Dagblaðið Vísir - DV - 08.02.2013, Blaðsíða 40

40 Lífsstíll 8.–10. febrúar 2013 Helgarblað
Svefnvana, klaufsk átvögl
n Klaufaskapur, græðgi, kynkuldi og tilfinningasemi
Þ
egar vinnuálag er mikið hend­
ir það suma að þeir hætta að
finna fyrir merkjum þreytu.
Þreyta vegna svefnleysis getur
haft veigamikil áhrif á daglegt líf.
Þeir sem eru svefnvana eru til dæm­
is gráðugri en ella, tilfinningasamari,
gleymnari og klaufskari og þá geta
þeir fundið fyrir kynkulda.
Ef þér finnst hungrið sækja að þér
allan liðlangan daginn og þú leitar
í sætindi og feitan mat gæti verið
að matarlystin sé eingöngu vegna
þreytu.
Ef þú grætur yfir sjónvarpsauglýs­
ingunum gæti verið kominn tími til
að taka sér lúr. Rannsóknir gefa skýrt
til kynna að þeir svefnvana eru mun
viðkvæmari fyrir öllu áreiti og bugast
auðveldar.
Þá gæti verið freistandi að skella
skuldinni á aldurinn eða streituna
þegar þú átt í erfiðleikum með að
einbeita þér, en staðreyndin er sú
að gleymska og klaufaskapur er oft
þreytu um að kenna. Næst þegar þú
finnur lyklana í smjörinu inni í ísskáp
skaltu fara að hafa til sæng og kodda.
Þeir allra þreyttustu missa svo
allan þrótt og þá kólnar hitastigið í
svefnherbergi hjóna hratt. Vel þekkt
eru sterk tengsl á milli þreytu og
kynkulda. Svefnleysið veldur meira
magni af kortisóli í líkamanum sem
hefur áhrif á kynhvötina. n
kristjana@dv.is
Íris Björk Jónsdóttir
blaðamaður skrifar iris@dv.is
KínversKt
sogsKálanudd
E
kki nóg með það að kínverskt
sogskálanudd sé þægilegt,
heldur hefur það ómetan­
legan lækningamátt og fegrar
húðina. Saga sogskálanudds
nær 3.000 ár aftur í tímann. Á þeim
tíma hefur aðferðin markað spor
sín í kínversk læknavísindi. Upphaf­
lega voru notaðar glerskálar og eld­
ur við þessa aðferð en í dag eru þetta
gúmmískálar sem eru kreistar til að
beita hæfilegum þrýstingi. Í Evrópu
er saga sogskálanudds styttri og
minna þekkt fyrirbæri. Meðferð með
þrýstingi, nuddi og sogi er ein af elstu
lækningameðferðum í heimi.
Dansar tangó af ástríðu
Eva Agata Alexdóttir er menntuð
ljósmóðir og heilsunuddari, en hún
notar þessa tækni meðal annars í
nuddmeðferð sinni með frábærum
árangri.
Hún dansar tangó, gengur á fjöll,
skautar og nuddar af ástríðu á nudd­
stofunni Höfðatorgi.
„Sogskálanudd er örugg og
dásamleg meðferð sem notuð er á
vöðva í baki og útlimum. Sogskál­
arnar soga blóðið upp að yfirborði
húðarinnar. Húðin og vöðvavefur
dregst inn í sogskálina og við það á
blóðið auðveldara með að flæða um
vöðvana. Þetta sog kemur stöðnuðu
blóði af stað í vöðvunum og líkam­
inn á auðveldara með að losa sig við
kalsíum, mjólkursýrur og önnur efni
og efnasambönd,“ segir Eva þegar
hún er spurð út í meðferðina.
Líkaminn hreinsar sig á
náttúrulegan hátt
„Í stað þess að þrýsta og þjappa, ýta
og pressa vöðvana að beinagrindinni
er þessi aðferð í eðli sínu unnin á
gagnstæðan máta. Má segja að sog­
skálanudd sé djúpvefjanudd nema
framkvæmt öfugt. Í nuddinu er sog­
skálunum rennt upp og niður bak
og herðar, það sama á við um útlimi
líkamans. Hægt er að stilla sogkraft
með því að auka eða minnka loftsog­
ið í sogskálinni. Aðferðin er í alla
staði afslappandi og áhrifarík. Við
fyrstu kynni af sogskálanuddi er húð­
in yfirleitt marin, það stafar af stöðn­
uðu blóði. Sé meðferðin endurtekin
minnka marblettir eða hverfa með
öllu. Þó marblettir myndist fylgir
þeim enginn sársauki og þeir hverfa
innan nokkurra daga. Það sýnir okk­
ur að staðnað blóð og óþarfa vökva­
söfnun í líkamanum hefur verið
fjarlægð og vefurinn og húðin er
heilsusamlegri,“ segir Eva.
Hverju getur maður átt von á
eftir slíka meðferð?
„Algengustu kvillar sem hverfa við
sogskálanudd eru bjúgur, þroti í
húð og appelsínuhúð. Til að auka
áhrif meðferðarinnar er mikilvægt
að drekka mikið af vökva, hreint
vatn eða vatn með sítrónu eða
límónusafa. Sogið í sogskálunum
leiðir af sér rof á háræðum í húð­
inni, sem kemur út sem mar eða út­
brot i húðinni. Við rof á háræðun­
um taka til starfa átfrumur eða
eitilfrumur sem gleypa allar örver­
ur sem eru utan við og í æðakerf­
inu. Með öðrum orðum er líkam­
inn með þessari fornu kínversku
nuddaðferð að hreinsa sig (detoxa)
í gegnum æðakerfi og blóðstreymi
líkamans. Sýnileg breyting getur
komið fram eftir nokkur skipti ef
reglulega er komið í meðferðina,“
segir Eva.
„Tangó og nudd er ástríða mín.
Á sumrin hjóla ég og geng á fjöll
og á veturna finnst mér gaman að
skauta og skíða. Ég fæ mína orku
úr þessari blöndu sem hentar mér
mjög vel,“ segir þessi fjölhæfa kona
að lokum. n
Blóðið flæðir um vöðvana
„Þetta sog kemur stöðnuðu blóði
af stað í vöðvunum og líkaminn
á auðveldara með að losa sig við
kalsíum, mjólkursýrur og önnur efni
og efnasambönd,“segir Eva þegar
hún er spurð út í meðferðina.
mynD sigtryggur ari
n Þrjú þúsund ára hefð n Nuddið vinnur á bjúgi, þrota og appelsínuhúð
„Meðferð með
þrýstingi, nuddi og
sogi er ein af elstu lækn-
ingameðferðum í heimi.
Reynir
Traustason
Baráttan
við holdið
1
Á rúmlega tveimur
árum hef ég gengið
oftar en 700 sinn­
um á fjallstinda.
Langoftast hefur leiðin
legið á Úlfarsfellið sem
gnæfir yfir heimabyggðinni. Ég hef
klöngrast á topp þess um 550 sinn­
um. Sérstaða Úlfarsfells er að það
er nánast inni í miðri borg, eins og
eyja, með byggð allan hringinn.
Leiðirnar upp fjallið eru óteljandi
og fjölbreytnin mikil. Úlfarsfellið er
því uppáhaldsfjallið mitt, þrátt fyrir
að Reykjavíkurmegin sé umgengnin
um fjallið afar slæm og til skammar.
2
Vífilsfell í grennd við Bláfjöll
er fjall sem ég hef klifið fjórum
sinnum. Fjallið er afar sérstakt
og í rauninni samsett úr tveim­
ur fjöllum. Þegar upp er komið er
eins og maður sé á tunglinu eða
öðrum torkennilegum stað utan
jarðarkringlunnar. Þetta er fjall sem
ég eftir að klífa oftar. Það er alltaf
jafngaman.
3
Esjan á sér þúsund andlit.
Leiðin upp að Steini er fjölfarn­
asta gönguleið á Íslandi. Það
var í klettum Þverfellshornsins,
ofan Steinsins, sem ég sigraðist á
lofthræðslunni. Og það var þar sem
ég upplifði eina mestu skelfingu
lífsins. Það breytir ekki því að ég er
einlægur aðdáandi Esjunnar allrar.
4
Kaldbakur er hæsta fjall
Vestfjarða, rétt innan við 1.000
metra hátt. Þessi konungur er
á milli Dýrafjarðar og Arnar­
fjarðar þar sem hann gnæfir yfir
vestfirsku Ölpunum. Ég hef einu
sinni gengið á Kaldbak. Öðrum
þræði var gangan til minningar um
vin minn, Einar Odd Kristjánsson,
fyrrverandi alþingis­
mann, sem lést við að
ganga á fjallið. Því­
lík fegurð og tign.
Ég mun fara þangað
aftur.
5
Botnssúlur í Hvalfirði eru á
meðal mest áberandi fjalla á
Íslandi. Ég fór með 52ja fjalla
hópnum mínum á Vestursúlu
í fyrravetur. Útsýnið í silfurtæru
fjallaloftinu var frábært. Í sumar
mun ég fara aftur og klífa þá Syðstu­
súlu og Vestursúlu aftur.
6
Heiðarhorn á Skarðsheiði er
magnað fjall. Gangan upp í
1.050 metra er nokkuð stremb­
in. Hvert skref var þó fullkom­
lega þess virði að komast á toppinn
og sjá yfir eitt fegursta svæði lands­
ins.
7
Skessuhorn
er eitt af
einkennis­
fjöllum Vestur­
lands. Það er
stundum kallað Tobler­
one­fjallið og sérstaklega eftir að
hjón nokkur eignuðust eyðijörð
með fjallinu og hafa tálmað göngu­
fólki aðgangi. Orðin „ég á‘etta“ urðu
fleyg. Skessuhorn er hrikalega bratt
og ekki auðfarið en fullkomlega
þess virði.
8
Hekla er virkasta eldfjall Ís­
lands. Þangað fór ég um versl­
unarmannahelgina í fyrra.
Það er engu líkt að ganga
upp öskumettar hlíðar þessa stolts
Sunnlendinga. Örlítill uggur bærð­
ist í brjósti mér um að kannski
myndi gjósa. Jarðskjálftamælir á
toppnum og hitagufur voru áminn­
ing um alvöruna. Ég mun fara aftur
á Heklu.
Þessi upptalning er byggð á
persónulegri reynslu og eingöngu á
fjöllum sem ég hef gengið.
Átta bestu
fjöll Íslands
græðgi er merki um
svefnleysi Ef þú ert
óvanalega sólgin í sætindi
og feitan mat gæti verið
að þreyta hrjái þig.