Dagblaðið Vísir - DV - 01.06.2012, Blaðsíða 38

38 Úttekt 1.–3. júní 2012 Helgarblað
Starf: Meistaranemi í bókasafns- og upp-
lýsingafræði.
Aldur: 29 ára.
Menntun: Stúdent frá náttúrufræðibraut
Fjölbrautaskólans í Ármúla, BA-gráða í
stjórnmálafræði frá Háskóla Íslands og er
núna að ljúka mastersgráðu í bókasafns- og
upplýsingafræði.
Starfsferill: Ýmis störf, s.s. heimasíð-
ugerð, afgreiðslustörf, stuðningsfulltrúi
á deild 14 á Kleppsspítala, leiðbeinandi
á tveimur frístundaheimilum Reykja-
víkurborgar samhliða námi, starfsmaður
Borgarskjalasafns Reykjavíkur, uppsetning
á sýningunni Kvenfrelsi og framfarir í
Reykjavík 1908–1916 síðasta sumar.
Hvað breytist í lífi þínu við það að
verða forsetamaki?
„Þá verð ég vandari að virðingu minni og
meðvitaðri um það að augu alþjóðar geta
beinst að mér á hverri stundu. Þá er mikil-
vægt að koma ávallt vel fyrir og sýna gott
fordæmi.“
Hvernig kynntust þið?
„Við Andrea kynntumst upprunalega í
gegnum sameiginlega kunningja í kringum
grasrótarstarf. Við felldum saman hugi
síðar þegar við fórum að kynnast betur í
einrúmi.“
Var það ást við fyrstu sýn?
„Ég hreifst mjög af henni við fyrstu sýn, því
það geislar af henni festa og einurð sem
maður tekur strax eftir. Þegar maður kynn-
ist henni betur bætast við fleiri hrífandi
eiginleikar eins og sterk réttlætiskennd
hennar, hugrekki og umhyggja.
Hver er besta stundin sem þú hefur átt
með Andreu?
„Sumarið 2008 ferðuðumst við Andrea
suður eftir Balkanskaganum og áttum
leið um eyjar undan ströndum Króatíu í
Adríahafinu (ein hét hinu skemmtilega
nafni Hvar). Við eyddum tveimur eða
þremur nóttum á eyjunni Bra og eitt kvöldið
keyptum við okkur litla rauðvínsflösku og
gengum upp á fjallið þar. Það var notaleg
samverustund sem ég mun alltaf minnast.
Augnablikin eftir að börnin okkar komu í
heiminn eru líka algerlega ógleymanleg og
að sama skapi ólýsanleg.“
Hvað getur þú fært forsetaembættinu?
„Ég er menntaður stjórnmálafræðingur og
deili pólitískri sýn konu minnar í megindrátt-
um. Ein af höfuðáherslum hennar framboðs
er að sýna þurfi valdi virkt aðhald. Hún er
engin undantekning þar á og hún gerir sér
grein fyrir því. Ég mun styðja konuna mína í
embætti forseta og vera henni ávallt innan
handar og reyna að veita henni styrk eins
og ég get, en sjálfur er ég ekki í framboði til
forseta og mun hún því sjá um allt sem snýr
að embættinu sjálfu. Ég er og verð mikill
fjölskyldumaður og mun leggja áherslu á
það áfram.“
Hvað ætlar þú helst að leggja áherslu
á sem forsetamaki?
„Sem forsetamaki vil ég höfða til allra
og mynda tengsl við Íslendinga með
fjölbreyttan bakgrunn. Ég sé sérstaklega
fyrir mér að ég myndi vilja vinna að því að
bæta stöðu minnihlutahópa sem ég tel að
verði fyrirferðarmeira málefni á komandi
árum. Þar má helst nefna að innflytjendur
eru í fyrsta skiptið í sögu landsins ekki lýð-
fræðileg afgangsstærð og svo hitt að þó svo
að Íslendingar séu ung þjóð fer hlutfall eldri
borgara hækkandi. Þá er ég uggandi um
þá þróun að geðræn vandamál séu helsta
orsök fjölgunar öryrkja á Íslandi.“
Hvernig sérðu fyrir þér lífið á Bessa-
stöðum?
„Ég fæ ekki betur skilið en að Bessastaðir
séu ákaflega fjölskylduvænn staður. Fyrir
allnokkrum árum las ég bók Steinunnar
Sigurðardóttur Ein á forsetavakt þar sem
hún fylgdi Vigdísi eftir í einhverjar vikur. Svo
horfðum við Andrea líka á heimildamyndina
Vigdís: Fífldjarfa framboðið. Vigdís sinnti
uppeldishlutverki sínu gagnvart Ástríði
dóttur sinni ávallt af myndugleika. Kristján
Eldjárn og Halldóra ólu sömuleiðis upp
börn á Bessastöðum. Ég er sjálfur að ljúka
framhaldsnámi en alls kostar óvíst um það
hvaða launaða starf ég tek mér næst fyrir
hendur. Þar sem mest mun mæða á konu
minni í störfum sínum myndi ég að miklu
leyti sjá um börnin og heimilið.“
Hverjir eru helstu kostir makans?
„Sterk réttlætiskennd kemur fyrst upp í
hugann. Ég varð mjög snortinn af því þegar
Andrea fór eitt skiptið að gráta yfir frétta-
skeiði sem sýndi hungruð, vannærð börn í
Afríku. Við erum orðin mörg hver svo ónæm
fyrir fjarlægum hryllingi, það er sorglegt.
Hún er svo umhyggjusöm og lætur sig annað
fólk varða. Hún er ákveðin og gengur beint
til verks. Hún er hrein og bein og með bein í
nefinu eins og maður segir. Hún er gáfuð og
fær um að setja sig inn í alls kyns ólík mál og
kemur vel fyrir.“
Hverjir eru helstu gallarnir?
„Stundum getur verið ákaflega fín lína á
milli þess að vera ákveðin og þrjósk. Andrea
á það líka til að vera skapstór, sér í lagi ef
hún er þreytt.“
Hver er helsta ástæðan fyrir því að
fólk ætti að kjósa makann þinn sem
forseta?
„Andrea hefur skýra sýn á þau markmið sem
hún setur sér og gífurlega sterka réttlætis-
kennd. Hún hefur mikla leiðtogahæfileika
og er ekki feimin við að ráðast á garðinn
þar sem hann er hæstur eða að benda á að
keisarinn sé nakinn. Andrea trúir að valdi
eigi að fylgja ábyrgð eins og kallað hefur
verið eftir. Hún býður sig fram til þess að
veita stjórnmálamönnum, og kannski frekar
stjórnmálaflokkum, lýðræðislegt aðhald
sem þörf er á. Kosningar snúast fyrst og
fremst um traust og ég tel að hún hafi sýnt
þjóðinni það með mjög afgerandi hætti að
henni er treystandi til að gæta hagsmuna
fólksins í sínu þrotlausa og óeigingjarna
starfi fyrir heimilin í landinu. Fólk er með
mjög afgerandi hætti að lýsa því yfir í
skoðanakönnunum undanfarið að það
vill forseta sem er treystandi til að beita
málskotsréttinum og vísa stórum málum í
þjóðaratkvæði og það mun hún gera því hún
lítur á valdið sem fólksins og hefur auðmýkt
gagnvart því.“
Hvað er það fyrsta sem þið munið gera
á Bessastöðum, ef þið komist þangað
inn?
„Loka dyrunum og anda léttar. Framboð
Andreu snýst ekki um Bessastaði, það snýst
um traustan forseta fyrir þjóðina og við
höfum lítið hugsað um Bessastaði sem slíka
– en vonandi getum við hreiðrað um okkur
og haft það heimilislegt.“
Hvaða einstaklingur hefur haft mest
áhrif á þig?
„Foreldrar mínir sem lagt hafa á sig ómælda
vinnu við að koma mér til manns. Sá
listamaður sem einna mest áhrif hefur haft
á mig er bandaríski rithöfundurinn Kurt
Vonnegut. Tregablandinn húmor hans talar
mjög til mín.
Konan mín stendur samt upp úr og hefur
haft ótrúlega jákvæð áhrif á mig og mitt líf.
Hún hvetur mig til dáða, dregur fram það
besta í mér og gerir mig að betri manni.“
Hver er fallegasti staðurinn á Íslandi?
„Fjölskyldan á sumarbústað í Hvítársíðu
nálægt Húsafelli og mér finnst það ómiss-
andi að doka við á útsýnispöllunum við
Hraunfossa í hvert skipti sem við erum á
þeim slóðum. Svo finnst mér það ákaflega
gefandi að ganga upp að Glym og líta
niður gljúfrið og minnast þjóðsögunnar um
hvalinn Rauðhöfða sem átti að hafa synt
þar upp.“
Hvaða lífsreynsla eða atburður hefur
mótað þig mest?
„Með því að kynnast konunni minni og
gerast stjúpfaðir, og svo eignast með henni
tvö börn uppgötvaði ég hversu gefandi það
er að deila lífinu með öðrum. Það hefur veitt
mér ómælda lífsfyllingu og gleði.“
Hvað finnst þér skemmtilegast að
gera í frítíma þínum?
„Ég fylgist vel með fótbolta og mun
vafalítið horfa á EM í sumar. Þá vil ég heldur
spila sjálfur fótbolta sé þess kostur. Ég les
mikið af góðum bókum, er með bókina Net-
herland eftir Joseph O‘Neill á náttborðinu
núna sem ég mæli með. Ég er athafnasamur
og hef gaman af garðvinnu. Eins er ég virkur
í því að byggja upp hið frjálsa alfræðirit
Wikipediu. Svo er ég að vinna í að búa til
heimildamynd um áhrif herstöðvarinnar á
Miðnesheiði á sögu landsins.“
Hvað er mest gefandi við starf þitt
núna?
„Ég er að ljúka meistaranámi í bókasafns-
og upplýsingafræðum og er að vinna í
lokaritgerð um þróun og notkun íslensku
Wikipediu. Þetta er málefni sem ég hef mik-
inn áhuga á og hefur lítið sem ekkert verið
rannsakað hér á Íslandi áður. Wikipedia er
frjálst alfræðirit á netinu sem hefur náð
miklum vinsældum sem uppflettirit og er
sem stendur áttundi vinsælasti vefurinn
á netinu. Sjálfur hef ég mikinn áhuga á að
miðla upplýsingum til fólks um allan heim
og taka þátt í að búa til þennan gríðarlega
gagnagrunn upplýsinga.
Einn helsti kostur Wikipedia er hið sjálf-
sprottna eðli verkefnisins, allt efni á
Wikipedia er samið af notendum þess.
Öllum er frjálst að breyta og bæta við
efni. Það samfélag sem myndast setur sér
leiðbeinandi reglur um eigin starfsemi. Það
er því mjög gefandi fyrir mig að vinna eins
konar brautryðjendastarf í því tilliti.“
Hrafn Malmquist:
„Andrea geislar af festu og einurð“
Natalia Wium
„Ástþór vel klæddur og glæsilegur“
Starf: Sjálfstætt starfandi með netversl-
unarfyrirtæki.
Aldur: 37 ára.
Menntun: Lögfræðingur.
Hvað breytist í lífi þínu við það að
verða forsetamaki?
„Það gæfi mér tækifæri til að vinna að
mannúðarmálum og láta gott af mér leiða.“
Hvernig kynntust þið?
„Á styrktartónleikum fyrir Mæðrastyrksnefnd.“
Var það ást við fyrstu sýn?
„Ég varð mjög skotin í honum strax. Hann
var vel klæddur og glæsilegur og þarna sá
ég fyrir mér minn framtíðarmann.“
Hver er besta stundin sem þú hefur átt
með Ástþóri?
„Giftingarathöfnin okkar í Þingvallakirkju.
Við áttum einnig mjög góðar stundir í
Marbella á Spáni í kjölfarið sem svo varð til
þess að við höfum búið þar undanfarin ár.“
Hvað getur þú fært forsetaembættinu?
„Ég get gert Bessastaði alþýðlegri. Opnað
forsetasetrið meira fyrir almenningi og
þannig styrkt samband forsetans við
alþýðuna.“
Á hvað ætlar þú að leggja helst áherslu
sem maki forseta?
„Ég vil beita mér fyrir góðum málum, eins og
baráttunni gegn fátækt. Í Rússlandi hef ég
orðið vitni að mikilli fátækt og við þurfum
að standa vörð um að slíkt geti ekki gerst á
Íslandi.“
Hvernig sérðu fyrir þér lífið á Bessa-
stöðum?
„Það verður mikið að gera og í mörg horn
að líta. Við áttum okkur bæði á því, ég
og Ástþór, að forsetaembættið er ekki
venjulegt starf heldur lífsstíll þar sem þú
stendur vaktina allan sólarhringinn.“
Hverjir eru helstu kostir makans?
„Ástþór er með stórt hjarta, mannúð og
kærleika. Hann er góður vinur, heiðarlegur,
vinnusamur og fylginn sér.“
Hverjir eru helstu gallarnir?
„Hann á til að drekkja sér þannig í vinnu að
litlu hlutirnir í fjölskyldulífinu eiga það til
að víkja.“
Hver er helsta ástæðan fyrir því að
fólk ætti að kjósa maka þinn sem
forseta?
„Ástþór elskar Ísland. Hann er hug-
sjónamaður sem er með hagsmuni íslensku
þjóðarinnar að leiðarljósi. Ástþór yrði góður
og öflugur forseti.“
Hvað er það fyrsta sem þið munið gera
á Bessastöðum, ef þið komist þangað
inn?
„Bjóða allri þjóðinni í afmælisveislu Ástþórs 4.
ágúst, þremur dögum eftir embættistökuna.“
Hvaða einstaklingur hefur haft mest
áhrif á þig?
„Móðir mín. Hún segir oft að ég hlusti ekki á
hana en það endar nú alltaf þannig að það
sem hún ráðleggur verður ofan á.“
Hver er fallegasti staðurinn á Íslandi?
„Gullfoss.“
Hvaða lífsreynsla eða atburður hefur
mótað þig mest?
„Flutningurinn til Íslands þegar ég var 25
ára. Í Rússlandi var ég eins og verndað blóm
í garðhúsi móður minnar. Á Íslandi öðlaðist
ég lífsreynslu og þurfti að standa á eigin
fótum.“
Hvað finnst þér skemmtilegast að
gera í frítíma þínum?
„Ferðast.“
Hvað er mest gefandi við starf þitt
núna?
„Ég er að selja brúðarkjóla á netinu. Hver
kona og kjóll er einstakur og þetta er mjög
skapandi og skemmtilegt verkefni.“
„Sem forsetamaki
vil ég höfða til
allra og mynda tengsl
við Íslendinga með fjöl-
breyttan bakgrunn.
„ Í Rússlandi var ég
eins og verndað
blóm í garðhúsi móður
minnar.