Dagblaðið Vísir - DV - 01.06.2012, Blaðsíða 40

Starf: Forsetafrú.
Aldur: 62 ára.
Menntun: Ýmiss konar nám m.a. í tungu-
málum og listasögu.
Starfsferill: Fengist við skartgripa-
hönnun, endurgerð gamalla húsa, viðskipti
og menningarsamskipti.

Hvað breyttist í lífi þínu við það að
verða forsetamaki?
„Það að verða forsetafrú breytti raun-
verulega ekki miklu í mínu lífi. Það sem
breytti því var að flytja til Íslands. Það var
dásamlegt að koma til lands með þetta
góða loft, hreina vatn og fallegu náttúru.
Það tók mig aftur á móti nokkur ár að átta
mig á því hvernig ég ætti að haga mér sem
forsetafrú, að ég gæti kannski ekki sagt allt
sem mig langaði til að segja. Ég reyni þó að
vera ég sjálf enda kann ég ekkert annað.“

Hvernig kynntust þið Ólafur Ragnar?
„Í hádegisverði hjá sameiginlegum vinum
okkar í London. Hann var sífellt að tala um
að ég ætti að skrifa grein um Ísland.“

Var það ást við fyrstu sýn?
„Nei, ekki við fyrstu sýn en næstum því
aðra sýn og pottþétt í þriðja sinn sem við
hittumst.“

Hver er besta stundin sem þú hefur átt
með Ólafi Ragnari?
„Fyrsti kossinn.“

Hvað hefur þú fært forsetaembættinu?
„Ég hef reynt að gera allt sem ég get til
að kynna Ísland, íslenska menningu og
hönnun, íslenska náttúru og íslenskar vörur.
Ég hef lengi ræktað sambönd við fjölmargt
áhrifafólk á mörgum sviðum og um allan
heim. Ég hef reynt að nýta þessi sambönd
til að kynna íslenska list, unga málara
og hönnuði, kvikmyndir, matargerð svo
eitthvað sé nefnt. Þátturinn með Mörtu
Stewart var til dæmis af þessu tagi. Annað
dæmi er að Jolie Hunt, vinkona mín, sem
hefur verið yfirmaður almannatengsla
og markaðsmála hjá hinu heimsfræga
fréttafyrirtæki Reuters, ætlar að gifta
sig hér á Íslandi eftir þrjár vikur. Ísland er
frábær staður fyrir brúðkaup. Hún ætlar
að gifta sig í Krýsuvík og halda veisluna í
Bláa lóninu. Fjöldi erlendra gesta munu
mæta í brúðkaupið meðal annars ritstjórar
heimsþekktra blaða og tímarita. Þau
kynna vonandi Ísland fyrir vinum sínum og
þannig berst gott orðspor Íslands áfram.
Svona atburðir geta til lengri tíma haft
mikil áhrif.“

Hvað hefur þú helst lagt áherslu á sem
forsetamaki?
„Mér hefur fundist mikilvægast að kynna
fjölbreytileika Íslands, náttúrunnar, menn-
ingarinnar og þjóðfélagsins. Stundum hefur
mér þó fundist að fólk skilji ekki að þó að
maður kynni eitt atriði þá njóta aðrir á sama
sviði góðs af. Það er mikilvægt að fólki skilji
það og geti unnið saman í sátt og samlyndi.
Fólk verður að skilja að það sem er gott fyrir
einn Íslending er gott fyrir alla Íslendinga til
lengri tíma litið og samfélagið allt að lokum.
Þá finnst mér mjög mikilvægt að við Ís-
lendingar hættum að horfa á hlutina frá
pólitískum sjónarhóli og horfum frekar á
stóru myndina.“

Hvernig er lífið á Bessastöðum?
„Það er mikið að gera og alltaf eitthvað óvænt
á dagskrá. Stundum allt of mikið að gera!“

Hverjir eru helstu kostir Ólafs
Ragnars?
„Ólafur er svo sveigjanlegur og aðlagar
sig aðstæðum hverju sinni. Vinum mínum
líkar til dæmis öllum mjög vel við hann –
hann getur talað um hvað sem er við þá.
Hann er líka ótrúlega duglegur, þolir mikið
álag, hefur mikla reynslu og þekkingu á
viðfangsefnum sínum. Svo er hann alltaf að
lesa og læra eitthvað nýtt.“

Hverjir eru helstu gallar hans?
„Veit ekki hvað orðið frí þýðir og það þarf
að bæta. Svo borðar hann líka stundum of
mikið af vínarbrauðum. Það þarf að bæta!“

Hver er helsta ástæðan fyrir því að
fólk ætti að kjósa mann þinn sem
forseta?
„Margvíslegir hæfileikar og reynsla sem
hann hefur öðlast í forsetaembættinu.
Á óvissutímum er það ómetanlegt fyrir
Ísland.“

Hvað er það fyrsta sem þið munið gera
á Bessastöðum, ef þið fáið að halda
áfram ykkar góða starfi þar?
„Ólafur myndi nú gera svo margt en það
sem ég myndi gera er að einbeita mér að því
að breyta fæði íslenskra barna, kynna þeim
hollari mat og efla þannig heilsu þeirra.
Það þarf að draga úr offitu svo að börn og
fullorðnir geti lifað gleðilegra og hamingju-
ríkara lífi. Slíkt myndi líka draga verulega úr
kostnaði við heilbrigðiskerfið og þá þyrfti
fólk ekki að borga eins háa skatta! Það er
afar mikilvægt að leggja ríka áherslu á að
koma í veg fyrir sjúkdóma eins og offitu með
forvörnum frekar en að bregðast einungis
við eftir að fólk veikist.
Mig langar líka að reyna að leggja lóð á
vogarskólar við að byggja upp öflugan
lífrænan landbúnað á Íslandi. Við höfum
orkuna, kunnáttuna, hæfileikana og viljann.
Ísland gæti orðið fyrsta landið sem yrði
þekkt fyrir lífrænar vörur. Mér hefur að
minnsta kosti verið sagt að við höfum mikla
möguleika í þessum efnum. Ég hef reyndar
margar aðrar hugmyndir en oft er betra
að sjá hlutina gerast frekar en tala um þá
fyrirfram.“

Hvaða einstaklingur hefur haft mest
áhrif á þig?
„Pabbi minn.“

Hver er fallegasti staðurinn á Íslandi?
„Mér finnst yfirleitt þegar ég kem á einhvern
nýjan stað á Íslandi að það sé fallegasti
staðurinn á landinu. Ég naut þess nýverið að
fara á skíði á Tröllaskaga með bandarískum
vinum mínum. Þar er ótrúlega fallegt. Ísland
hefur svo mikla möguleika í vetrarferða-
mennsku. Skíðaferðir Jökuls Bergmanns
á Tröllaskaga eru frábært dæmi um flott
frumkvæði í ferðamennsku.“

Hvaða lífsreynsla eða atburður hefur
mótað þig mest?
„Að hitta Ólaf og fá að deila með ykkur
öllum þessu einstaka landi.“

Hvað finnst þér skemmtilegast að
gera í frítíma þínum?
„Að vera með Sámi, knúsa hann og kemba.
Svo finnst mér ótrúlega gaman að vera með
öllum barnabörnunum, eða ættbálknum
eins og ég kalla þau. Ég myndi elska að búa
á sveitabæ enda elska ég dýr. Hver veit hvað
framtíðin ber í skauti sér?“

Hvað er mest gefandi við starf þitt
núna?
„Að ná árangri sem gagnast öllum Ís-
lendingum.“
Dorrit Moussaieff
„Ólafur er svo sveigjanlegur“
40 Úttekt 1.–3. júní 2012 Helgarblað
Starf: Fréttamaður.
Aldur: 42 ára.
Menntun: Stjórnmála- og stjórnsýslu-
fræðingur.
Starfsferill: Undanfarinn áratug eða svo
hef ég unnið sem frétta- og dagskrárgerðar-
maður hjá Ríkisútvarpinu og Stöð 2.

Hvað breytist í lífi þínu við það að
verða forsetamaki?
„Ég verð heimavinnandi fyrstu árin en hef
reyndar alla tíð sinnt börnunum mínum
mikið. Annars held ég að flest verði svipað,
það þarf að svæfa, lesa fyrir börn, gera við
þrettán ára gamla Trooperinn, sjóða graut
og setja plástur á sár. Svo gæti vel verið að
ég komist einn daginn í að klára heimildar-
mynd sem ég hef lengi verið með í smíðum
um íslenska glímu.“

Hvernig kynntust þið?
„Leiðir okkar Þóru lágu saman á RÚV en
við kynntumst fyrst fyrir alvöru þegar við
unnum að sömu frétt, hún fyrir sjónvarp og
ég fyrir útvarp.“

Var það ást við fyrstu sýn?
„Það var ást við fyrstu kynni, ég hafði nú oft
séð hana áður.“
Hver er besta stundin sem þú hefur átt
með Þóru?
„Við höfum átt margar yndislegar stundir,
eigum þær nánast daglega, en ég held að
bestu stundirnar hafi verið þegar börnin
okkar þrjú fæddust.“

Hvað getur þú fært forsetaembættinu?
„Ég hef hingað til fært Þóru kaffibolla flesta
morgna, og held því líklega áfram. En svona
án gríns, það er verið að kjósa forseta, ekki
forsetamaka. Ég mun gera allt sem ég get
til að létta undir með Þóru og styðja hana á
alla lund – en það er hún sem er í framboði,
ekki ég.“

Á hvað ætlar þú að leggja helst áherslu
sem forsetamaki?
„Ég legg áherslu á að kynna íslenskan
landbúnað og sjávarútveg. Ég er ástríðu-
kokkur og fékk eldskírnina á því sviði í fyrra
þegar við tókum að okkur rekstur á lítilli
bændagistingu vestur á fjörðum. Þá eldaði
ég daglega ofan í ferðamenn og notaði
nær eingöngu íslensk hráefni, af Vest-
fjörðum og helst úr Önundarfirði þegar ég
gat. Á Íslandi erum við svo heppin að eiga
úrvalshráefni, bæði fiskinn og eins frábærar
landbúnaðarafurðir. Vonandi get ég lagt
mitt af mörkum til að kynna þessar og aðrar
undirstöðuatvinnugreinar okkar.“

Hvernig sérðu fyrir þér lífið á Bessa-
stöðum?
„Við Þóra höfum búið okkur og fjölskyldunni
gott líf hvar sem við höfum verið og hvað
sem við höfum verið að gera. Lengst af
okkar sambúð bjuggum við í 70 fermetra
kjallaraíbúð sem við leigðum af dásamlegu
fólki. Þrátt fyrir þrengslin vorum við að
springa úr hamingju. Þetta snýst fyrst og
fremst um viðhorf, held ég. Ég veit að Þóra
hefur hug á að ferðast sem víðast um landið
nái hún kjöri. Ég mun auðvitað reyna að
fylgja henni, en að öðru leyti verður lífið
svipað og hjá öðru fjölskyldufólki, bleiu-
skipti, hafragrautur og heimalærdómur. Og
þar tek ég á mig stærra hlutverk, bæði núna
í kosningabaráttunni, og eftir hana, nái Þóra
kjöri.“
Hverjir eru helstu kostir Þóru?
„Þóra er auðvitað frábær manneskja, það
vita allir sem hafa kynnst henni, enda er
hún einstaklega vinamörg. Hún er flug-
gáfuð, réttsýn, skynsöm og einstaklega
skemmtileg. Og auðvitað gullfalleg.“

Hverjir eru helstu gallarnir?
„Mér finnst þessi spurning alltaf svo-
lítið erfið, ég gæti svo sem sagt að Þóra sé
óþolandi skynsöm og nákvæm, en kannski
eru það líka kostir. Ég held að ég eftirláti
öðrum að kokka upp einhverja galla – ég á
erfitt með að koma auga á þá.“

Hver er helsta ástæðan fyrir því að
fólk ætti að kjósa maka þinn sem
forseta?
„Hún er heiðarleg og góð manneskja. Það
eru mannkostir sem ég held að forsetinn
ætti að hafa. Ég hef ferðast með henni
víða og til dæmis þar sem hún hefur haldið
fyrirlestra um Ísland í útlöndum. Hún hrífur
salinn í hvert sinn með því að draga upp
raunsanna en fallega mynd af landi og
þjóð. Fyrir utan menntun og tungumála-
kunnáttu og allt það, þá er Þóra einfald-
lega óvenjugott eintak af tegundinni
„venjulegur Íslendingur“. Ég held að það
segi sína sögu að hún hefur eignast vini
hvar sem hún hefur verið og heldur í þá.
Hún á enga alvöru óvini, kannski einhverja
öfundarmenn, en það fylgir því að vera
áberandi.“

Hvað er það fyrsta sem þið munið gera
á Bessastöðum, ef þið komist þangað
inn?
„Ætli Þóra muni ekki strax hafa nóg að
gera í embættisverkum, en ég ætla að
gera Bessastaði græna, flokka rusl, planta
blómum og kannski koma fyrir sandkassa
einhvers staðar baka til.“

Hvaða einstaklingur hefur haft mest
áhrif á þig?
„Ég veit það er mjög klént, en ég verð að
segja Þóra. Hún er einfaldlega mann-
bætandi persóna. Af gengnum stórmennum
held ég að lestur á verkum Johns Stuarts
Mill, Adams Smith og Johns Locke hafi
hjálpað mjög til að móta lífsskoðanir
mínar. Svo á ég fjölmarga frábæra vini og
stóra fjölskyldu sem hjálpar mér að vera
jarðtengdur.“

Hver er fallegasti staðurinn á Íslandi?
„Ísland er einstaklega fallegt og ég er svo
heppinn að hafa fengið að skoða nánast
hvern krók og kima. Ég er fæddur í Vest-
mannaeyjum og er ekki í nokkrum vafa um
að þær séu fallegasti staður í heimi.“

Hvaða lífsreynsla eða atburður hefur
mótað þig mest?
„Ég fékk hjartaáfall 37 ára gamall og það
setti hlutina í nýtt samhengi. Og fæðing
barnanna því þegar þau koma í heiminn þá
sér maður hvað það er sem raunverulega
skiptir máli.“

Hvað finnst þér skemmtilegast að
gera í frítíma þínum?
„Taka til hendinni og smíða, byggja og
breyta. Svo er alltaf jafn gaman að þvælast
með fjölskyldunni um landið, það höfum
við gert á hverju sumri. Mér finnst reyndar
líka mjög gaman að veiða, hef bara ekki
haft nægan tíma til að sinna því. Þegar
litlu krakkarnir verða aðeins eldri förum við
kannski öll saman í góða veiðiferð.“

Hvað er mest gefandi við starf þitt
núna?
„Ég er svo heppinn að ég lærði frétta-
mennsku á gömlu Gufunni, fréttastofu Út-
varps, með snillingum eins og Boga, Brodda,
Jóhönnu Vigdísi og fleirum. Af þessu fólki
hef ég lært að góður fréttamaður vinnur fyr-
ir almenning, engan annan. Ég hef vissulega
fengið mörg erfið verkefni, sérstaklega eftir
hrun, og hef þurft að leggja mannorð mitt
undir við fréttaflutning af þeim ósköpum
sem gengu hér á. Blessunarlega missti ég
aldrei sjónar á því að góður blaðamaður
vinnur fyrir fólkið, jafnvel þótt hann þurfi
að færa einhverjar fórnir í leiðinni og koma
við kaunin á valdamiklum mönnum. Þetta
er það sem hefur gefið mér mest í starfinu,
þakklæti fólks fyrir að við skulum hafa tekið
þennan slag á fréttastofunni.“
Svavar Halldórsson
„Það er hún sem er í framboði, ekki ég“„En svona án gríns,
það er verið að
kjósa forseta, ekki for-
setamaka.
„Svo borðar hann
líka stundum of
mikið af vínarbrauðum.
Það þarf að bæta!