Dagblaðið Vísir - DV - 08.02.2013, Blaðsíða 18

18 Fréttir 8.–10. febrúar 2013 Helgarblað
Þarf að greiða 62 milljónir
n Jón Ásgeir dæmdur í tólf mánaða skilorðsbundið fangelsi og segir málinu nú lokið
H
æstiréttur dæmdi á fimmtudag
Jón Ásgeir Jóhannesson í tólf
mánaða skilorðsbundið fang­
elsi og til að greiða 62 millj­
ónir króna vegna skattalagabrota.
Tryggvi Jónsson hlaut 18 mánaða
skilorðsbundið fangelsi og þarf að
greiða 32 milljónir króna og Krist­
ín Jóhannesdóttir þriggja mánaða
dóm. Málið er einn angi Baugsmáls­
ins svokallaða. Þremenningunum
var ekki gerð refsing í héraðsdómi,
þó þau hefðu verið sakfelld fyrir til­
tekna hluti ákærunnar. Jón Ásgeir og
Tryggvi kröfðust þess fyrir Héraðs­
dómi að tilteknum ákæruliðum yrði
vísað frá þar sem ákæran gegn þeim
væri of óskýr. Þeirri kröfu var hafnað.
Jón Ásgeir segir í svari við fyrirspurn
DV að 11 ára ferli Baugsmálsins sé nú
lokið. „Stór glæpurinn fannst ekki og
enginn fór í fangelsi.“
Í Hæstarétti var Jón Ásgeir sak­
felldur fyrir fimm brot vegna
skattskila; fyrir að hafa vantalið
fjármagnstekjur, tekjur í formi launa­
uppbóta, söluhagnað af hlutabréfum,
tekjur af nýtingu kaupréttar og tekjur
á hlutareign. Einnig fyrir að hafa ekki
staðið skil á sköttum í sömu tilvikum.
Þá var hann sakfelldur fyrir að hafa
skilað rangri skilagrein, í starfsemi
Baugs, auk þess að hafa haldið eftir
og ekki skilað staðgreiðslu. Jón Ásgeir
segir að ákæruvaldið hafi aldrei lagt
jafn mikið undir í neinu máli og
aldrei borið jafn lítið úr bítum.
Hann segir að allir fram­
kvæmdastjórar og stjórnarmenn
landsins hljóti að hugsa stöðu sína í
kjölfar dómsins vegna þess að hann
hafi verið dæmdur fyrir mistök sem
sérfræðingar gerðu við framtalsgerð
Baugs. „Í málinu lá fyrir að gerð voru
sérfræðimistök við framtalsgerð,
sem ég bar ekki ábyrgð á, en er með
dómnum látinn sæta ábyrgðinni,“
segir hann við DV.
Kristín var sakfelld fyrir að hafa
skilað röngum skattaframtölum fyrir
Fjárfestingarfélagið Gaum, annars
vegar þar sem vantaldar voru skatt­
skyldar tekjur þess og hins vegar þar
sem oftaldar voru til gjalda niður­
færslur tiltekinnar hlutabréfaeignar
félagsins og tap þess oftalið.
Tryggvi var sakfelldur fyrir þrjú
brot vegna eigin skattskila; fyrir að
hafa vantalið launatekjur sínar, tekj­
ur af nýtingu kaupréttar á hlutabréf­
um og tekjur í formi launauppbótar,
auk þess að standa ekki skil á skött­
um í sömu tilvikum. Einnig fyrir að
hafa skilað rangri skilagrein og van­
talið launagreiðslur og fyrir að skila
ekki staðgreiðslu. n
viktoria@dv.is
13.000 skráðir
Rúmlega þrettán þúsund manns
hafa skráð sig á vefsíðuna ferda­
frelsi.is og mótmæla þar með nýju
frumvarpi til náttúruverndarlaga
á þeim forsendum að lögin hefti
för almennings um íslenska nátt­
úru og skerði aðgengi til útvistar
á Íslandi. Þeir sem skilja undir­
skrift sína eftir á síðunni skora
þannig á þingmenn að samþykkja
ekki frumvarpið. Það eru Samtök
úti vistarfélaga sem standa fyrir
undirskriftasöfnuninni sem hófst
fyrir um tveimur vikum.
Brotlegur
Jón Ásgeir var
sakfelldur fyrir
fimm brot.
JÓN SNORRI VÍKUR
ÚR PRÓFNEFND
J
ón Snorri Snorrason óskaði
eftir að sinna hvorki kennslu
né stjórnun þangað til dómur
hefur verið kveðinn upp. Ég
féllst á þá beiðni. Hann hefur
því verið leystur tímabundið undan
skyldum sínum við kennslustörf og
stjórnun frá og með síðasta föstudegi
þangað til dæmt verður,“ segir Ólafur
Þ. Harðarson, forseti félagsvísinda­
sviðs Háskóla Íslands um viðbrögð
við ákæru á hendur Jóni Snorra.
Líkt og DV greindi frá fyrir tveim­
ur vikum gaf embætti lögreglunnar
á höfuðborgarsvæðinu út ákæru á
hendur Jóni Snorra Snorrasyni, lekt­
or við viðskiptafræðideild Háskóla
Íslands og fyrrverandi stjórnarfor­
manni iðnfyrirtækisins Sigurplasts
og var málið þingfest fyrir Héraðs­
dómi Reykjavíkur þann 28. janúar.
Þar lýsti Jón Snorri sig saklausan en
hann var ákærður fyrir skilasvik fyrir
að hafa þann 21. október árið 2008,
sem eigandi og framkvæmdastjóri
einkahlutafélagsins Agli ehf., veðsett
Sparisjóði Mýrasýslu 33,33 prósenta
hlut Agla vegna láns sparisjóðsins til
Sigurplasts.
Jón Snorri var skráður kennari í
þremur fögum í viðskiptafræði nú
á vorönn og var nemendum hans
tilkynnt um það á síðasta föstu­
dag að hann hefði ákveðið að taka
sér leyfi frá kennslu á meðan mál
hans biði úrlausnar hjá dómstólum.
Vilhjálmur Bjarnason tekur við
kennslunni í fjarveru hans, að því
er fram kemur í bréfi sem Ingjaldur
Hannibalsson, forseti deildarinnar,
sendi nemendum.
Hættur í prófnefnd
verðbréfaviðskipta
Jón Snorri hefur einnig verið starf­
andi stjórnarformaður Íslenska líf­
eyrissjóðsins. Samkvæmt svari
frá Halldóri Kristinssyni, fram­
kvæmdastjóra Íslenska lífeyrissjóðs­
ins, hefur Jón Snorri ákveðið að víkja
úr stjórn sjóðsins á meðan ákæra á
hendur honum er til meðferðar hjá
dómstólum.
Þá situr Jón Snorri einnig í
prófnefnd verðbréfaviðskipta hjá
efnahags­ og viðskiptaráðuneytinu
en hann var tilnefndur í hana af sam­
starfsnefnd háskólastigsins. Í svari
frá Ernu Jónsdóttur, lögfræðingi hjá
efnahags­ og viðskiptaráðuneytinu
og formanni prófnefndar verðbréfa­
viðskipta, við fyrirspurn DV kemur
fram að Jón Snorri hafi sagt sig frá
nefndarstörfum meðan mál hans er
fyrir dómi. „Þegar það kemur niður­
staða úr dómsmálinu verður málið
skoðað með tilliti til hennar,“ segir í
svari frá efnahags­ og viðskiptaráðu­
neytinu.
Fór í mál við DV
DV fjallaði ítarlega um málefni Sigur­
plasts í mars árið 2011. Sagði blaðið
þá frá því að meint brot fyrrverandi
stjórnenda þess væru komin til rann­
sóknar hjá lögreglunni. Skiptastjóri
Sigurplasts, Grímur Sigurðsson, og
Arion banki, aðalkröfuhafi félagsins,
kærðu viðskiptahætti Sigurplasts til
efnahagsbrotadeildar ríkislögreglu­
stjóra og skattrannsóknarstjóra á
fyrri helmingi ársins 2011. Sagði DV
einnig frá skýrslu sem endurskoð­
endafyrirtækið Ernst og Young vann
fyrir þrotabú félagsins.
Samkvæmt skýrslunni benti
margt til þess að bæði Jón Snorri og
Sigurður L. Sævarsson, fyrrverandi
framkvæmdastjóri félagsins, hafi vit­
að að fyrirtækið var orðið tæknilega
gjaldþrota löngu áður en það var
formlega tekið til gjaldþrotaskipta.
Jón Snorri var hins vegar mjög
ósáttur við skrif blaðsins og taldi að
umfjöllun DV hefði meðal annars
vegið að einkalífi hans, æru og starfs­
heiðri með ólögmætum hætti.
Samkvæmt dómi héraðsdóms
sem Hæstiréttur staðfesti í desember
2012 var ritstjórum og fréttastjóra DV
gert að greiða Jóni Snorra 200.000
krónur í miskabætur vegna greina
sem birtust í DV 14.–15. mars 2011.
Var þeim einnig gert að greiða
200.000 krónur vegna kostnaðar við
birtingu dómsins og 500.000 krónur
í málskostnað. Lögreglan rannsakaði
hins vegar málið og ákvað í fram­
haldinu að gefa út ákæru á hendur
Jóni Snorra. Í kjölfar þess hefur hann
nú óskað eftir leyfi frá störfum sínum
hjá Háskóla Íslands sem og stjórnar­
setu í Íslenska lífeyrissjóðnum og
í prófnefnd verðbréfaviðskipta á
meðan mál hans verður tekið fyrir í
dómskerfinu. n
Annas Sigmundsson
blaðamaður skrifar annas@dv.is
n Lektor í viðskiptafræði óskaði eftir leyfi frá störfum í Háskóla Íslands
Kominn í leyfi Jón
Snorri Snorrason,
lektor í viðskiptafræði
við Háskóla Íslands,
hefur óskað eftir leyfi
frá störfum innan
háskólans á meðan mál
hans verður tekið fyrir
af dómstólum.
„Ég féllst á
þá beiðni.
„Ég áttaði
mig strax“
„Um leið og ég sá framan í
drenginn hugsaði ég með mér að
það væri eitthvað að. Ég sá það á
honum,“ sagði Skúli Eggert Sig­
urz, framkvæmdastjóri Lagastoð­
ar í Kastljósi á fimmtudagskvöldið.
Þar lýsti hann því þegar Guðgeir
Guðmundsson, sem afplánar
nú fjórtán ára fangelsisdóm fyrir
manndrápstilraun, réðst á Skúla
og stakk hann fimm sinnum. Fjór­
ar stungurnar voru metnar lífs­
hættulegar.
Viðtalið við Skúla var átakan­
legt en í Kastljósi var einnig rætt
við Guðna Bergsson, starfsmann
Lagastoðar, en hann yfirbugaði
Guðgeir á vettvangi. Skúli sagðist
í Kastljósi oft hafa umgengist fólk
sem hafi átt við andleg vandamál
að etja. Hann hafi strax séð að eitt­
hvað væri að.
Fram hefur komið að Guðgeir
hafi farið á lögmannsstofuna
vegna skuldamáls. „Ég býð honum
hérna inn og hann sest hérna nið­
ur þar sem þú situr og fer að ræða
við hann um þetta mál sem hann
kom hérna út af,“ sagði Skúli sem
segist hafa fellt niður alla vexti af
skuldinni og kostnað og sagt við
Guðgeir að hann þyrfti bara að
borga höfuðstólinn og útlagðan
kostnað. Guðgeir hafi allan tímann
setið þögull í stólnum. „Ég brosi til
hans og tek í höndina á honum og
hann í mína. Síðan voru engin læti.
Hann kippti mér að sér. Ég hafði
það á tilfinninguna að hann hefði
sett höndina undir handarkrikann
á mér einhvern veginn. Ég lít svona
hérna niður, þá bara stendur blóð­
bunan hérna út. Mér brá náttúru­
lega alveg rosalega. Ég áttaði mig
strax á því að hann hefði stungið
mig en ég fann ekki fyrir því. Ég
segi við hann höstuglega: Hvað
gengur þér til drengur? Þá sagðist
hann hata lögfræðinga. Ég hrein­
lega ætlaði ekki að trúa þessu. Mér
fannst þetta alveg absúrd,“ sagði
Skúli sem hugsaði með sér að ef
hann gerði ekki neitt þá ætti Guð­
geir eftir að drepa hann. Guðgeir
hafi reynt að stinga hann í hálsinn.
Skúli segist hafa verið stunginn
fimm sinnum á tíu sekúndum en
eftir miklar ryskingar kom Guðni
Bergsson honum til bjargar. Guðni
var sjálfur stunginn tvisvar sinn­
um; í andlit og læri. Furðu þykir
sæta að Skúli, sem missti gríðar­
mikið blóð, hafi lifað árásina af.