Dagblaðið Vísir - DV - 08.02.2013, Síða 42

Hjálp! Hvar er
síminn minn?
42 Lífsstíll 8.–10. febrúar 2013 Helgarblað
Geimorrusta háð í Hörpu um helgina
n Hægt að prófa nýjasta leik CCP, Dust 514, á UT messu um helgina
H
in svokallaða UT messa fer
fram í Hörpu um helgina og
verður margt um að vera þar.
Um er að ræða ráðstefnu um
upplýsingatækni þar sem ýmislegt
verður á baugi, örkynningar og fyrir-
lestrar um nýjustu hugmyndir innan
tæknigeirans á Íslandi.
CCP, einn af helstu bakhjörlum
messunnar, mun bjóða fólki að prófa
opna beta-útgáfu af nýjasta leik fyrir-
tækisins, Dust 514, í Norðurljósa-
sal Hörpu. Þar gefst gestum færi á
að taka þátt í orrustu í leiknum, sem
er fyrstu persónu skotleikur og er
tengdur hinum geysivinsæla fjöl-
spilunarleik Eve Online. Hinn síðari
gerist í geimnum, hinn fyrri á jörðu
niðri. CCP hyggst gefa nokkrum
þeim sem prófa Dust 514 tækifæri
á að vinna Playstation 3-leikjatölvu.
Hægt verður að prófa leikinn föstu-
daginn frá 10 til 18 og laugardaginn
frá 10 til 16.
Aðrir viðburðir í Hörpu eru lok-
aðir almenningi á föstudeginum en
á laugardeginum verður opið allan
daginn og gjaldfrjálst inn. Í sölum
á fyrstu hæð Hörpu verður fræðsla
um ýmislegt sem tengist daglegu lífi
og upplýsingatækni. Einnig verða
ýmsar getraunir og hægt verður að fá
aðstoð tæknimanna við ýmis vanda-
mál sem tengjast upplýsingatækni.
Þá verður keppt um besta íslenska
appið – eða snjallsímaforritið – á
markaði en einnig verða veitt verð-
laun fyrir bestu hugmyndina að slíku
forriti. „Sýningin er ætluð almenn-
ingi, konum og körlum, stelpum og
strákum, ungum sem öldnum,“ segir
á vefsíðu UT messunnar. n
S
íminn þinn er framlenging af
sjálfum þér. Það er hræðilegt
að týna símanum sínum, all-
ar myndirnar af litla krílinu
glatast, öll heitu smáskila-
boðin hverfa og síðast en ekki síst
símaskráin með tengslanetinu. Ekki
örvænta, það er hægt að rekja sím-
ann eftir að hann týnist, ef þú gerð-
ir ráðstafanir. Það er lítið mál að setja
upp öpp til að finna símann ef hann
týnist. Windows Phone- og iPhone-
símar eru með innbyggð öpp til að
rekja síma og auðveldlega er hægt að
finna app fyrir Android-síma. Lestu
þetta og vertu vitur fyrirfram.
iPhone: Find my iPhone í iCloud
Það er mjög auðvelt að setja „Find my
iPhone“ og það er meira að segja gert
ráð fyrir því þegar þú setur upp sím-
ann í fyrsta skiptið. Þegar búið er að
virkja „Find my iPhone“ er hægt að
skrá sig inn á vefsíðuna icloud.com
eða opna „Find My iPhone“ á öðrum
síma og skrá sig inn með AppleID. Þar
er hægt að finna tækið á korti, senda
skilaboð á skjáinn, læsa tækinu með
lykilorði eða í versta falli eyða öllu af
tækinu þannig að óprúttnir aðilar nái
ekki að nýta sér gögnin í símanum. Í
nýjustu útgáfu iOS-stýrikerfisins (iOS
6) er hægt að setja á „Lost Mode“, þar
sem síminn læsist með fjögurra stafa
númeri og birtir símanúmer sem er
hægt að hringja í á skjánum. Ef ein-
hver góðhjartaður finnur símann get-
ur hann því haft samband við þig og
skilað honum! Í „Lost Mode“ fer í gang
sjálfvirk rakning á staðsetningu sím-
ans, þannig að það er auðvelt að finna
hann.
Windows Phone: Find My Phone
Windows Phone-símarnir bjóða allir
upp á innbyggt app sem getur rakið
týnda síma. Það er líka hægt að láta
símann hringja, læsa honum og eyða
öllum gögnum. En fyrst þarf að setja
upp „Windows Live“-aðgang (rétt eins
og maður notaði fyrir „MSN mess-
enger“) þannig að síminn sé tengdur
við þann aðgang. Svo fer maður og
setur upp „Find My Phone“ undir
„Settings“-hluta símans. Þegar því er
lokið og þú hefur týnt símanum þá
fer maður inn á vefsíðuna window-
sphone.com. Þar inni smellir maður
á „My Phone“ og skráir sig inn með
„Windows Live“-aðganginum. Það er
hægt að láta „Find My Phone“ vista
staðsetningu á nokkurra klukkutíma
fresti eða nota stöðugar tilkynningar
til þess að nota skipanir frekar en smá-
skilaboð. Það krefst samt meira raf-
magns og rafhlaðan tæmist fyrr, en er
þó öruggara.
Android: Where’s My Droid
„Where’s my Droid“ er frítt app sem
að býður upp á nokkrar einfaldar leið-
ir til þess að hafa uppi á símanum. Þar
er m.a. hægt að láta símann hringja,
kveikja á GPS og birta staðsetninguna
á Google Maps. Það er hægt að kveikja
á appinu með því að senda fyrirfram
ákveðið orð með smáskilaboðum ef
síminn týnist. Einnig er hægt að setja
læsingu á að henda út öppum til þess
að koma í veg fyrir að þjófurinn hendi
vörninni út. Það er í boði að kaupa
dýrari týpuna af þessu appi á 3,99
dollara og eru þar enn fleiri möguleik-
ar. Þú getur tekið mynd með síman-
um eða eytt öllum viðkvæmum gögn-
um af símanum.
Vertu vitur eftir á
Android er eina stýrikerfið sem
býður upp á að setja inn app eftir að
síminn týnist, sem þú getur notað til
að rekja símann þinn. Ef síminn er
enn í gangi, nettengdur og uppsettur
með þínum Google-aðgangi, þá er
hægt að fara á „Google Play Store“
og setja appið upp í gegnum netið.
„Windows Phone“-stýrikerfið býður
upp á að setja upp öpp í gegnum
netið, en þar sem „Find My Phone“
er innbyggt í símann er ekkert app til
að setja upp. n Grein: Simon.is
n Gerðu réttu ráðstafanirnar
„Find My Phone“ Það er hægt að láta „Find My Phone“ vista staðsetningu á nokkurra
klukkutíma fresti.
Android er viturt eftir
á Android er eina stýrikerfið
sem býður upp á að sett sé
inn app eftir að síminn týnist.
Það getur þú notað til að
finna símann.
Vill eftirlits-
nefndir um
tölvuglæpi
Nýtt frumvarp liggur nú fyrir
Evrópuþinginu en verði það sam-
þykkt skikkar það öll fyrirtæki í
Evrópu, yfir 40 þúsund talsins, til
þess að tilkynna allar tölvuárásir
til sérstakrar viðbragðsnefndar
í heimalandi sínu. Frumvarpið
skikkar allar ESB-þjóðir til þess
að skapa sérstaka viðbragðsnefnd
við tölvuglæpum. Þessar nefndir
muni svo ákveða hvort greint verði
opinberlega frá tölvuglæpnum
eður ei.
„Evrópa þarf sterk netkerfi og
ef ekki verður gripið inn í myndi
það kosta neytendur, fyrirtæki
og samfélagið í heild sinni mikla
fjármuni,“ segir Neelie Kroes hjá
framkvæmdaráði sambandsins,
sem lagði fram frumvarpið.
Gervimaður
hlustar
á rapp
„Ég heiti Rex og hef gaman af
rapptónlist,“ er eitt af því fáa sem
gervimaðurinn Rex getur sagt.
Hann kostaði um 125 milljónir
króna og getur hreyft sig, talað,
skynjað og skilið einföld skilaboð.
Breska sjónvarpsstöðin Channel
4 fjármagnaði gerð gervimanns-
ins og verður hann til sýningar á
vísindasafninu í London í fram-
tíðinni.
Vélmennið er hið fullkomnasta
til þessa en Rex hefur vélútlimi
af sömu gerð og fjölmargir þeirra
sem misst hafa útlim nota. Þar
að auki er hann með gervinýra,
gervibris, gervimilta og gervibarka
ásamt því að hann er með blóð-
rásarkerfi sem virkar. Sky News
greinir frá því að allir íhlutir gervi-
mannsins geti virkað sem eins
konar varahlutir í manneskju; svo
langt eru vísindin komin.
Orrusta háð í Hörpu Nýjasti leikur CCP, skotleikurinn Dust 514, verður til prófunar í Hörpu. Leikurinn er tengdur hinum geysivinsæla
fjölspilunarleik Eve Online, hinn síðari gerist í geimnum en hinn fyrrnefndi á yfirborði ýmissa pláneta.