Dagblaðið Vísir - DV - 01.06.2012, Blaðsíða 37

Makar í kosningabaráttu
Starf: Sjúkraliði á Landspítala - háskóla-
sjúkrahúsi, Landakoti.
Aldur: 58 ára.
Menntun: Sjúkraliðanám í Fjölbrautaskól-
anum Breiðholti.
Starfsferill: „Hef unnið á hjúkrunar-
heimili, lengst af á líknardeild aldraðra og
svo á endurhæfingardeild aldraðra þar sem
ég starfa nú.“
Hvað breytist í lífi þínu við það að
verða forsetamaki?
„Að verða opinber persóna breytir að
sjálfsögðu miklu, en ég mun skoða hvort ég
gæti haldið mínu starfi að einhverjum hluta.“
Hvernig kynntust þið?
„Á skemmtun hjá Íslendingafélaginu í Ósló
1972.“
Var það ást við fyrstu sýn?
„Ég varð strax skotin!“
Hver er besta stundin sem þú hefur átt
með Ara Trausta?
„Þær eru margar, en ég nefni til dæmis
gönguferðir á Mallorca.“
Hvað getur þú fært forsetaembættinu?
„Ég færi sjálfa mig til embættisins með
kostum og göllum.“
Á hvað ætlar þú að leggja helst áherslu
sem maki forseta?
„Ég myndi vilja vinna að heilbrigðismálum,
sérstaklega hvað varðar aldraða ein-
staklinga.“
Hvernig sérðu fyrir þér lífið á Bessa-
stöðum?
„Bessastaðir yrðu nýr vinnustaður, en
hvernig ég vinn úr því ræðst þegar þangað er
komið. Sem heimili yrðu þeir bara notalegir.“
Hverjir eru helstu kostir makans?
„Ari er mjög hlýr, traustur og heiðarlegur
maður. Hann er rökfastur sáttasemjari,
víðsýnn, hefur mikinn andlegan og
líkamlegan styrk og býr yfir mikilli þekkingu
á mjög víðu sviði.“
Hverjir eru helstu gallarnir?
„Hann er aldrei kyrr, hvorki í huga né með
höndum (kannski ætti ég að segja fótum!).“
Hver er helsta ástæðan fyrir því að fólk
ætti að kjósa maka þinn sem forseta?
„Ástæðan liggur í því sem ég hef sagt um
kosti hans.“
Hvað er það fyrsta sem þið munið gera
á Bessastöðum, ef þið komist þangað
inn?
„Kaffisopinn er alltaf góð byrjun á nýjum
degi.“
Hvaða einstaklingur hefur haft mest
áhrif á þig?
„Eftir nær 40 ár hefur makinn sín áhrif en
það hafa líka allir aðrir samferðamenn og
ekki hvað síst börnin okkar.“
Hver er fallegasti staðurinn á Íslandi?
„Siglufjörður.“
Hvaða lífsreynsla eða atburður hefur
mótað þig mest?
„Ég hef, eins og aðrir, upplifað sorg og
gleði í lífinu. Hvernig ég hef náð að vinna
úr sorginni og njóta gleðinnar hefur mótað
mig mest.“
Hvað finnst þér skemmtilegast að
gera í frítíma þínum?
„Lesa og sauma út. Ég sauma eftir eigin
hugmyndum og er að sauma rúmteppi
þessa dagana.“
Hvað er mest gefandi við starf þitt
núna?
„Að finna að það sem ég geri og gef veitir
öðrum vellíðan.“
Úttekt 37Helgarblað 1.–3. júní 2012
Starf: „Ég held utan um þjálfun starfs-
manna hjá fyrirtæki sem heitir Travel Retail
Norway AS (TRN). Það þýðir að ég vinn við
að skipuleggja, samhæfa, setja saman og
halda námskeið um snyrtivörur fyrir alla
samstarfsaðila TRN í Noregi.“
Aldur: 37 ára.
Menntun: „Ég hef komið nokkuð víða
við hvað menntun áhrærir. Í framhalds-
skóla lagði ég stund á nám í verslunar- og
skrifstofufræðum, ásamt teikningu, formi
og litum. Síðan reyndi ég við fatahönnun
en komst að því að ég og saumavélin áttum
ekki samleið ;) Eftir að hafa verið úti á
vinnumarkaðnum í nokkur ár ákvað ég að
fara í skóla sem heitir Norsk Akademi for
Naturmedisin (NAN) og læra til hómópata
og í hann gekk ég í 5 ár þar til ég að endingu
tók prófin í júní 2007. Ég er einnig menntuð
sem snyrtifræðingur frá Art Complexion í
Noregi.“
Starfsferill: „Ef frá eru talin hefðbundin
sumarstörf hófst starfsferill minn í ísbúð
þegar ég var 18 ára. Annars vann ég á bar og
veitingastað í mörg ár, á hjúkrunarheimili, í
blómabúð, við snyrtivörusölu og var sendibíl-
stjóri í Ósló áður en ég gat lesið út úr korti!
Áður en ég byrjaði hjá TRN vann ég sjálf-
stætt sem hómópati, stofan mín hét Natura
Medica.“
Hvað breytist í lífi þínu við það að
verða forsetamaki?
„Til að byrja með verðum við að flytja til Ís-
lands og það mun verða bæði spennandi og
ögrandi breyting – bæði fyrir börnin og mig
og við yrðum að læra íslensku almennilega.
Annars verð ég bara að bíða og sjá hvað
tíminn leiðir í ljós í kjölfar þess sem mað-
urinn minn er að vinna að núna. Ég geri ráð
fyrir að það taki smá tíma að setja sig inn
í íslenskt samfélag, finna mér hlutverk og
komast að því hvaða væntingar fólk hefur
til forsetafrúar.“
Hvernig kynntust þið?
„Við kynntumst reyndar í gegnum netið.
Hannes reyndi ítrekað að komast í sam-
band við mig og þegar ég að lokum svaraði
honum og við ákváðum að hittast … ja, þá
varð úr bæði brúðkaup og barn.“
Var það ást við fyrstu sýn?
„Bæði og. Vegna þess að hittumst ekki strax
heldur gáfum okkur tíma til að kynnast
fyrst, með tölvupósti og símtölum, fannst
mér ég þekkja Hannes aðeins þegar við hitt-
umst fyrst svo að það var smá ást til staðar
þá þegar og hún hefur bara aukist og styrkst
með árunum.“
Hver er besta stundin sem þú hefur átt
með Hannesi?
„O, má ég bara velja eina? Þegar við Hannes
hittumst áttum við bæði börn fyrir og við
áttum lítinn tíma bara fyrir okkur tvö. Þrátt
fyrir að ég njóti þess að verja tíma með
börnunum þá verð ég að segja að ein besta
stundin sem við Hannes höfum átt saman
var þegar við fórum til Feneyja fyrir ári. Fyrir
mig var það rómantísk ferð sem hverfur mér
ekki úr minni, og ég vil gjarna fara þangað
aftur með Hannesi þegar tækifæri gefst.“
Hvað getur þú fært forsetaembætt-
inu?
„Góð spurning. Til að byrja með sé ég fyrir
mér að ég verði Hannesi stoð og stytta
þegar hann þarfnast mín. Annars veit ég
ekki nógu mikið um forsetaembættið til að
geta tjáð mig um það á þessum tímapunkti,
en þú mátt gjarna spyrja mig seinna.“
Hvað ætlar þú helst að leggja áherslu
á sem maki forseta?
„Mér finnst sem ég þekki of lítið til starfa
forsetafrúa og íslensks samfélags sem
slíks. En ef ég fengi ráðrúm og tækifæri til
að leggja áherslu á eigin málefni myndi ég
óska þess að starfa með börnum og ungu
fólki. Í sambandi við ofbeldi gegn börnum
og fíkniefnanotkun.“
Hvernig sérðu fyrir þér lífið á Bessa-
stöðum?
„Ágætis spurning. Svona eins og vanalega,
geri ég ráð fyrir, börnin í skólanum, mað-
urinn í vinnunni og ég líka vonandi. Annars
frístundir, matseld, þvotturinn og hvaðeina
sem maður gerir dagsdaglega.“
Hverjir eru helstu kostir makans?
„Hannes er afar blíður og félagslyndur maður
með mikla kímnigáfu. Það er frábært að
spjalla við hann og hann er rosalega góður í
að hlusta. Hann er óhræddur við að taka til
hendinni og og er hjálpsamur. Hann er börn-
unum góður faðir og mér góður eiginmaður.
Þess utan er hann besti vinur minn og margt,
margt fleira.
Hverjir eru helstu gallarnir?
„Bíðum við … er hann með nokkra? Hann
getur verið svolítið ákveðinn stundum. Og
hann á það líka til að vera svo duglegur að
öðrum finnst þeir vera hryllilega latir … en
það er ekki galli í reynd.“
Hver er helsta ástæðan fyrir því að
fólk ætti að kjósa maka þinn sem
forseta?
„Hannes er alþýðlegur, hann getur átt
góð samskipti við flestalla og gert sig
skiljanlegan. Hann er auðmjúkur og langar
einlæglega að vinna að hagsmunum Íslands
og þjóðarinnar. Hann er jarðbundinn og
heiðarlegur og lofar aldrei neinu sem hann
getur ekki staðið við.“
Hvað er það fyrsta sem þið munið gera á
Bessastöðum, ef þið komist þangað inn?
„Skipta út húsgögnum. Í samvinnu við börn
og maka. Gera þá eins heimilislega og við
getum og vona að það fari vel um okkur þar.“
Hvaða einstaklingur hefur haft mest
áhrif á þig?
„Það er erfitt að velja bara eina manneskju.
Foreldrar mínir, sem gáfu mér lífið að gjöf og
örugga og góða bernsku. Og Hannes, fyrir að
vera eins og hann er og sjá til þess að tilvera
mín mun aldrei verða leiðinleg.“
Hver er fallegasti staðurinn á Íslandi?
„Mér finnst Ísland ótrúlega hrífandi og
fallegt land með stórkostlegri og spennandi
náttúru. En ef ég á að velja einn stað þá
nefni ég Blönduhlíð í Skagafirði. Þar eigum
við hús og eyðum stærsta hluta sumarfrís
okkar. Þar finn ég frið og ró og mér finnst
staðurinn einn sá fegursti í heimi.“
Hvaða lífsreynsla eða atburður hefur
mótað þig mest?
„Að verða ekkja við 25 ára aldur með sex
vikna barn – það var virkilega erfitt og hefur
eflaust valdið því að ég fékk nýja sýn á lífið.
Og að sjálfsögðu að verða foreldri, það
mótar fólk.“
Hvað finnst þér skemmtilegast að
gera í frítíma þínum?
„Frítími … ég hef heyrt þetta orð … með
fjögur börn er ekki mikið um frítíma, en
ég hef gaman af ferðalögum. Eða lestri
góðra bóka. Þegar ég er á Íslandi finnst mér
gaman að taka ljósmyndir og teikna … ef
tíminn leyfir.“
Hvað er mest gefandi við starf þitt
núna?
„Það er í reynd margt. Ég fæ tækifæri til að
kynnast ótrúlegum fjölda fólks, kynnast
mörgu nýju og ferðast ásamt því að vinna
með mjög skemmtilegu fólki.“
Charlotte Kvalvik:
„Kynntumst í gegnum netið“ „Hannes reyndi
ítrekað að kom-
ast í samband við mig.
María G. Baldvinsdóttir
„Varð strax skotin“„Ég færi sjálfa mig
til embættisins
með kostum og göllum.