Dagblaðið Vísir - DV - 24.01.2014, Page 15

Helgarblað 24.–27. janúar 2014 Fréttir 15
Víkur ekki undan gagnrýni
Eftirminnileg ummæli
Björn Bragi Arnarson er ekki sá eini sem hefur látið eftirminnileg ummæli falla í beinni útsendingu. Ýmislegt hefur verið sagt í
hita leiksins sem skapað hefur heitar umræður í kjölfarið og jafnvel heilt atriði í Áramótaskaupinu. Blaðamaður DV tók saman
nokkur ummæli sem vöktu athygli og lifa enn í fersku minni.
„Íslenska landsliðið er eins og
þýskir nasistar árið 1938. Við erum
að slátra Austurríkismönnum.“
Björn Bragi Arnarson lét þessi ummæli
falla í EM-stofunni á RÚV að loknum
fyrri hálfleik Íslands og Austurríkis á
EM í handbolta sem fram fer um þessar
mundir. Björn Bragi baðst strax afsökunar
á ummælum sínum sem hafa vakið athygli
utan landsteinana og urðu til þess að
HSÍ, handknattleikssamband Austurríkis
og handknattleikssamband Evrópu hafa nú
skipulagt tvo vináttulandsleiki í apríl til að
undirstrika samstarfsvilja samtakanna.
„Það er mikil fátækt í
þessu landi og þetta eru
mestmegnis glæpamenn
[…] þessi þjóð er ekki
upp á marga fiska.“ Þessi
orð lét Aron Einar Gunnarsson,
fyrirliði íslenska karlalandsliðsins í
knattspyrnu, falla um Albani í viðtali við Fótbolti.
net fyrir leik Íslands og Albaníu í október 2012. Um-
mælin vöktu mikla athygli og reiði margra
en Aron baðst afsökunar á þeim
skömmu síðar og
sagði að sér
hefðu
orðið á mistök. Aron ætti því að skilja vel hvernig Birni
Braga líður í kjölfar sinna óheppilegu ummæla en Aron
skrifaði þeim síðarnefnda eftirfarandi skilaboð á Twitt-
er vegna málsins: „Veit hvernig þér líður kæri vinur.“
„Ísland er ekki lítið land.
Ísland er stórasta land í
heimi.“ Forsetafrúin Dorrit
Moussaieff var himinlifandi yfir
árangri íslenska karlalandsliðsins
í handbolta á Ólympíuleikunum í
Peking árið 2008. Þessi orð lét hún
falla í beinni útsendingu á RÚV þegar íslenska liðið hafði
náð að tryggja sér þátttöku í úrslitaleik Ólympíuleik-
anna með sigri á Spánverjum í undanúrslitum.
„Stjórnmálaflokkar eru kosnir
til fjögurra ára í senn. Þegar
verið er að ræða svona brýn
mál þá er strax kannski
teygjanlegt hugtak.“
Vigdís Hauksdóttir, þingkona
Framsóknarflokksins, uppskar
hörð viðbrögð vegna þessara orða en
þau lét hún falla í Kastljósi í október 2013 þegar hún var
spurð hvað hún hefði átt við þegar hún lofaði því fyrir
kosningarnar síðasta vor að 12 til 13 milljarðar króna
yrðu settir „strax“ inn í rekstur Landspítalans.
„Hann er algjört fífl þessi
maður og dóni.“ Geir H.
Haarde, þáverandi forsætis-
ráðherra, kallaði fréttamann-
inn Helga Seljan fífl og dóna
á blaðamannafundi í Iðnó í
október 2008. Geir hvíslaði orðin
í eyru Urðar Gunnarsdóttur upplýs-
ingafulltrúa og virtist ekki gera sér grein fyrir
því að kveikt væri á hljóðnemanum svo að
allir í salnum heyrðu hvað hann sagði.
„Sjálfstæðis­
menn eru
menn sem
vilja græða
á daginn
og grilla á
kvöldin.“
Hannes Hólm-
steinn Gissurarson kom með
þessa skemmtilegu greiningu
á sjálfstæðismönnum í
viðtali á Stöð 2 í apríl
2009. Hannes ræddi
þar um muninn á
hægri- og vinstri-
mönnum og sagði
auk ofangreindra
orða: „Vinstrimenn
eru menn sem halda
að með masi og
fundarhöldum og
ljóðalestri þá sé
hægt að leysa ein-
hverjar lífsgátur“.
„Ég snappaði
bara. Ég löðr­
ungaði hann
bara þvert og
yfir moldar­
beðið.“ Ragnar
Hauksson kom í
eftirminnilegt viðtal í
Kompás í maí 2008 þar
sem hann ræddi líkamsárás
á hendur Guðmundi Jónssyni, fyrrver-
andi forstöðumanni Byrgisins. Tveimur
vikum fyrir viðtalið hafði Ragnar
ráðist á Guðmund en eiginkona
Ragnars var ein þeirra fjögurra kvenna
sem Guðmundur var dæmdur fyrir að
brjóta gegn í Byrginu.
„Hvaðan kom hann? Hvert er hann að fara?
Hvað er hann?“ Adolf Ingi Erlingsson gat ekki hamið
sig þegar Alexander Petersson stöðvaði hraðaupphlaup
með ótrúlegum hætti í leik Íslands og Póllands á EM í
handbolta í janúar 2010 og lét þessi eftirminnilegu orð
falla.
„Ég er bara mannlegur.“
Bjarni Benediktsson, for-
maður Sjálfstæðisflokksins
og núverandi fjármála- og
efnahagsráðherra, sagði þessi
orð í tilfinningaþrungnu viðtali í
Kastljósi í aðdraganda þingkosning-
anna síðasta vor. Í viðtalinu sagðist Bjarni meðal annars
íhuga afsögn sem formaður Sjálfstæðisflokksins en í
kjölfarið jókst stuðningur við hann mjög innan flokksins.
„Þú ættir að skammast þín,
þú ert óþverri.“ Páll Magnús-
son, fyrrverandi útvarpsstjóri,
kallaði fréttamanninn Helga
Seljan óþverra eftir fund með
starfsmönnum RÚV í kjölfar fjölda-
uppsagna hjá stofnuninni í desember
síðastliðnum. Til átaka hafði komið á milli Helga og
Páls á fundinum en að honum loknum lét Páll þessi orð
falla við útganginn í Efstaleiti, en þar voru fréttamenn
staddir og náðist atvikið því á myndband.
„Guð blessi Ísland.“ Geir H. Haarde, þáverandi for-
sætisráðherra, lauk sjónvarpsávarpi sínu til þjóðarinnar
með þessari frægu setningu, en ávarpið flutti Geir í
kjölfar bankahrunsins þann 6. október 2008. Setningin
hlaut mikil viðbrögð og hafa meðal annars verið gerð
heimildamynd og útvarpsleikrit eftir henni. Geir sagði
síðar að orðin hefðu átt að vera „vinaleg kveðja“ en ekki
trúarleg bón líkt og margir álitu.
„Þú verður nú að horfa
aðeins á leikinn ef þú ætlar
að segja þetta. Ég held
ég sé með sjö mörk úr níu
skotum eða eitthvað, ég
veit ekki hvað þú vilt frá
mér … kannski viltu tíu mörk
úr níu skotum.“ Ólafur Stefánsson
lét þessi orð falla eftir leik Íslands og Austurríkis á EM í
handbolta í janúar 2010. Íþróttafréttamaðurinn Adolf
Ingi Erlingsson sagði Ólaf ekki hafa náð sér almennilega
á strik í undanförnum tveimur leikjum liðsins en Ólafur
svaraði þeirri fullyrðingu á þennan hátt.
„Hún er orðin rauð á brjóstinu
hún er orðin svo upptrekkt
konan.“ Óperusöngvarinn
Kristján Jóhannsson lét þessi orð
falla um sjónvarpskonuna Eyrúnu
Magnúsdóttur í eftirminnilegu
Kastljósviðtali í desember 2004.
Kristján hafði verið gagnrýndur
harkalega fyrir að þiggja greiðslu fyrir
að spila á tónleikum til styrktar krabbameinssjúkum
börnum og varð heitt í hamsi þegar Eyrún spurði hann
út í málið.
„Það er ekki alltaf hægt að
fara heim með sætustu
stelpunni á ballinu, en
önnur gerir kannski sama
gagn.“ Geir H. Haarde, þáver-
andi utanríkisráðherra, sagði
þessa setningu í mars 2006. Um-
mælin vöktu mikla umræðu og voru
meðal annars gagnrýnd af Femínistafélagi Akureyrar
sem krafðist þess að Geir útskýrði hvað hann ætti við
með þessum orðum.
„Við erum að ákveða að
við ætlum ekki að borga
erlendar skuldir óreiðu­
manna.“
Þessi orð lét Davíð Oddsson,
þáverandi formaður
bankastjórnar Seðlabanka
Íslands, falla í Kastljósi daginn
eftir bakahrunið á Íslandi, þann 7.
október 2008 og lét þar með í ljós að
ríkið myndi ekki borga skuldir bankanna.