Dagblaðið Vísir - DV - 01.07.2011, Blaðsíða 16

16 | Fréttir 1.–3. júní 2011 Helgarblað
„Þeir halda að þær séu í Kanada. Þeir
halda að þeir séu búnir að finna þær,“
segir Almar Hafliðason, Íslendingur
uppalinn í Bretlandi, sem ferðaðist
í síðustu viku með Iceland Express.
Flugfélagið týndi farangri hans og
óléttrar eiginkonu hans og hefur ekki
greitt neinar bætur fyrir. Vika er liðin
frá því að töskurnar týndust. „Þetta
flugfélag er ekki að hugsa um þjón-
ustu,“ segir Almar svekktur.
Ekki óeðlilegt að töskur týnist
Almar segist hafa haft samband við
flugvöllinn í Kanada þar sem tösk-
urnar eru. Staðfesti starfsmaður sem
hann ræddi við að umræddar tösk-
ur væru á flugvellinum og einnig að
fleiri töskur frá Iceland Express væru
að hlaðast þar upp.
Matthías Imsland, forstjóri Ice-
land Express, kannaðist við mál-
ið þegar DV náði tali af honum en
hann sagði það ekki óvenjulegt að
það kæmi fyrir að töskur færu á vit-
lausa staði. „Öll flugfélög í heiminum
lenda í einhverjum vandræðum með
töskur í hverri viku. Venjulega tekur
það nú ekki meira en tvo til fjóra daga
að fá töskurnar til baka en að sjálf-
sögðu reynum við að koma töskunni
eins fljótt og hægt er til þeirra,“ seg-
ir hann aðspurður um málið. „Einu
sinni týndist taskan mín í Bandaríkj-
unum og það tók mig fimm vikur að
fá hana til baka,“ bendir hann á.
Ætla aldrei aftur með
Iceland Express
Almar segir margt hafa gengið á í
viðskiptum sínum við Iceland Ex-
press en hann hafi tvívegis þurft að
punga út háum fjárhæðum til að
endurskipuleggja ferðalög sín á Ís-
landi vegna seinkana eða flugferða
á vegum Iceland Express sem hafi
verið aflýst. Það hafi meira að segja
einnig verið raunin í þetta skipti, því
flugi hans og eiginkonunar til Íslands
seinkaði með þeim afleiðingum að
hann þurfti að kaupa nýtt tengiflug
frá Reykjavík til Akureyrar.
„Þetta var ekki gott flug. Það stal
frá okkur heilum degi af fríinu okkar
á Akureyri, kostaði okkur meiri pen-
inga sem þýðir að það hefði borgað
sig að fljúga bara með Icelandair og
fékk okkur til að heita því að fljúga
aldrei aftur með Iceland Express,“
segir Almar.
Höfðu áhyggjur af yfirvigtinni
Almar lýsir því að flugfélagið hafi lagt
mikið upp úr því að rukka um yfirvigt
en hjónunum þótti ekki tiltökumál
að greiða þann kostnað. Hann seg-
ir þó að augljóslega hafi félagið haft
meiri áhyggjur af því að rukka þau
um peninga en að koma töskunum
á réttan stað. „Aðalmálið var að taka
peninga frá okkur,“ útskýrir hann.
„Konan sem afgreiddi okkur hafði
miklu meiri áhyggjur af yfirvigtinni
og teymdi okkur á annað borð til
að borga fyrir hana.“ Verst þykir Al-
mari og eiginkonu hans þó að vera
ekki komin með óléttufötin sem eru
í töskunum. „Við erum að fara að
heiman á morgun [fimmtudag] og
hún á bara engin föt,“ segir hann.
„Þetta er erfitt þegar hún er komin
svona langt á leið. Hún er komin sex
mánuði á leið núna. Það er ekki svo
sniðugt að vera ekki með nein föt.“ Á
fimmtudag þegar fréttin var skrifuð
var taskan ekki enn kominn til skila.
Iceland express
týndI fötum
óléttrar konu
n Iceland Express sendi farangurinn til Kanada n Týndar
töskur hlaðast upp í Kanada n Nær öll óléttufötin í töskunni
Engin óléttuföt Eiginkona Almars
er komin sex mánuði á leið og saknar
óléttufatanna sinna sem eru í týndu
töskunni. MyNd AlMAr HAflIðAsoN
„Konan sem af-
greiddi okkur hafði
miklu meiri áhyggjur af
yfirvigtinni og teymdi
okkur á annað borð til að
borga fyrir hana.
Fagleg ráðgjöF
Tilboð á 10 Tíma
korTum úT júní
l Hljóðbylgjur vinna gegn verkjum
l Örvar starfsemi sogæða (hreinsun)
l Örvar vökvaflæði sogæðakerfisins
l Eyðir vökvasöfnun - bjúg
l Eyðir margskonar bólgum
l Eykur orkuflæði líkamans
l Dregur úr gigtareinkennum
l Formar fótleggi og línur
l Gefur góða líðan
l Detox hreinsun
Sími 533-3100
Aðalsteinn Kjartansson
blaðamaður skrifar adalsteinn@dv.is