Dagblaðið Vísir - DV - 24.01.2014, Síða 8

Helgarblað 24.–27. janúar 20148 Fréttir
Ásgerður Jóna er saklaus
Krotaði á bíl en olli engum skemmdum
Þ
etta var tilkynnt til lögreglunnar,
að það hafi verið tússað á bíl.
Það var haft samband við að­
ilann og ekkert frekar aðhafst í
málinu, það virðist ekki hafa orðið neitt
tjón af þessu,“ segir Ómar Smári Ár­
mannsson, aðstoðaryfirlögregluþjónn
lögreglunnar á höfuðborgarsvæðinu,
um mál Ásgerðar Jónu Flosadóttur,
framkvæmdastjóra Fjölskylduhjálpar
Íslands, sem viðurkenndi fyrr í sum­
ar að hafa krotað með tússpenna á bíl.
DV sagði frá málinu í júlí í fyrra þar
sem rætt var við Sverri Tómas Bjarna­
son sem sagði að kæra hefði verið lögð
fram í málinu. Þegar DV hafði sam­
band við Sverri Tómas Bjarnason í vik­
unni sagði hann móður sína, Krist­
björgu Steinunni Gísladóttur, hafa lagt
fram kæru í málinu enda eigandi bíls­
ins.
„Ég lagði fram kæru,“ segir Krist­
björg. „Lögreglan hringdi síðan í mig
og spurði hvort ég vildi leggja fram
kæru og ég sagði: Já. Þeir sögðu mér að
það væri ekki svo mikið sem ég hefði
í höndunum. Ég sagði að mér væri al­
veg sama um það því hún viðurkenndi
að hafa gert þetta. Þó svo ég fengi ekk­
ert út úr þessu þá væri þetta hegðun
sem ég gæti ekki samþykkt og á þeim
forsendum væri ég að kæra þessa
hegðun,“ segir Kristbjörg. Hún segir
engar skemmdir hafa orðið á bílnum.
Ómar Smári segir það hafa verið
skilning Kristbjargar að hún hafi kært
málið en yfirleitt sé það metið af lög­
reglu hvort mál sem þessi eru tilkynnt
eða kærð. „Málið er rætt og farið yfir
þetta. Það þarf að kanna hvort það er
tilefni til kæru, svo kemur í ljós að það
er ekki tjón á bílnum og þannig eru
ekki lengur forsendur fyrir kæru. Það
þarf eitthvert brot að vera framið,“ seg­
ir Ómar Smári sem segir Kristbjörgu
vissulega hafa ætlað að kæra í upphafi.
„Hún getur upphaflega hafa komið og
ætlað að kæra. Síðan er það bara bók­
að sem tilkynning og kannað betur og
þá var ekki tilefni til kæru,“ segir Ómar
Smári.
Málið stendur því þannig í dag að
kæran sem Kristbjörg lagði fram var
að endingu bókuð sem tilkynning hjá
lögreglu og málið látið niður falla eftir
rannsókn vegna þess að engin eigna­
spjöll urðu á bílnum.
Ásgerður Jóna gekkst við því í sam­
tali við DV í júlí síðastliðnum að hafa
krotað með tússpenna á bílana en
neitaði að hafa valdið skemmdum á
þeim, sem reyndist raunin. Ásgerður
hafði skrifað „einkabílastæði“ á bíl­
inn því hún var ósátt við að bílnum var
lagt í stæði sem hún sagði vera einka­
stæði. n
„Þetta finnst mér
ekki eðlileg hækkun“
n Leigan hækkaði um 24.000 krónur n Íbúðalánasjóður segist fylgja leiguþróun
Þ
etta finnst mér ekki eðlileg
hækkun,“ segir karlmaður
sem leigir af Íbúðalánasjóði
íbúð í Hafnarfirði. Milli leigu­
samninga hækkaði leiga hans
umtalsvert, eða um rúm tólf prósent.
Við þetta er hann ósáttur og segir að
það gangi þvert á öll markmið og til­
mæli stjórnvalda um að halda niðri
verðlagi á Íslandi.
Íbúðin er, sem áður sagði, í eigu
Íbúðalánasjóðs, en sá sem í henni
býr átti hana þar til hún var seld á
nauðungaruppboði. Eftir að íbúðin
var seld hefur maðurinn búið áfram í
henni og haft leigusamning við sjóð­
inn. Í samningnum er kveðið á um
ákveðna leiguupphæð sem er verð­
tryggð samkvæmt neysluvístölu. Sú
upphæð hefur því verið háð sveiflum,
en nú er svo komið að hækka á leig­
una verulega við manninn.
Mikil hækkun
Í janúar lauk síðasta leigusamningi og
var því kominn tími til að gera nýjan.
Samkvæmt fyrri samningi var leigan
100 þúsund krónur mánaðarlega, en
sem áður sagði bundin verðtryggingu
samkvæmt neysluvísitölu. Það þýddi
að undir lok síðasta mánaðar greiddi
maðurinn um 110 þúsund krónur í
leigu. Við undirritun nýja samnings­
ins var leigan hins vegar hækkuð um­
talsvert. Nú gerði sjóðurinn samning
við manninn og átti hann að greiða
124 þúsund krónur á mánuði með
sömu forsendum og áður. „Þetta
finnst mér ekki eðlileg hækkun,“ segir
maðurinn í samtali við DV. „Mér
finnst þetta mjög mikil hækkun þegar
stefnt er að því að halda að sér hönd­
um varðandi gjaldskrár og varðandi
launahækkanir,“ segir hann. Sjálfur er
hann öryrki og hefur því lítið á milli
handanna. „Þetta finnst mér ekki
eðlileg vinnubrögð í ljósi aðstæðna,“
segir hann og bendir á að ef hann
hefði ekki gengið að þessum samn­
ingi hefði hann misst húsnæðið. Svig­
rúm til samninga hefði ekki verið
neitt.
Ekki gjaldskrá heldur
leigugrunnur
Í svörum Íbúðalánasjóðs kemur fram
að sjóðurinn styðjist ekki við ákveðna
gjaldskrá þegar kemur að því að
ákvarða leigu. Þeir geta ekki tjáð sig
um einstök mál, en segja að leiguverð
miðist við leigumarkað á hverjum
stað fyrir sig. „Leiguverðið er reiknað
út frá leigugrunni Þjóðskrár sem inni­
heldur alla þinglýsta leigusamninga
undangenginna 18 mánaða, að teknu
tilliti til ástands eignar. Leiguverðið
fylgir síðan vísitölu á samningstím­
anum og tekur ekki öðrum breyting­
um á þeim tíma. Markmið sjóðsins er
að fylgja þróun leiguverðs á hverjum
stað og hverjum tíma, bæði til hækk­
unar og lækkunar. Íbúðalánasjóði
er ekki heimilt að niðurgreiða leigu­
verð, heldur ber honum skylda til að
láta leiguverð endurspegla kostnað
við rekstur eignanna. Sjóðurinn leit­
ast við að vera ekki leiðandi í verð­
ákvörðun á markaði heldur fylgi sem
best almennri þróun,“ segir í svari
sjóðsins til blaðsins.
Bjarni vill ekki hækkanir
Á dögunum ritaði Bjarni Benedikts­
son, fjármála og efnahagsráðherra,
öllum stjórnum fyrirtækja sem eru að
hluta eða öllu leyti í ríkiseigu, bréf þar
sem hann fór þess á leit að fyrirtækin
hækkuðu ekki gjaldskrár sínar. „Mik­
ilvægt er að fyrirtæki í ríkiseigu taki
virkan þátt í þeirri viðleitni að draga
úr hækkun verðlags og efni ekki til
hækkana umfram það sem algjörlega
nauðsynlegt getur talist. Ljóst er að
eigi fyrirætlanir um lágar nafnlauna­
breytingar og aukinn kaupmátt að
ganga eftir er nauðsynlegt að draga úr
eða koma í veg fyrir eins og mögulegt
er hækkanir sem áhrif hafa á afkomu
launþega,“ sagði Bjarni. Segja má að
Íbúðalánasjóður sé ekki ríkisrekið
fyrirtæki, en þó ríkisrekinn sjóður.
„Miðað er við að gjaldskrárhækkanir
ríkisins verði undir verðbólgumark­
miði Seðlabanka Íslands næstu tvö
árin,“ segir Bjarni sem að auki hvatti
til þess að: „Fyllsta aðhalds verði gætt
varðandi breytingar á gjaldskrám og
að þær ákvarðanir um gjaldskrár­
breytingar sem þegar hafa verið
ákveðnar verði endurmetnar í ljósi
ofangreindra markmiða.“ n
Ásta Sigrún Magnúsdóttir
astasigrun@dv.is
Fylgja leiguskriði
Hækkun á leigu hjá
Íbúðalánasjóði fylgir
leiguþróun.
Vill halda verðbólgu
í skefjum Bjarni hefur
mælst til þess að gjald-
skrár verði ekki hækkaðar.
Hafnarfjörður Sá sem DV ræddi við var þó verulega ósáttur og taldi hækkunina umtals-
verða í ljósi aðstæðna í samfélaginu.
„Þetta finnst mér
ekki eðlileg vinnu-
brögð í ljósi aðstæðna.
Krotaði á bíl Ásgerður
Jóna skrifaði með tússpenna
á bíl í júlí í fyrra. Hún var
ósátt við hvar eigandinn
hafði lagt bílnum.
Ákærður
í skugga
Metro-fléttu
Aðalmeðferð í máli ákæruvalds­
ins á hendur Jóni Garðari Ög­
mundssyni, fyrrverandi rekstrar­
stjóra McDonald's á Íslandi og
fyrrverandi eiganda Metro, fór
fram í Héraðsdómi Reykjavíkur á
fimmtudag.
Jón Garðar er ákærður fyrir
að hafa sem stjórnarmaður og
framkvæmdastjóri Lystar ehf.
ekki staðið við skil á opinberum
gjöldum – tekjuskatti og útsvari –
sem tekin voru af launum starfs­
manna.
Í ákæru segir að Jón Garðar
hafi ekki staðið skil á 22 milljón­
um og 560 þúsund krónum af
opinberum gjöldum Lystar ehf.,
en félagið sá um rekstur skyndi­
bitastaðarins Metro. Meint brot
áttu sér stað frá apríl 2009 og
fram í maí 2010.
Lyst varð gjaldþrota í maí árið
2010 og var rekstur Metro seldur
með öllu til félagsins Líf og heilsa
ehf.
DV greindi frá því árið 2010 að
félagið væri í eigu kærustu Jóns
Garðars, Ásgerðar Guðmunds­
dóttur, en engar skuldir fylgdu
með kaupunum og urðu þær eft­
ir í hinu gjaldþrota félagi.
Alls námu kröfur í Lyst rúm­
um 379 milljónum króna en
3,2 prósent af veðkröfum feng­
ust greiddar. Átta prósent for­
gangskrafna fengust greiddar en
ekkert fékkst upp í almennar og
eftirstæðar kröfur.
Í febrúar í fyrra var Líf og
heilsa svo einnig tekið til gjald­
þrotaskipta og er skiptum fé­
lagsins ekki lokið. Félagið M­
Veitingar ehf., stofnað í október
2012 og í eigu Adolfs Aduld­
ech Jóhannessonar, sér nú um
rekstur Metro.
Ákæruvaldið lítur á meint
undanskot Jóns Garðars sem
meiriháttar skattalagabrot.
4,4 prósenta
atvinnuleysi
Samkvæmt Vinnumarkaðsrann­
sókn Hagstofu Íslands voru í des­
ember 2013 að jafnaði 185.100
manns á vinnumarkaði. Af þeim
voru 176.900 starfandi og 8.200 án
vinnu og í atvinnuleit. Atvinnu­
þátttaka mældist 80,9 prósent,
hlutfall starfandi 77,3 prósent og
atvinnuleysi var 4,4 prósent. Sam­
anburður mælinga í desember
2012 og 2013 sýnir að atvinnu­
þátttaka jókst um 0,8 prósentustig
og hlutfall starfandi um 1,6 pró­
sentustig. Hlutfall atvinnulausra
minnkaði á sama tíma um 1,1
prósentustig. Frá þessu er greint á
vef Hagstofu Íslands.