Dagblaðið Vísir - DV - 08.02.2013, Blaðsíða 52

52 Fólk 8.–10. febrúar 2013 Helgarblað
Hvað er að
gerast?
8.–10. febrúar
Föstudagur08
feb
Laugardagur09
feb
Sunnudagur10
feb
Strætóferð að Gljúfrasteini
Safnanótt sem haldin er í samstarfi við
Vetrarhátíð verður haldin
föstudaginn 8. febrúar
næstkomandi. Fjöl-
margir viðburðir verða á
Vetrarhátíð í Reykjavík
tengdir menningu og
listum, orku og útivist,
íþróttum, umhverfi og sögu. Opið verður
á Gljúfrasteini á föstudagskvöldi frá
19–23 og býðst gestum að skoða safnið
sér að kostnaðarlausu.
Safnanæturstrætó gengur í öll söfn
sem taka þátt og er Gljúfrasteinn engin
undantekning. Strætó fer frá Kjarvals-
stöðum kl. 20.00 og fer til baka kl. 22.00.
Sú strætóferð hentar vel fyrir þá sem vilja
koma og sjá tónleika Snorra Helgasonar
á Gljúfrasteini, en hann mun koma fram
í stofunni þar kl. 21.00. Snorri Helgason
hefur á undanförnum árum getið sér gott
orð í tónlistarheiminum bæði innanlands
sem utan.
Draugar, sjóræningjar og
stjörnuskoðun
Á Safnanótt er fjölbreytt
og skemmtileg dagskrá
á Sjóminjasafninu.
Sjóræningjar safnsins
bjóða upp á föndur og
fjársjóðsleit. Í fönd-
ursmiðji Sæju sjóara verður
hægt að búa til sitt eigið sjóræningjaskip
sem og hatt og lepp. Í fjársjóðsleitinni
er leitað að kapteini Varða og gullkist-
unni hans, verðlaun fyrir þá sem tekst
að finna hann! Stjörnuskoðunarfélag
Seltjarnarness flytur fyrirlesturinn:
Stjörnuskoðun að vori. Kynnir félagið og
býður upp á stjörnuskoðun af pallinum ef
veður leyfir.
Útgáfutónleikar Skálmaldar
Skálmöld gaf út sína aðra
plötu, Börn Loka, 26.
október. Útgáfutón-
leikar verða haldnir
nú nokkru seinna,
þann 9. febrúar, í Há-
skólabíói í Reykjavík.
Þegar Skálmöld gaf út
fyrri plötu sína, Baldur, í lok
árs 2010 vissu fáir hvað var á ferðinni. Á
undraskömmum tíma tók sveitin sig á
loft og flaug upp vinsælda- og sölulista
á hátt sem engin önnur sveit af sama
sauðahúsi hafði gert fram að því hér á
landi. Samhliða vinsældum hér heima
hefur vegur Skálmaldar einnig vaxið utan
landsteinanna og tónleikaferðir verið
tíðar. Gagnrýnandi DV gaf plötunni sem
kom út í október fullt hús stiga.
Fyrsta upplagið seldist upp með
ógnarhraða og Skálmöld hefur á þessum
örfáu dögum sem liðnir eru frá útgáfunni
brotið niður alræmda múra sem gjarnan
skilja að meginstraumstónlist og jaðar-
tónlist. Skyndilega heyrist þungarokk
hljóma á ólíklegustu stöðum og kynslóðir
sameinast í áhuga af rammíslensku
þungarokki.
Ljósaball fyrir börn
Í tilefni af Vetrarhátíð í
Reykjavík heldur Dans-
verkstæðið á Skúlagötu
30 Ljósaball fyrir börn á
öllum aldri. Ballið verður
haldið laugardaginn 9.
febrúar og hefst klukkan
15.00. Spiluð verður skemmtileg tónlist,
diskókúla varpar litum, ljósum og skugg-
um um rýmið. Vanir barnadanskennarar
verða á staðnum til að leiða leiki og hóp-
dans meðan á ballinu stendur en fyrst
og fremst er ætlunin að dansa frjálst og
skemmta sér með vinum og fjölskyldu.
Bolla bolla
Það er tilvalið að
enda góða helgi í
rólegu föndri á Borgar-
bókasafni Reykjavíkur
við Tryggvagötu. Þar fá
börnin að búa til skrautlega
og skemmtilega bolluvendi fyrir bollu-
daginn sem er á mánudaginn.
Íþrótt litla mannsins
„Litli maðurinn getur unnið,“
segir Brynjar Hafsteinsson
um MMA-íþróttina. Hún
snýst fyrst og fremst um
tækni, fremur en hreint afl.
„LitLi gaurinn
getur unnið“
Þ
að sem heillar mig mest við
þessa íþrótt er fjölbreytnin.
Sjálfur er ég með mikinn bak-
grunn í taekwondo-íþróttinni,
þar er náttúrulega mikið af
spörkum, en þegar ég kynntist MMA
þá varð ég strax forfallinn aðdáandi,“
segir Oscar Lopez, stofnandi íþrótta-
fréttasíðunnar bardagafregnir.is. Á
síðunni er fjallað um blandaðar bar-
dagalistir, bardaga í íþróttinni, ýmsar
keppnir og helstu fregnir úr MMA-
heiminum.
„Þetta er eins og tafl“
Brynjar Hafsteinsson kemur að síð-
unni ásamt Oscari en hann segir það
áhugavert að tæknin sé grundvallar-
atriði: „Mér finnst skemmtilegast að
litli gaurinn getur unnið. Þetta snýst
allt um tæknina, það er það sem heill-
aði mig fyrst og fremst.“ Oscar tekur í
sama streng: „Þetta er eins og tafl. Það
er mikil hugsun í gangi; mjög mikil
tækni. Þú þarft alltaf að hugsa fram í
tímann og það er nauðsynlegt að vera
skrefi á undan andstæðingnum.“
Oscar kynntist íþróttinni fyrst þegar
hann var í fæðingarorlofi. „Þá horfði
ég á fyrstu hundrað Ultimate Fighting
Championship-kvöldin í maraþoni og
varð forfallinn MMA-fíkill. Það varð
ekki aftur snúið eftir það,“ segir hann.
Í kjölfarið fór Oscar að æfa í Mjölni
og ákvað síðan að stofna fréttasíðu
um MMA-íþróttina. „Mér hefur alltaf
fundist vanta umfjöllum um MMA-
íþróttina hérna heima. Þá var hugsun-
in að henda síðunni upp og sjá hvað
gerðist,“ segir hann. „Á bardagafregn-
ir.is ætlum við að vera með fréttir úr
MMA-heiminum frá degi til dags.“
Engin götuslagsmál
„Tilgangurinn með síðunni er fyrst og
fremst að kynna íþróttina, það eru svo
margir sem halda að þessi íþrótt sé
bara götuslagsmál, en það fer enginn
í hringinn með það í huga að meiða
andstæðinginn. Þú vilt sigra og það
eru margar leiðir til þess. Þar að auki
er fullt af reglum, það má til dæmis
ekki sparka í pung, kýla í hnakka eða
neitt slíkt.“
Fleiri en Brynjar og Oscar koma
að síðunni; Pétur Marínó, Jón Steinar,
Oddur Freyr, Svavar Már og Trausti
Tryggvason eru einnig greinahöf-
undar. Viðtökurnar munu hafa ver-
ið góðar: „Þær komu okkur mjög á
óvart. Nýverið fengum við til dæmis
að vita að einn okkar fengi að kynna
bardaga Gunnars Nelson við Jorge
Santiago í beinni útsendingu með
Bubba Morthens á Stöð 2. Ég held að
það verði mjög flott,“ segir Oscar en
bardaginn verður 16. febrúar. n
simon@dv.is
n Síða um MMA-íþróttina gangsett n „Það eru svo margir sem
halda að þessi íþrótt sé bara götuslagsmál.“
„Ekkert kvíðinn að
fara í sjónvarpið“
n Nýr dómari í Gettu betur segist blindur eins og réttlætisgyðjan
É
g er ekkert kvíðinn að fara í sjón-
varpið. Það var svona þúsund
sinnum kvíðvænlegra að keppa
á sínum tíma. Að vera hinum
megin við borðið og þurfa ekki að
svara sjálfur er, eins og maðurinn
sagði, „piece of cake“,“ segir Atli Freyr
Steinþórsson, nýr dómari og spurn-
ingahöfundur í Gettu betur.
Keppnin hefur verið í gangi í út-
varpinu en í kvöld, föstudagskvöld,
fer fyrsti þáttur í loftið í sjónvarpi. Atli
Freyr hefur tekið sæti Arnar Úlfars
Sævarssonar, við hlið Þórhildar Ólafs-
dóttur, og líst vel á keppendur. „Út-
varpskeppnin hefur verið mjög
skemmtileg og áhugaverð. Keppend-
ur hafa sýnt á sér margs konar þekk-
ingu sem gladdi hjarta mitt,“ segir Atli
Freyr sem sjálfur er vanur keppninni
en hann keppti með Menntaskólan-
um í Reykjavík árin 2002, 2003 og 2004
en liðið fór með sigur af hólmi tvö fyrri
árin.
Atli Freyr segir ungu krakkana
ótrúlega klára. „Ég held að ungt fólk á
Íslandi verði fróðara með hverju árinu
sem líður. Það er æ meira áberandi
hversu mikið liðin leggja á sig, æfa sig,
lesa bækur og eyða meiri tíma í að ná
lengra í keppninni. Það sést sérstak-
lega á því hversu mörg lið undanfarin
ár hafa átt möguleika á sigri. Áður var
það bara þannig að það voru tvö, þrjú
lið sem áttu möguleika. Nú eru þau
mun fleiri. Það er skemmtilegt og gerir
þessa keppni þess virði að horfa á.“
Atli Freyr segir enga hættu á að
hann verði hlutdrægur og haldi með
sínum gamla skóla, MR. „Réttætis-
gyðjan er blind og það er ég líka.“
indiana@dv.is
Forfallnir Oscar Lopez og Brynjar Hafsteinsson eru með-al sjö aðstandenda nýstofnaðrar vefsíðu, bardagafregnir.is. Á síðunni verður fjallað um bardaga í MMA-íþróttinni.
Vanur keppninni Atli Freyr var í liði
MR í þrjú ár í röð en segir enga hættu á
að hann verði hlutdrægur.