Dagblaðið Vísir - DV - 17.02.2012, Blaðsíða 30

30 Viðtal 17.–19. febrúar 2012 Helgarblað
Þ
ú manst hverju þú lofað-
ir Ísabellu í kvöld?“ Linda
Pé situr í sófanum á Hótel
Holti og horfir á kærastann,
Tav MacDougall. „Ó, alveg
rétt. Ninja-pítsa í kvöld!“ Hann snýr
sér að blaðamanni og útskýrir bet-
ur hvað hann á við. „Við ætlum að
klæða okkur í ninja-búninga og baka
pítsur saman,“ segir Tav spennt-
ur. Ísabella er sex ára dóttir Lindu.
Hún hefur samþykkt nýja kærast-
ann móður sinnar og gott betur en
það. „Hann er ótrúlega góður við Ísa-
bellu og þau eru miklir vinir,“ segir
Linda. „Já, hún ætlar að vera ninja á
öskudaginn og þau fengu þessa hug-
mynd,“ segir Linda hlæjandi og sýn-
ir mynd á símanum sínum frá öðru
uppátæki þeirra.
Tav og Linda kynntust fyrst í júní
í fyrra. Þau voru stödd í sama leik-
húsi í London. Linda var í borginni í
heimsókn hjá vinum ásamt Ísabellu
og Tav dvaldi þar á sama tíma.
Kynntust í London
„Við kynntumst í gegnum sameigin-
lega vini í London. Við hittumst fyr-
ir tilviljun í leikhúsi þegar við vorum
bæði stödd í borginni. Það var strax
einhver tenging á milli okkar en ég
hugsaði samt aldrei út í það hvort
hún væri gift eða væri með einhverj-
um eða eitthvað þannig. Okkur lík-
aði bara hvoru við annað,“ segir Tav
um þessi fyrstu kynni þeirra og Linda
grípur inn í: „Ég held að þér hafi
nú líkað betur við mig,“ segir hún í
stríðnistón. „Jú, ætli það ekki,“ tekur
Tav undir og brosir.
Eftir þessi fyrstu kynni í leikhús-
inu héldu þau sambandi í gegnum
tölvupóst. „Við byrjuðum að spjalla
saman í gegnum tölvupósta. Þetta
fór svo að verða á persónulegri nót-
um og við fórum að spyrja hvort ann-
að persónulegri spurninga og það
þróaðist einhvern veginn út frá því.“
Linda og Tav hafa verið par núna
í sjö mánuði. Eftir að hafa spjallað
saman í gegnum tölvupóst og síma í
nokkrar vikur hittust þau á ný þegar
Tav kom í sína fyrstu heimsókn til Ís-
lands, í lok sumars. „Þá var bara eins
og við hefðum bara verið í sundur í
smá tíma, þannig var tilfinningin.
Það var svolítið skrýtið en þetta var
svo eðlilegt og svo rétt allt saman.
Þannig að auðvitað hugsaði ég bara
um að láta slag standa og sjá hvað
myndi gerast,“ segir hann og horfir
ástúðlega á Lindu sem kinkar kolli til
samþykkis. „Ég sé ekki eftir því,“ seg-
ir Tav.
Byrjaði seint í leiklist
Tav kemur frá Skotlandi og er mennt-
aður leikari. Hann var kominn hátt á
þrítugsaldurinn þegar hann byrjaði í
leiklistinni en áður hafði hann unnið
á olíuborpalli. Honum hefur gengið
vel í leiklistinni, leikið aukahlutverk
í nokkrum þekktum kvikmyndum og
sjónvarpsþáttum eins og Harry Pot-
ter og Taggart, auk þess að hafa leikið
í leikhúsi og auglýsingum.
„Ég var orðinn 28 ára þegar ég
byrjaði að læra leiklist. Þetta hafði
alltaf blundað í mér en ég lét aldrei
verða af því. Ég er frá litlum bæ þar
sem flestir voru iðnmenntaðir og
flestir sem voru með mér í skóla
vildu verða vörubílstjórar eða sjó-
menn. Og það var ekki beint litið á
leiklist sem starf. Það var svona smá
Billy Elli ot-dæmi í gangi,“ segir Tav
sem lét þó á endanum drauminn
rætast.
„Én ég græddi líka alveg á því að
fara í leiklist svona seint. Ég hafði
meiri reynslu sem gagnaðist mér í
náminu. Ég var orðinn það gamall og
hafði upplifað ákveðna hluti í lífinu,
bæði ást og sorg. Krakkar sem fara 18
ára í leiklistarskóla hafa flestir ekki
upplifað þessar tilfinningar og geta
ekki notfært sér það í túlkun sinni.
Þannig að ég held það hafi bara verið
af hinu góða.“
Leikur við Ísabellu
Linda og Tav segjast njóta þess að
verja tíma saman og þegar þau eru
saman þá geri þau í raun allt sam-
an og oftast er Ísabella, sex ára dóttir
Lindu, með.
„Hann er mjög fjölskyldusinnað-
ur sem er gott út af Ísabellu minni,“
segir Linda. „Við erum miklir vinir
og leikum okkur mikið saman. Við
förum í leiki og hún er bara svo ótrú-
lega skemmtileg og fyndin. Við hlaup-
um út um allt og látum eins og asnar.
Linda skilur ekkert í þessu því Ísabella
hefur alltaf verið frekar róleg og feim-
in,“ segir Tav og tekur fram að það hafi
skipt hann miklu máli að Ísabellu lík-
aði vel við hann. „Hún er náttúrulega
sex ára þegar við kynnumst og fram
að því höfðu það bara verið hún og
mamma hennar. Þannig að það er
erfitt fyrir hana að það komi allt í einu
einhver maður inn í það. En okkur
semur ótrúlega vel og hún er bara svo
frábær,“ segir hann brosandi.
Linda tekur upp símann og sýn-
ir blaðamanni mynd af Ísabellu, Tav
og Lindu saman. Á myndinni vantar
framtönn í Ísabellu og Tav og Linda
eru búin að líma svart teip yfir eina
tönn hjá sér til að vera eins. „Þau eru
alltaf að gera eitthvað svona. Hann
leyfir henni líka að mála sig,“ segir
hún og sýnir aðra mynd þar sem Tav
er skrautlega málaður í framan og
svo aðra af Ísabellu eins málaðri. „Já,
og hann málar hana líka,“ segir hún
hlæjandi.
Fjölskyldan mikilvæg
Tav á ekki börn sjálfur en segist þó allt-
af hafa viljað eignast börn. „Mig hefur
alltaf langað í börn en það hefur aldrei
komið rétta tækifærið. Ég hafði aldrei
fundið réttu konuna sem mig langaði
að eiga börn með. Það kom aldrei til
greina hjá mér að eiga bara barn með
einhverri bara til þess að eiga barn,“
segir hann einlægur. En stefna þau á
barneignir saman?
„Það er alveg inni í myndinni,“ seg-
ir Tav örlítið vandræðalegur. „Ég held
að það myndi binda okkur saman að
eignast barn. Þetta er enn nýtt sam-
band og ég held að það myndi binda
það frekar saman. En við vitum það
ekki,“ segir Tav og greinilegt er að hann
væri ekki mótfallinn því að fjölga í fjöl-
skyldunni enda mikill fjölskyldumað-
ur sjálfur að eigin sögn. Hann leggur
mikið upp úr fjölskyldugildum og er
náinn móður sinni og systur sem búa
stutt frá honum í Skotlandi.
Faðirinn góður vinur Gordon
Brown
„Ég er mjög náinn mömmu og syst-
ur minni en pabbi minn dó fyrir
þremur árum og hún þarf stuðning-
inn frá mér og systur minni sem er
tveimur árum yngri en ég. Ég heyri
í mömmu nánast á hverjum einasta
degi. Hún var hárgreiðslukona en er
hætt að vinna núna. Við reynum að
gera hluti saman og fara reglulega
út að borða eða í hádegismat. Þær
komu hingað í heimsókn fyrir jólin.
Mamma er mjög hrædd við að fljúga
en það tekur bara tvo tíma að fljúga
á milli og þess vegna treystir hún sér
til að koma,“ segir hann brosandi.
Mæðgurnar hittu Lindu og Ísa-
bellu og skoðuðu landið um leið.
„Við fórum á alla túristastaðina eins
og Bláa lónið og Perluna,“ segir Tav
og Linda skýtur inn í: „Já, og Bað-
húsið, þær fóru í dekur þar,“ segir
hún. Tav hefur einnig hitt fjölskyldu
Lindu og kann vel við hana. „Ég hef
hitt þau öll fyrir utan bróður hennar
Lindu sem býr á Nýja-Sjálandi, en
ég spjallaði við hann og börnin hans
á Skype um jólin, það var indælt.“
Faðir Tav, John MacDougall,
var aðeins sextugur þegar hann
dó. „Hann vann í skipasmíðastöð.
Svo fór hann að starfa með Verka-
mannaflokknum og sat í bæjar-
ráðinu. Það kom honum svo yfir á
þing og áður en hann dó sat hann
á þingi og barðist fyrir sitt fólk í
bænum. Hann vann mjög mik-
ið og var mjög duglegur,“ segir Tav
um föður sinn. Faðir hans þekkti
Gordon Brown persónulega. „Þeir
voru saman í skóla. Gordon var
af millistéttarfjölskyldu en pabbi
var af verkamannafjölskyldu. Þeir
þekktust þegar þeir voru í skóla
en pabbi var aðeins eldri en hann.
Þeir enduðu síðan saman á þingi og
„Strax einhver tenging á milli okkar“
Heilsudrottningin Linda Pétursdóttir hefur fundið
ástina í örmum skoska leikarans og þingmanns-
sonarins Tav MacDougall. Þau smellpassa saman
að eigin sögn, taka fjölskyldustundir fram yfir nætur-
lífið og njóta þess að verja tíma saman. Viktoría Her-
mannsdóttir hitti parið á Hótel Holti einn bjartan dag
í febrúar og fékk að heyra söguna að baki skoska
manninum sem fangað hefur hjarta Lindu Pé.
Seint í leiklist Tav er menntaður leikari. Hann fór seint í leiklistina en telur það hafa hjálpað sér. „Ég var orðinn það gamall og hafði upp-
lifað ákveðna hluti í lífinu, bæði ást og sorg.“
„Ég var orðinn það
gamall og hafði
upplifað ákveðna hluti í
lífinu, bæði ást og sorg.
„Við erum miklir vinir og leikum okkur mikið
saman. Við förum í leiki og hún er bara svo
ótrúlega skemmtileg og fyndin. Við hlaupum út um
allt og látum eins og asnar.
Viktoría Hermannsdóttir
viktoria@dv.is
Viðtal