Dagblaðið Vísir - DV - 26.04.2013, Page 29

Tækifæri sem kemur ekki aftur!
Setjum 800 milljarða í samhengi
Jákvæð áhrif góðra samninga
Takið þátt í áskorun þjóðarinnar til stjórnmálamanna – www.snjohengjan.is
til stjórnmálamanna
Áskorun
Eitt af brýnustu hagsmunamálum Íslendinga er að hefja nýja sókn til bættra lífskjara með fjölgun starfa, aukinn kaup-
mátt og meiri lífsgæði að leiðarljósi. Íslenskt atvinnulíf hefur verið læst í fjármagnshöftum um nærri fimm ára skeið sem
skýrir að stórum hluta þá stöðnun sem ríkt hefur hérlendis á þessum tíma. Haftalæsing Íslands stafar að miklu leyti af
aflandskrónum í eigu erlendra aðila, einkum svonefndra vogunarsjóða og bankastofnana, sem þeir hafa ekki komist með
úr landi. Þessar krónueignir eru oft í daglegu tali kallaðar “Snjóhengjan“.
Afnám gjaldeyrishafta Lækkun skatta Lækkun opinberra skuldaAukinn kaupmáttur
Snjóhengjan
Aflandskrónur í eigu erlendra aðila sem nema um 800 til 1.000
milljörðum eru í daglegu tali nefndar Snjóhengjan. Þessar fjárhæðir eru
í dag fastar vegna gjaldeyrishafta á Íslandi. Hér er um svo stórar
fjárhæðir að ræða að með engu móti er hægt að ætla það að landsmenn
geti reitt fram þann gjaldeyri sem þarf til að skipta þessum krónu-
eignum á núverandi gengi Seðlabanka Íslands. Upptaka á erlendum
gjaldmiðli mun ekki leysa þennan vanda og því er mikilvægt að
hagstæðir samningar náist við eigendur þessara aflandskróna.
Tækifærið er núna
Uppgjöri á þrotabúum gömlu bankanna fer senn að ljúka. Reikna má
með að uppgjörinu ljúki með útgreiðslu til erlendra kröfuhafa á eignum
þrotabúanna. Í þrotabúunum í dag eru yfir 2.000 milljarðar í erlendum
eignum og 400 milljarðar af íslenskum krónum, eða helmingur af
Snjóhengjunni. Mikilvægt er því að ná niðurstöðu samhliða því að
kröfuhafar óski eftir að fá erlendar eignir þrotabúanna leystar til sín.
Samningsstaðan er sterk
Til þess að geta greitt þessar fjárhæðir úr landi þarf undanþágu frá
lögum um gjaldeyrishöft. Íslenska þjóðin mun bera skaða af um ókomna
tíð ef þessum verðmætum er öllum hleypt úr landi. Það er því mikilvægt
að stjórnvöld standi á rétti þjóðarinnar og heimili ekki erlendum
aðilum að leysa til sín þessar eignir, nema að hagstæð niðurstaða náist
hvað varðar krónueign þessara erlendu aðila á Íslandi. Við virðum
eignarétt þessara aðila, en til að veita undanþágu frá gildandi lögum er
nauðsynlegt að semja um slíkt.
Eitt stærsta hagsmunamál Íslendinga
Tækifærið felst í því að semja um krónueignir samhliða því að
nauðasamningar klárist við þrotabú gömlu bankanna. Íslendingar þurfa
að standa á réttindum sínum og tryggja að stjórnmálamenn nýti
tækifærið sem er í dag til að losa þjóðina undan höftum. Ef gömlu
þrotabúunum verður heimilt að færa eignir úr landi, mun Ísland glata
samningsstöðu sinni og tækifærinu til að lækka skuldir ríkisins.
Hagstæð lausn á Snjóhengjunni skiptir íslenska þjóð sköpum. Við
megum ekki gefa eftir rétt okkar eða veita undanþágur frá lögum nema
að við náum hagstæðum samningum. Við skorum því á stjórnmálamenn
að sýna þessu máli festu og tryggja hagstæða lausn samhliða
uppgjörum á gömlu bönkunum.
Snjóhengjan er eitt stærsta hagsmunamál Íslendinga fyrr og síðar og
getur hagstæð lausntryggt Íslendingum verulega bætt lífskjör um
komandi ár.
Rekstur
Háskóla Íslands
Þorskaflinn
á árinu 2011
Rekstur allra
sjúkrahúsa á Íslandi
Rekstur Háskóla Íslands í 80 ár Þorskafli Íslendinga í 17 ár Rekstur allra sjúkrahúsa í 17 ár
10m* 46m* 47m*
* Allar tölur eru í milljörðum króna