Dagblaðið Vísir - DV - 08.02.2013, Blaðsíða 26

„Ég er ekki bitur maður“
26 Viðtal 8.–10. febrúar 2013 Helgarblað
É
g er kannski einfeldning­
ur í stjórnmálum en mér
finnst að það eigi að heyja
kosningabaráttu með mál­
efnum og af drengskap. Ég
tek ekki þátt í undirmálum. Þá er
betur heima setið en af stað farið,
segir alþingismaðurinn Tryggvi
Þór Herbertsson sem er á leið út
úr pólitík eftir ósigur í prófkjöri
sjálfstæðismanna í Norðaustur­
kjördæmi. Tryggvi Þór sóttist eftir
fyrsta sætinu, ásamt Kristjáni Þór
Júlíussyni, en varð undir.
Efnahagsráðgjafi af
ættjarðarást
Tryggvi unir niðurstöðunni en
segir að sennilega séu tvær aðalá­
stæður fyrir því að hann hafi ekki
hlotið framgang. Annars vegar sé
það tenging hans við hrunið og
hins vegar vinnubrögð í prófkjör­
inu sem hann segir ekki hafa verið
heiðarleg.
„Mér hefur verið legið á hálsi
fyrir að hafa verið efnahagsráðgjafi
forsætisráðherra Íslands á örlaga­
tímum þjóðarinnar. Það gerði ég
af ættjarðarást og engu öðru. Það
má nota það gegn mér en mér líður
hins vegar ákaflega vel yfir því hlut­
verki mínu.
Hins vegar hefur verið deilt á
mig fyrir að hafa starfað í banka­
kerfinu í um 18 mánuði fyrir hrun.
Ég er sagður hafa sett bankann sem
ég stjórnaði á hausinn og að ég
hafi gert alls konar misjafna hluti.
Fengið afskrifuð kúlulán og þess
háttar. Þetta er alrangt. Í fyrsta lagi
var eigið fé bankans sem ég starf­
aði hjá 9,2 milljarðar þegar ég lét
af störfum. Bankinn fór á höfuðið
við gengislánadóminn sem féll um
tveim árum eftir að ég var hættur.
Kúlulán hefur aldrei verið afskrif­
að hjá mér hjá bönkunum.
Slettur eins og þessar loða við
mann og það er erfitt að hreinsa
sig af þeim ef þeim er viðhaldið
af andstæðingum með því að
bæta alltaf í og vera sífellt að velta
manni upp úr sögum sem eiga sér
ekki stoð í raunveruleikanum.“
Tryggvi segir þessa hrun­
tengingu ábyggilega hafa haft áhrif
á einhverja en að hún hafi ekki
skipt sköpum. Aðra sögu sé hægt
að segja af vinnubrögðunum í
prófkjörinu.
Stríðsherferð í prófkjöri
„Ég hef fréttir af skoðanakönnun
sem gerð var fyrir jól. Þar var nokk­
uð jafnt á með okkur sem sóttumst
eftir oddvitasætinu. Í framhaldinu
var skipulögð mikil stríðsferð í
kjördæminu. Kosningamaskínan,
sem löngum hefur verið kennd
við Guðlaug Þór, var þar gangsett.
Er eðlilegt að fyrrverandi fram­
kvæmdastjóri Sjálfstæðisflokksins
úr Reykjavík stjórni kosningamask­
ínu norður í landi eða að formaður
fulltrúaráðs sjálfstæðisfélaganna í
Reykjavík sé alltumlykjandi í slíkri
baráttu?
Er það eðlilegt að smala saman
fólki, skrá það í flokkinn svo hund­
ruðum skiptir og biðja það um að
útiloka einn frambjóðanda? Fólk
sem stendur fyrir slíkum vinnu­
brögðum hlýtur ekki framgang
vegna eigin verðleika. Það hefur
rangt við og það er miður. Próf­
kjör eru að mínu áliti til góða en þá
verða þátttakendur að hafa þroska
að bera til að virða leikreglurnar.“
Tryggvi segir vinnubrögð úr
Reykjavík, sem hann segir oft
einkennast af undirmálum og
óheiðarleika, hafa verið flutt norð­
ur. „Það er brýnt að þetta verði
brotið á bak aftur. Af hverju tak­
ast menn ekki á um málefnin? Ég
hélt opna fundi á öllum þéttbýlis­
stöðunum 24 þar sem ég kynnti
sýn mína á framtíð kjördæmisins.
Á þá fundi komu á fjórða hundrað
manns. Þá hélt ég tíu fundi á Akur­
eyri í janúar um ýmis brýn málefni
svæðisins. Þar fékk ég sérfræðinga
á svæðinu til að halda framsögu og
bauð öllum félögum mínum í próf­
kjörinu að taka þátt. Flestir fram­
bjóðendanna þáðu það boð mitt.
Í framhaldinu voru síðan mjög líf­
legar og gagnlegar umræður um
viðkomandi mál. Á þessa fundi
mættu á þriðja hundrað manns.
Ég tel heiðarleika og trúnað
gagnvart félögunum vera aðals­
merki hvers manns. En það er eins
og um svo margt annað í lífinu, um
það eru ekki allir sammála. Það
er óneitanlega undarlegt starf þar
sem maður þarf að vera vel að sér
í Furstanum eftir Machiavelli til að
lifa af.“
Ekki siðlausir
eiginhagsmunaseggir
Tryggvi segir að eftir hrunið hafi
sú mynd verið máluð af stjórn­
málamönnum að þar fari siðlausir
eiginhagsmunaseggir sem einskis
svífist. „Þetta er alrangt. Flestir ís­
lenskir stjórnmálamenn eru knún­
ir áfram af þrá eftir því að láta gott
af sér leiða fólkinu sem landið
byggir til hagsbóta. Auðvitað eru
þeir til sem einungis sækjast eft­
ir völdum. Hjá þeim helgar til­
gangurinn meðalið. Þeim er sama
um allt nema sjálfan sig og skipta
um skoðun eins og vindarnir blása.
Sem betur fer eru slíkir menn telj­
andi á fingrum annarrar handar í
þinginu – en við þá er óneitanlega
erfitt að glíma.“
Hann segir auðvelt að af­
greiða þessi orð sín sem ádrepu
manns sem sé nýbúinn að tapa
prófkjöri. „En það er of einfalt.
Ég hef áhyggjur af þeirri þró­
un sem er í gangi í kjördæminu.
Sjálfstæðisflokkurinn á Akureyri
klofnaði í síðustu sveitarstjórnar­
kosningum vegna óvandaðra
vinnubragða. Sama fólk stend­
ur fyrir sams konar vinnubrögð­
um í kjördæminu núna. Þetta er
áhyggjuefni.“
Tryggvi Þór hefur ekki áhyggjur
af því hvað taki við eftir pólitík­
ina og viðurkennir að hafa þegar
fengið starfstilboð. „Öllum tíma­
mótum fylgja tækifæri. Það hefur
mikið verið lagt á fjölskylduna
að umbera illt umtal og róg. Fyrir
mig hefur sú byrði verið létt en ég
er ekki viss um að börnin mín eða
konan séu mér sammála. En nú er
þessu að ljúka.
Ég ætlaði mér aldrei að vera á
þingi nema eitt kjörtímabil. Þannig
að þegar öllu er á botninn hvolft þá
er þungu fargi af mér létt. Það fann
ég þó ekki fyrr en niðurstöðurnar í
prófkjörinu lágu fyrir.“
Tók ekki umtalið inn á sig
Hann viðurkennir að umtalið hafi
sært hann, allavega fyrst í stað.
„Þetta er bara eitthvað sem mað­
ur verður að þola en það er ekki
skemmtilegt fyrir fjölskyldu manns
að lesa hluti sem eiga sér enga stoð
í raunveruleikanum; eru hrein og
bein ósannindi.
Netið er þannig miðill að þar
getur hver sem er sest fyrir fram­
an tölvuna í hvaða ástandi sem er.
Maður lærði fljótt að lesa ekki slíkt.
Fyrst sárnaði mér að það væri verið
að efast um einlægni mína í því sem
ég var að gera. En svo rann fljótt
upp fyrir mér að umtalið beindist
ekki gegn persónunni Tryggva Þór
heldur opinbera stjórnmálamann­
inum. Ég lærði því að taka þetta
ekki inn á mig,“ segir hann og bæt­
ir við að hann hafi fengið að vera í
friði á mannamótum.
„Auðvitað fékk maður einhvern
skít yfir sig þegar fólk safnaðist
saman í kringum Alþingishúsið
en það var ekki á mann persónu­
lega, frekar sem stjórnmálamann.
Og oftast sá maður að hjá því fólki
sem harðast gekk fram var eitthvað
meira að en hrunið. Ég held að allir
stjórnmálamenn, eftir kosningarn­
ar 2009, hafi orðið fyrir einhverju
ónæði en það var aldrei þannig að
fólk kæmi heim til mín, sæti um
húsið og grýtti það með eggjum. Ég
get ekki kvartað yfir því.
Ég gerði í því að ræða við fólk­
ið sem safnaðist saman fyrir fram­
an Alþingi og þekkti meira að segja
suma sem stóðu hvað lengst með
nafni og átti vinsamleg samskipti,
án alls hreytings eða dónaskapar.“
Lág laun á þingi
Tryggvi hafði komið ár sinni
þokkalega fyrir borð en fór illa fjár­
hagslega út úr hruninu eins og
flestir. Það er því ekki fjarri lagi að
spyrja hann hvers vegna hann leit­
aðist eftir að komast á þing þar
sem launin væru mun lægri en það
sem hann hafði vanist. „Það var
aldrei þannig að ég ætti einhvern
alvöru pening. En ég átti vel í mig
og á. Svo fór þetta eins og hjá flest­
um, lánin stökkbreyttust og þetta
leit ekkert vel út um tíma.
Ég hef ekki verið jafn lágt laun­
aður og ég er í dag síðan ég var í
skóla. Og ef maður tekur tíma­
kaupið þá hef ég ekki verið á lægri
launum síðan ég var unglingur. En
þetta snýst ekki um launin. Ástæð­
an fyrir því að ég fór fram og helg­
aði mig þessu í bráðum fjögur ár
er þessi djúpstæða þrá til að gera
gagn.
Fjölskyldan spurði mig hvað
ég væri að hugsa; hvort það væri
ekki frumskilyrði að sjá henni far­
borða og hvort ég hefði efni á
því að vera í einhverri hugsjóna­
vinnu? Ég gat voðalega lítið sagt
við því. Maður ríður ekki feitum
hesti frá þessu. Fjárhagsstaða mín
er orðin þannig, eins og hjá flest­
um Íslendingum, að maður hefur
áhyggjur af því að ná ekki endum
saman. En ég er betur staddur en
margur annar og vorkenni mér alls
ekki. Þetta er hlutskipti okkar Ís­
lendinga og ég hef engar áhyggjur
af því að ég eigi ekki eftir að ná mér
aftur á strik.“
Hrísgrjón og stórar steikur
Hann vill ekki meina að það hafi
verið erfitt að aðlaga sig að minni
innkomu. „Ég er svo langt frá því
að vera fæddur með silfurskeið í
munni. Ég hef upplifað alls konar
aðstæður, hef þurft að lifa á hrís­
grjónum og á því allra ódýrasta á
einhverjum tíma. En svo ég hef líka
borðað stórar steikur.
Fyrir mig persónulega skiptir
hálaunastarf ekki miklu máli. Ég
legg ekkert sérstaklega mikið upp
úr því en það er ekki hægt að bjóða
fjölskyldunni upp á neitt annað en
fjárhagslegt öryggi. Fyrir mig er
aðalatriðið að fá útrás fyrir fram­
kvæmdagleðina og láta gott af mér
leiða.“
Tryggvi er giftur Sigurveigu
Maríu Ingvadóttur. Af fyrra
Tryggvi Þór Herbertsson er á leiðinni út úr póli-
tíkinni. Hann segist kveðja með hreina samvisku
en er ósáttur við vinnubrögð í prófkjörinu sem
hann líkir við stríðsherferð. Tryggvi Þór ræðir hér
um stuttan stjórnmálaferilinn, illt umtal, blank-
heitin og fjölskylduna sem hann segir fegna að
pólitísku ævintýri hans sé senn að ljúka.
Indíana Ása Hreinsdóttir
indiana@dv.is
Viðtal „Fjárhagsstaða mín
er orðin þannig,
eins og hjá flestum Ís-
lendingum, að maður
hefur áhyggjur af því að
ná ekki endum saman.