Dagblaðið Vísir - DV - 08.02.2013, Side 28

28 Viðtal 8.–10. febrúar 2013 Helgarblað
þess að vekja áhuga hans á stjórn-
málum. „Við Halldór ræddum oft
saman um stjórnmál en það var
ekki það sem kveikti í mér. Með
því að umgangast hann sá ég vel
gallana á pólitíkinni og hvað hún
getur verið erfið fyrir fjölskyldu
stjórnmálamannsins. Það var sú
hlið sem ég sá betur en annað, þótt
hann hafi verið farsæll og vinsæll
í sínu kjördæmi. Ég fór í pólitík á
nokkuð öðrum forsendum en aðrir
því ég taldi mig hafa sérfræðiþekk-
ingu sem gæti nýst í eftirköstunum
af hruninu, eins og hefur komið
ágætlega í ljós.“
Hann segist sáttur við eigin
feril. „Mér hefur verið treyst fyrir
mikilvægum störfum og forysta
Sjálfstæðisflokksins hefur treyst
mér til að ganga í fararbroddi í
mörgum málum sem eru mikilvæg
fyrir þjóðina. Ég er því mjög sáttur
og líður vel með sjálfan mig. Ég á
marga og góða vini og nýt þeirr-
ar virðingar sem ég tel að ég eigi
skilda.
En vissulega eru ekki all-
ir viðhlæjendur manna sem hafa
sterkar skoðanir og standa fast á
sínu enda er ekki mitt markmið að
vera vinur allra. Sá sem vill þókn-
ast öllum þóknast ekki neinum,“
segir hann og bætir við að hann
kveðji stjórnmálin sáttur.
Sér ekki eftir neinu
„Ef maður hefði haft þær upplýs-
ingar sem maður hefur í dag hefði
maður gert margt öðruvísi en mað-
ur reynir að meta aðstæður og taka
afstöðu út frá fyrirliggjandi upplýs-
ingum. Það er auðvelt að vera vitur
eftir á þegar allar upplýsingar liggja
fyrir og hlutirnir eru búnir að gerast
og fóru kannski öðruvísi en maður
ætlaði. En maður gerði sitt besta og
það er ekki hægt að gera meira en
það.
Maður verður að standa með
sjálfum sér, vera heiðarlegur og
drengilegur, þá líður manni vel. Ég
get ekki sagt að ég sjái eftir neinu
sem ég man þegar kemur að póli-
tíkinni en hafandi sagt það hef ég al-
veg gert mistök. En þau mistök hafa
ekki komið í ljós fyrr en öll kurl voru
komin til grafar.“
Þrátt fyrir jákvæða niðurstöðu í
Icesave-málinu hefur hann áhyggj-
ur af framtíð þjóðarinnar. „Þótt
þetta sé góð niðurstaða fyrir okkur
sem þjóð breytir hún ekki svo miklu.
Þetta eru engin vatnaskil. Alls ekki.
Ég held að við séum að sigla inn
í mjög erfitt tímabil. Næsta kjör-
tímabil verður gríðarlega erfitt.
Staða okkar í ríkisfjármálunum er
þannig að í dag greiðum við 90 millj-
arða í vexti vegna skulda. 90 millj-
arða sem við gætum verið að nota í
önnur verkefni, hvort sem það væri
til að borga hjúkrunarfræðingum,
byggja upp vegi eða eitthvað ann-
að. Forgangsverkefnið er að losna
við þessar skuldir og til þess þurf-
um við að endurskipuleggja ríkið;
fá betri og öruggari þjónustu fyrir
minni pening.“
Ánægður með forystuna
Hann segist ekki ætla hætta að
kjósa Sjálfstæðisflokkinn þótt hann
sé á leið út af þingi. „Ég hætti ekki
að vera sjálfstæðismaður þótt ein-
hverjir frambjóðendur spili ekki
eftir þeim reglum sem ég hefði
haldið að spila ætti eftir. Ég er ekki
bitur maður. Þótt ég hefði viljað að
menn hefðu séð sóma sinn í að fara
í þetta á heiðarlegri hátt var þetta
niðurstaðan. Ég uni henni.
Ég er mjög ánægður með forystu
Sjálfstæðisflokksins og tel Bjarna
Benediktsson heiðarlegan, vel gef-
inn mann sem er góður til að leiða
flokkinn. Ég held að hann verði
mjög góður forsætisráðherra.“
Hann neitar því að Sjálfstæðis-
flokkurinn hafi fundið handa hon-
um gott starf að þingmennsku lok-
inni. „Það hafa fleiri en einn aðili
talað við mig til að athuga hvort
ég geti hugsað mér að starfa með
þeim. Ég hef ekki tekið neinar slík-
ar ákvarðanir enda aðeins nokkr-
ir dagar liðnir frá úrslitum próf-
kjörsins. Það eru þrír mánuðir fram
að kosningum og svo á ég minn
uppsagnarfrest. Ég hef ekki áhyggj-
ur af því að ég fái ekki vinnu. Hing-
að til hef ég gert það á eigin verð-
leikum og mun halda því áfram.
Ég þarf ekki hjálp flokksins til að fá
vinnu. Hins vegar, ef sú staða kem-
ur upp að það er eitthvert starf sem
skipa þarf í af Sjálfstæðisflokknum
og ég get sinnt vegna minnar sér-
þekkingar, gæti ég þegið það starf.“
Safnaði listaverkum
Hann segist ekki hafa mátað seðla-
bankastjórastólinn í huganum en
viðurkennir að það starf sé vissu-
lega spennandi. „Í Seðlabankanum
situr Már Guðmundsson og ég hef
enga löngun í hans starf. Því verð-
ur þó ekki horft fram hjá að það er
áhugavert starf enda eru áhuga-
verðir tímar framundan í pen-
ingamálunum. En það er enginn
draumur hjá mér, ekki það sem ég
sofna út frá,“ segir hann og bætir
aðspurður við að hann hafi hvorki
metnað til að gerast sendiherra
eða forseti. „Ég held að fólk þurfi
ekki að vera í nánum tengslum við
mig til að sjá að slíkt hentar mér
ekki. Ég er mjög „beisik“ maður.
Hef gaman af því að leysa þrautir
en engan áhuga á að vera stillt upp
sem fígúru. Alls engan. Slíkt prjál er
fyrir aðra.“
Áhugamál Tryggva eru til að
mynda hestamennska og flugu-
veiði. „Sú baktería er alltaf að verða
verri og verri. Mér þykir fátt betra
en að vera úti í náttúrunni á sumr-
in en svo hef ég líka gaman af því að
fara á skíði þótt ég hafi ekki stundað
það mikið síðan ég varð þingmaður.
Eins er ég gríðarlegur áhugamaður
um nútímalist og safnaði listaverk-
um á meðan ég átti pening.“
Aftur í pönkið
Umtalið hefur ekki alltaf ver-
ið Tryggva hliðhollt og fyrir vikið
hlakkar hann til að hverfa úr sviðs-
ljósinu. „En svo er það spurn-
ing hvað ég fari að gera. Ég er ekki
að fara á eftirlaun. Kannski verð-
ur starfið sem ég tek að mér næst
líka áberandi. En jú, ég er glað-
ur að yfir gefa sviðsljósið, aðallega
vegna fjölskyldunnar. Hún verður
fegin. Svo verður líka gott að geta
farið í búð án þess að það sé verið
að horfa á mann, að maður geti
nördast án þess að fólk taki eitthvað
sérstaklega eftir manni. Það verður
fínt. Ég fer út úr pólitíkinni með
hreina samvisku. Nú get ég róið á
ný mið eins og ég hef gert svo oft
áður. Kannski fer ég bara aftur í
pönkið.“ n
„Það hefur mikið
verið lagt á fjöl-
skylduna að umbera illt
umtal og róg.
Sáttur við ferilinn
Tryggvi segir að sér hafi í Sjálfstæðis-
flokknum verið treysti fyrir mörgum
mikilvægum málum. „Ég á marga og
góða vini og nýt þeirrar virðingar sem
ég tel að ég eigi skilda.“