Dagblaðið Vísir - DV - 19.10.2012, Blaðsíða 20

Dagblaðið Vísir - DV - 19.10.2012, Blaðsíða 20
Þ ó svo að barnagiftingar svipti stúlkur tækifærum í lífinu og leiði til óæskilegra þungana er talið að rúmlega 50 millj- ónir stúlkna undir átján ára aldri séu giftar víðsvegar um heim. Föstudaginn 11. október var Al- þjóðadagur stúlkubarna haldinn í fyrsta skipti fyrir tilstilli Sameinuðu þjóðanna. Athyglinni var beint að barnagiftingum að þessu sinni en samkvæmt tölum Sameinuðu þjóð- anna giftist þriðja hver kona í heim- inum fyrir átján ára aldur. Þriðja hver í þessum hópi giftist svo inn- an fimmtán ára aldurs. „Ef móðir er yngri en átján ára, eru líkurnar á því að barnið deyi á fyrsta ári 60 prósent- um meiri en barn sem fætt er af móð- ur sem er átján ára eða eldri,“ sagði Ban Ki-moon, framkvæmdastjóri Sameinuðu þjóðanna, í yfirlýsingu í tilefni dagsins. Ferðast um heiminn Ljósmyndarinn og blaðamaður- inn Stephanie Sinclair hefur ferð- ast um heiminn frá árinu 2003 og fylgst með og tekið myndir af barnagiftingum – stúlkum allt nið- ur í fimm ára aldur sem eru gift- ar mönnum sem stundum eru áratugum eldri en þær. Markmið hennar er að gefa þessum stúlk- um rödd og vekja athygli á vanda- málinu. Í tilkynningu sem Sam- einuðu þjóðirnar sendu frá sér í tilefni dagsins kemur fram að helsta dánarorsök stúlkna á aldr- inum 15 til 19 ára í þróunarlönd- um tengist þungunum. Meiri líkur séu á því að stúlkur sem notið hafa lítillar menntunar giftist snemma – og oftast nær sé endir bundinn á skólagöngu þessara stúlkna þegar þær giftast á barnsaldri. Á hinn bóginn er sex sinnum ólíklegra að stúlkur sem notið hafa framhalds- menntunar giftist á barnsaldri og því er aukin menntun ein besta leiðin til að vernda stúlkur og berj- ast gegn barnagiftingum. Losna við skuldir Þó að barnagiftingar séu ólöglegar víðast hvar virðast þær viðgangast í ríkum mæli. Í Afganistan er til dæm- is áætlað að 57 prósent stúlkna gangi í hjónaband áður en þær ná sextán ára aldri – sem er löglegur aldur í landinu til að ganga í hjónaband. Ástæðurnar fyrir því að foreldrar leyfa stúlkubörn- um sínum að ganga í hjónaband eru margvíslegar. Í þróunarríkjunum er til dæmis ekki óalgengt að fjölskyldur leysi skulda- og fjárhagsvanda með því að selja ungar dætur sínar í hjóna- band. Myndirnar sem fylgja þessari umfjöllun eru allar teknar af Steph- anie Sinclair en hún hefur meðal annars unnið fyrir National Geograp- hic. Þær eru aðgengilegar á vefnum tooyoungtowed.org sem settur var á laggirnar til að vekja athygli á barna- giftingum. n 20 Erlent 19.–21. október 2012 Helgarblað Neyddar til að giftast mikið eldri möNNum Einar Þór Sigurðsson blaðamaður skrifar einar@dv.is n Alþjóðadagur stúlkubarna haldinn í fyrsta skipti n Menntun verndar stúlkurnar Afganistan Hin ellefu ára Ghulam situr hér við hlið eiginmanns síns, hins fertuga Faiz, í þorpinu Damarda í Afganistan. Myndin er tekin 11. september 2005. Börn Tahani er átta ára og sést hér standa við hlið eiginmanns síns, Majed, sem er 27 ára. Fyrrverandi bekkjar- félagi hennar, hin átta ára Ghada, er í bakgrunni með eiginmanni sínum í Hajjah í Jemen. Unglingur Sumeena Shreshta Balami, 15 ára, yfirgefur heimili sitt til að hitta verðandi eiginmann sinn, sextán ára dreng, Prakash Balami, í þorpinu Kagati í Nepal. Tvö börn Asía er tveggja barna móðir þrátt fyrir að vera aðeins fjórtán ára. Hún sést hér þvo yngsta barni sínu á meðan tveggja ára dóttir hennar leikur sér. Myndin er tekin í Hajjah í Jemen. Hátt í 30 þúsund manns hafa horfið Mannréttindasamtök í Sýrlandi segja að 28 þúsund manns að minnsta kosti hafi horfið spor- laust í landinu eftir að hafa verið teknir höndum af hermönnum. Segjast samtökin, Avaaz, hafa lista með nöfnum 18 þúsund einstak- linga sem hafa horfið og vitað sé um 10 þúsund önnur dæmi. Sam- kvæmt frétt breska ríkisútvarps- ins, BBC, ætla samtökin að leita til mannréttindanefndar Sameinuðu þjóðanna með það að markmiði að rannsókn fari fram á þessum óútskýrðu mannshvörfum. Sýr- lensk stjórnvöld hafa staðfast- lega neitað því að mannréttindi séu brotin á borgurum og hafna ásökunum samtakanna. Þrátt fyrir það segjast samtökin hafa margar staðfestar sögur um illa meðferð á óbreyttum borgurum af hálfu stjórnarhers Sýrlands. Ríkastur í sögunni Auðæfi ríkustu núlifandi einstak- linga heims blikna í samanburði við auðæfi ríkasta manns sögunn- ar, Afríkumannsins Mansa Musa sem var uppi á 13. og 14. öld. Þetta leiðir nýr 25 manna listi sem vefurinn Celebrity Net Worth tók saman og birti á dögunum. Mansa Musa var einvaldur mal- íska keisaraveldisins en veldið náði yfir svæði þar sem nú eru löndin Ghana og Malí. Samkvæmt útreikningum vefjarins voru eignir Musa metnar á 400 milljarða Bandaríkjadala að núvirði. Þrír einstaklingar núlifandi eru á list- anum; Bill Gates, Carlos Slim Helú og Warren Buffet. Athygli vekur að engin kona er á listanum. Grafa eftir líki ungs drengs Hópur breskra löggæslumanna er á leið til eyjarinnar Kos á Grikk- landi til að freista þess að finna lík ungs drengs sem hvarf sporlaust á eyjunni árið 1991. Drengurinn, Ben Needham, var 21 mánaðar þegar hann hvarf en hann var í pössun hjá afa sínum og ömmu á eyjunni. Þrátt fyrir mikla leit hefur drengurinn aldrei fundist. Í maí síðastliðnum kom á daginn að stórar vinnuvélar voru að störf- um skammt frá staðnum sem Ben sást síðast á. Er jafnvel óttast að ungi drengurinn hafi grafist undir fleiri tonnum af rusli sem vinnu- vélarnar losuðu skammt frá.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.