í við
Sörlaskjól – og var til þriggja ára.
Tryggvi Þór sagði lánið ekki vera
óeðlilegt: „Það er ekkert óeðlilegt
við þetta … Þetta er bara venjulegt
lán.“ Tryggvi Þór sagðist þá ætla að
endurgreiða lánið árið 2010.
Í viðtali við DV um sumarið
2011 vildi Tryggvi Þór ekki greina
frá því hvort hann hefði greitt lán­
ið til baka. Meira en þrjú ár voru þá
liðin frá því að hann fékk lánið frá
eigin einkahlutafélagi. „Eina sem
ég vil segja er að ég gaf ykkur upp­
lýsingar á sínum tíma en annars lít
ég á þetta sem mitt einkamál.“
Greiddi lánið í fyrra
Þegar DV spurði Tryggva Þór um
stöðu lánsins árið 2011 lá fyrir að
veðið fyrir umræddu láni hefði
ekki verið í húsi Tryggva í Vestur­
bænum, miðað við veðbandayfir­
lit hússins. Í ársreikningi félagsins
fyrir árið 2009 kom fram að stærsta
eign Varnagla væru útistandandi
lán upp á tæpar 38 milljónir króna.
Í ársreikningi félagsins fyrir árið
2010 kom fram að þessi útistand­
andi lán stæðu í 0 krónum og fór
eignastaða félagsins úr rúmum
38 milljónum árið 2009 og niður í
rúmlega 390 þúsund árið 2010.
Tryggvi Þór segist hafa greitt
lánið frá Varnagla í fyrra. „Já, ég er
búinn að greiða þetta. Ég greiddi
þetta fyrir ári síðan.“ Miðað við
þetta mun lánið til Tryggva ekki
lengur vera ein af útistandandi
kröfum félagsins við gjaldþrota­
skipti þess.
Varnagli er í dag í eigu eignar­
haldsfélagsins Hrímbaks sem er
í eigu fyrrverandi forstjóra Mile­
stone, fyrrverandi eiganda Askar
Capital. Sá heitir Guðmundur Óla­
son. Varnagli endaði því sem eign
Hrímbaks eftir að Tryggvi Þór hætti
hjá Askar Capital. n
SegiSt hafa greitt
kjallaralánið
n Um 800 milljónir af skuldum Varnagla verða afskrifaðar
„Þetta
er bara
venjulegt lán
Ingi Freyr Vilhjálmsson
fréttastjóri skrifar ingi@dv.is
Greiddi lánið
Tryggvi Þór segist
hafa greitt Var-
naglalánið í fyrra.
24 fá sekt
Brot 24 ökumanna voru mynd­
uð í Rofabæ í Reykjavík á mið­
vikudag. Fylgst var með öku­
tækjum sem var ekið Rofabæ
í vesturátt, við Árbæjarskóla.
Á einni klukkustund, eftir há­
degi, fóru 84 ökutæki þessa
akstursleið og því ók hátt í
þriðjungur ökumanna, eða 29
prósent, of hratt eða yfir af­
skiptahraða. Meðalhraði hinna
brotlegu var 43 kílómetrar á
klukkustund en þarna er 30
kílómetra hámarkshraði.
Vöktun lögreglunnar í Rofa­
bæ er liður í umferðareftirliti
hennar á höfuðborgarsvæðinu,
en ábendingar höfðu borist um
hraðakstur á þessum stað.
Helgi Þór Bergs dæmdur:
Endurgreiðir
642 milljónir
Helgi Þór Bergs, fyrrverandi fram­
kvæmdastjóri hjá Kaupþingi, þarf
að endurgreiða slitastjórn bank­
ans tæplega 642 milljónir króna
vegna ábyrgðar á tveimur lán­
um sem hann fékk hjá vinnuveit­
anda sínum fyrir hrun til hluta­
bréfakaupa í bankanum. Ábyrgðin
hafði verið felld niður af stjórn
bankans í umdeildum aðgerðum
hennar skömmu fyrir hrun.
Héraðsdómur Reykjavíkur
hafði í maí í fyrra dæmt slitastjórn
Kaupþings í vil en hún hafði gert
þær kröfur að ráðstöfun stjórn­
ar Kaupþings frá 25. september
2008 um að fella niður persónu­
lega ábyrgð Helga Þórs á greiðslu
lánanna. Héraðsdómur dæmdi
einnig Helga Þór til að endur­
greiða 641.875.606 krónur með
dráttarvöxtum frá 25. september
2008. Hæstiréttur staðfesti dóm­
inn úr héraði á fimmtudag.
Sýknukrafa Helga í málinu
byggði á því annars vegar að kröf­
ur slitastjórnarinnar hafi hvorki
verið réttmætar né lögmætar
þegar persónuleg ábyrgð hans var
felld niður. Helsta röksemdin, sem
Helgi færði fyrir þessu samkvæmt
dómi Hæstaréttar, var að hon­
um hefði verið lofað skaðleysi af
kaupum á þeim hlutum sem hann
keypti fyrir lánin tvö. Ekki var hins
vegar kveðið á um slíkt skaðleysi
í lánssamningunum. Hæstiréttur
sagði ljóst að með niðurfellingu
ábyrgða hafi verið um gjafagern­
ing að ræða hjá fyrrverandi stjórn­
endum Kaupþings.