Dagblaðið Vísir - DV - 08.02.2013, Blaðsíða 8
„Ég er stolt af sögu
Framsóknarflokksins“
8 Fréttir 8.–10. febrúar 2013 Helgarblað
Bílaverkstæði
Varahlutaverslun
Smurstöð
Dekkjaverkstæði
Bremsur,
spindilkúlur,
stýrisendar,
o.fl., o.fl.
Allar gerðir
bætiefna fyrir
vél, drif
og gírkassa
www.bilaattan.is
Allt á einum stað
V
igdís Hauksdóttir, þing-
kona Framsóknarflokks-
ins, segist vera stolt af sögu
Framsóknarflokksins þau
96 ár sem hann hefur verið
til. „Ég er stolt af sögu Framsóknar-
flokksins og það hefur alltaf verið
framfaraskeið í sögu þjóðarinnar
þegar Framsóknarflokkurinn hefur
verið í ríkisstjórn.“
DV hafði samband við Vigdísi
til að spyrja hana um hvernig hún
mæti sögu Framsóknarflokksins
síðastliðin áratug og hvort flokk-
urinn þyrfti að gera betur upp við
þetta tímabil í sögu sinni. Flokk-
urinn bar meðal annars ábyrgð á
einkavæðingu Búnaðarbankans
upp í hendurnar á Finni Ingólfssyni
og Ólafi Ólafssyni, einkavæðingu
VÍS upp í hendurnar á Halldóri Ás-
grímssyni, einkavæðingu Íslenskra
aðalverktaka upp í hendurnar á
vildarvinum flokksins – einkavæð-
ingu sem dæmd var ólögleg í
Hæstarétti Íslands árið 2008 – auk
þess sem nokkrir af þingmönnum
flokksins stýrðu eignum Samvinnu-
trygginga inn í Fjárfestingarfélagið
Gift. Vigdís vill hvorki svara því ját-
andi né neitandi hvort hún telji að
flokkurinn þurfi að gera betur upp
þetta tímabil í sögu sinni.
Nokkrar umræður hafa verið um
þessa sögu Framsóknarflokksins
á Facebook-síðu Vigdísar og hefur
það farið nokkuð fyrir brjóstið á
Vigdísi sem hent hefur einhverjum
út af vinalista sínum. „Ég ber ekki
ábyrgð á þessu og hef ekki sett mig
inn í þetta,“ segir Vigdís um þessi
spillingarmál sem Framsóknar-
flokkurinn er bendlaður við. „Þetta
eru bara einhverjir aðilar sem
halda einhverjum draugum vak-
andi í kommentakerfunum og eins
á Facebook hjá mér.“
Að lifa í núinu
Aðspurð hvort flokkurinn þurfi
ekki að gera upp þessa fortíð sína
segir Vigdís: „Af hverju erum við
ekki bara að tala um eitthvað sem
gerðist 1940? Það er bara barnalegt
hvernig sumir hegða sér. Þetta er 90
ára gamall flokkur … Framsóknar-
flokkurinn er bara þeir þingmenn
sem eru í flokknum hverju sinni.
Framsóknarflokkurinn 2013 er allt
annar Framsóknarflokkur en Fram-
sóknarflokkurinn 1980. Það er fólk-
ið sem í flokknum á hverjum tíma
sem skapar stjórnmálaflokkinn.
Það eru sjö ár síðan Framsóknar-
flokkurinn fór úr ríkisstjórn og fyrn-
ingartími brota er fjögur ár. Þetta er
bara tabúumræða,“ segir Vigdís.
Hana má skilja sem svo að nær-
saga Framsóknarflokksins eigi ekki
að skipta máli fyrir flokkinn í núinu,
það er að segja atburðir sem gerðust
í sögu flokksins fyrir um tíu árum,
meðal annars sú einkavæðing ríkis-
fyrirtækja sem flokkurinn kom að í
ríkisstjórnartíð sinni. „Ég var ekki í
flokknum á þessum tíma. Ég valdi
það árið 2009 að fara í Framsóknar-
flokksins vegna þess að ég trúi á
stefnu hans. Það líta allir til Fram-
sóknarflokksins núna sem bjarg-
vættarins: Við stöndum föst í fæt-
urna til að vernda þjóðarhagsmuni.
Ég starfa fyrir landsmenn í nútíð-
inni,“ segir Vigdís.
Hún segist lifa í núinu – aðspurð
hvort hún þurfi ekki að horfa til
fortíðar flokks síns – og ekki horfa
til fortíðar. „Ég lít aldei um öxl, ég
horfi aldrei til fortíðar. Ég lifi í nútíð-
inni, horfi til framtíðar, hugsa fyrir
daginn í dag og hvað ég get gert fyrir
samfélagið í dag og hvað get ég gert
á morgun. Gert er gert og það er
ekki hægt að breyta því […] Ég held
að við ættum að fara að tala um það
sem er gerast í nútíðinni en ekki í
fortíðinni, þeirri gömlu, gömlu.“
Segir ekkert um einkavæðingu
bankanna
Þegar Vigdís er spurð að því hvort
einkavæðing bankanna hafi ekki
verið afdrifarík fyrir íslenskt sam-
félag, og því haldið fram að rætur
hrunsins megi rekja til hennar, seg-
ir Vigdís: „Einkavæðing bankanna
er óskilgetið afkvæmi EES-samn-
ingsins. Við skulum hafa það al-
veg á hreinu, þegar fjórfrelsið var
leitt í lög hér á landi.“ Tekið skal
fram að rannsóknarnefnd Alþingis
fjallaði um tímabilið frá einkavæð-
ingu bankanna og fram að hruninu
vegna þess að einkavæðingin var
talin marka upphafið að því tímabili
sem leið undir lok með hruninu.
Vigdís virðist hins vegar ekki
vera sammála þessu: „Af hverju
var einkavæðingin mikilvæg?
Glitnir var einkabanki og hann féll
fyrstur árið 2008. Af hverju þurfti að
einkavæða bankana? Vegna þess að
það var krafa um það vegna EES.“
Þegar Vigdís er spurð um hvað hafi
leitt til þess að ákveðið var að selja
Landsbankann sumarið 2002, sem
markaði upphafið að einkavæð-
ingu beggja bankanna, segist þing-
konan ekki vita það. „Hringdu í
einhvern sem var á þingi á þessum
tíma.“
Vigdís er þá spurð hvort hún
vilji meina að salan á ríkisbönkun-
um hafi ekki verið spillt segir Vig-
dís: „Ég get bara ekkert sett mig inn
í það, ég er ekki rannsóknaraðili.
Ég var ekkert að spá í pólitík á þess-
um tíma eða því sem var að gerast í
landsmálunum, í allri hjartans ein-
lægni,“ og bætir við: „Við fáum ekki
breytt því sem er búið og gert.“ n
Ingi Freyr Vilhjálmsson
fréttastjóri skrifar ingi@dv.is
Alltaf framfaraskeið
Vigdís Hauksdóttir
segir að það hafi alltaf
verið framfaraskeið í
sögu þjóðarinnar þegar
Framsóknarflokkurinn
hefur verið í ríkisstjórn.
Hún vill ekki svara því
hvort flokkurinn þurfi að
gera upp fortíð sína.
„Framsóknar-
flokkurinn er bara
þeir þingmenn sem eru í
flokknum hverju sinni.
n Vigdís Hauksdóttir segir að umræðan um spillingu Framsóknarflokksins sé tabú