Dagblaðið Vísir - DV - 17.02.2012, Blaðsíða 40

40 Rómantík og konur 17.–19. febrúar 2012 Helgarblað
Kvenskortur eykur eyðslu karla
n Peningar spila stóra rullu í samskiptum kynjanna
N
ý rannsókn hefur leitt í ljós
að í samfélögum þar sem
karlar eru fleiri en konur
er skuldastaðan verri. Þetta
ræðst af því að karlar eru viljugri til
að taka upp veskið ef fleiri karlar
eru á svæðinu en konur. Í raun er
nóg að þeir telji að svo sé.
Rannsóknin var gerð við há­
skóla í Minnesota í Bandaríkjun­
um. Í samfélögum þar sem kon­
ur eru í meirihluta er þessu ekki
að dreifa. Eyðsla þeirra eykst ekki
jafnvel þó skortur sé á karl­
mönnum. Í rannsókninni
kom einnig fram að kon­
ur líti svo á að karlar eigi
að eyða meiri peningum
í þær ef mikil samkeppni
er um hyllina. Á vefn­
um livesience.com er
greint frá þessu en þar
segir að tölfræði sýni að
skuldastaða íbúa sé al­
mennt verri eftir því sem
hlutfall karlmanna sé
hærra. „Við sjáum
þetta mynstur í
dýraríkinu. Hegð­
un karldýra breyt­
ist ef skortur er á
kvendýrum. Hún ber
samkeppninni vott á
þann hátt að auk­
in harka færist í
samskipti karldýr­
anna.“ segir Vladas
Griskevicius, prófessor í mark­
aðsfræði, einn af aðstandendum
könnunarinnar. Hann segir jafn­
framt að í samfélögum manna séu
peningar, eða hlutir sem fást fyrir
þá, gjarnan það sem menn noti til
að keppast um hylli kvenna.
Fólkið sem tók þátt í rannsókn­
inni var fyrst látið lesa greinar þar
sem fram kom að ýmist konur eða
karlar væru í minnihluta í sam­
félaginu. Að því búnu voru þátt­
takendur beðnir að segja til um
hversu mikið þeir myndu leggja
í sparnað af fyrirfram gefnum
mánaðarlaunum. Eins var spurt
í hversu miklar kreditkorta­
skuldir þeir væru tilbúnir að
steypa sér. Þeir karlmenn sem
höfðu lesið greinar um að kon­
ur væru færri en karlar reynd­
ust vilja spara 42% minna en
þeir karlar sem lásu um hið gagn­
stæða. Þeir voru einnig reiðu­
búnir til að steypa sér í mun hærri
kredit kortaskuldir, eða 84% hærri
en hinir. Þennan mun var ekki að
sjá hjá konunum sem tóku þátt í
könnuninni.
baldur@dv.is
m.dv.is
Lestu fréttir DV í farsíman
um þínum!
Hamingja Peningar eru ekki allt,
er fyrir þá er ýmislegt falt.
M
argir eru smeykir við að
sýna áhuga af ótta við að
verða hafnað. Það skiptir
hins vegar máli að taka
sénsinn – að láta ekki ótt­
ann ráða för. Það eru nefnilega mikl­
ar líkur á því að við þurfum að kynn­
ast nokkrum einstaklingum áður en
við finnum einhvern sem við hríf­
umst af. Við megum ekki láta hug­
fallast þótt við fáum höfnun, höfnun
er bara hluti af ferlinu og þótt okkur
sé hafnað er ekki þar með sagt að
það sé eitthvað að okkur,“ segir Gyða
Eyjólfsdóttir, sálfræðingur hjá Sálar­
afli, en hún og Sóley Dröfn Davíðs­
dóttir hjá Kvíðameðferðarstöðinni
standa fyrir námskeiði fyrir fólk í
makaleit.
„Vinkona mín, sem er sálfræð­
ingur og býr í Bandaríkjunum, kom
í heimsókn til mín í fyrra og fór að
segja mér frá stefnumótasíðunni
match.com. Þá fór ég að hugsa með
mér að hér vantaði slíka síðu og þær
hugleiðingar urðu að þessu nám­
skeiði,“ segir Gyða og bætir við að
það sé oft mikið fjör á námskeiðinu.
„Það skapast líflegar umræður þar
sem er mikið hlegið svo augu margra
opnast fyrir því hversu skemmtileg
makaleitin getur verið,“ segir Gyða
og bætir við að á námskeiðið leiti alls
kyns fólk. „Allir eldri en 25 ára eru
velkomnir. Þarna er fólk sem hefur
aldrei farið í samband og einnig fólk
sem hefur gifst en er nú fráskilið.“
Á námskeiðinu er meðal annars
rætt um sjálfsmyndina og hugræna
athyglismeðferð. „Við reynum að
styrkja fólk og fá það til að takast á
við sjálft sig. Við skoðum líka hvaða
hugsanir eru í gangi þegar fólk er að
leita sér að maka og er í samskiptum
við það kyn sem það hrífst af. Margir
hafa þegar ákveðið að þeim verði
hafnað og þora ekki að taka séns­
inn, aðrir taka sénsinn en kunna svo
ekki að sýna áhuga. Það er allt til. Við
gerum æfingar, pörum fólk saman
og æfum samræður og heilsum með
handabandi. Við skoðum samskipti
og öryggi á netinu og leiðbeinum
hvernig hægt er að búa til auglýsing­
ar sem virðast virka. Við veltum því
líka fyrir okkur hverju við erum að
leita að í fari maka, förum yfir sam­
skipti kynjanna, kynjamun, daður og
nánd og ýmislegt sem tengist kyn­
lífi,“ segir Gyða en bætir við að það
þurfi enginn að deila af sér frekar en
hann vilji. „Hins vegar nýta sér það
flestir enda færðu mun meira út úr
námskeiðinu eftir því sem þú tekur
meiri þátt.“
Mikil aðsókn hefur verið á nám­
skeiðið og færri komist að en vilja.
Gyða segist halda að fólki þyki ekki
erfitt að leita sér hjálpar í makaleit.
„Fólk í dag er svo opið fyrir svona
löguðu enda eru alls kyns námskeið
í boði. Þetta er aðeins eitt til viðbót­
ar,“ segir hún og bætir við að það
sé heilmikil sjálfstyrking innifalin í
námskeiðinu. „Þátttakendur eru að
koma betur út á ýmsum sálfræði­
prófum og virðast sáttari með sig í
samskiptum við aðra eftir námskeið­
ið en fyrir það.“
Aðspurð segist hún ekki getað
tjáð sig um það hvort til einhverra
sambanda hafi verið stofnað á nám­
skeiðinu sjálfu. „Hjá okkur ríkir al­
gjör trúnaður,“ segir hún brosandi
að lokum. Áhugasamir geta fræðst
meira á salarafl.is og kms.is.
indiana@dv.is
Kenna fólki að daðra
n Gyða og Sóley leiðbeina fólki í makaleit
Fyrir karlmenn
n Flestar konur setja traust og heiðar-
leika ofarlega á listann þegar kemur
að eiginleikum sem karlkyns maki
þarf að bera.
n Umhyggja og ástúð skiptir flestar
konur miklu máli, en hana er meðal
annars hægt að sýna með faðmlagi
og orðum.
n Konur hafa oft meiri þörf en karlar
fyrir samræður og kunna vel að meta
það þegar maki þeirra sýnir áhuga á
því sem þær eru að segja.
Fyrir konur
n Það skiptir karlmenn miklu máli að
kona þeirra geti verið stolt af þeim.
n Ef þér finnst skorta á að maki þinn
hlusti á þig en gefi þér fyrst og fremst
ráð um hvað þú eigir að gera, segðu
honum þá hvað það er sem þig vantar
frá honum.
n Konur mega reyna við menn. Það er
ekkert lögmál sem segir að karlinn
þurfi alltaf að taka fyrsta skrefið.
Flestir karlmenn eru upp með sér ef
kona nálgast þá og sýnir þeim áhuga.
Allt í lagi að fá höfnun
Gyða Eyjólfsdóttir sálfræð-
ingur segir að þótt okkur sé
hafnað sé ekki þar með sagt
að það sé eitthvað að okkur.
Eldra fólk
notar netið
Unga fólkið er ekki það eina sem
notar netið til að komast í sam­
skipti við það kyn sem það heillast
af. Samkvæmt breskri rannsókn
mynda einstaklingar yfir sextugu
þann hóp sem stækkar hvað örast
þegar kemur að stefnumótum
á netinu. Munur virðist vera á
netnotkun aldurshópanna. „Elsti
hópurinn einblínir lítið sem ekk­
ert á útlit og stöðu en hefur meiri
áhuga á einlægum samræðum og
vill finna einhvern sem deilir svip­
uðum viðhorfum til lífsins. Yngri
notendur spjalla meira um kynlíf
og skemmtanalíf,“ segir dr. Wendy
K. Watson sem stóð að rannsókn­
inni og bætti við að eldra fólk væri
meira blátt áfram. „Það veit að líf­
ið er of stutt fyrir einhverja leiki.“
Kysstust í 50
klukkutíma
Taílenskt par fékk nafn sitt skráð í
Heimsmetabók Guinness á dög­
unum þegar það kysstist í rúma
tvo sólarhringa. Parið tók þátt í
kossamaraþoni sem haldið var í
tilefni af Valentínusardeginum.
Þátttakendur máttu ekki stíga út af
einum fermetra og máttu aðeins
drekka vatn og nærast í gegnum
rör. Einungis var leyfilegt að fara á
klósettið eftir þrjá fyrstu klukku­
tímana og aðeins með dómara
meðferðis. Sigurparið kysstist í 50
klukkustundir en gamla met­
ið, sem einnig var taílenskt, var
rúmir 46 klukkutímar. Vinnings­
parið fékk demantshring og hótel­
gistingu í verðlaun.