Dagblaðið Vísir - DV - 07.02.2014, Blaðsíða 18

18 Fréttir Helgarblað 7.–10. febrúar 2014
Flugæfing á
skjálftamælum
Frá klukkan 11.25–11.35 og aftur
11.45–12.00 á miðvikudag varð
vart við óróatoppa á skjálftamæl-
um Veðurstofu Íslands um allt
land. Veðurstofan segir nokkra
hafa sett sig í samband við stofn-
unina og sagst hafa heyrt og
fundið fyrir höggbylgjum. Veð-
urstofan segir að ekki sé um
jarðskjálfta að ræða heldur sé
líklegt að þetta tengist flugæfing-
um NATO sem standa yfir til 21.
febrúar. Um er að ræða þjálfunar-
verkefni sem nefnist Iceland Air
Meet 2014 sem var formlega sett
á mánudag. Þátttakendur Iceland
Air Meet 2014 (IAM2014) koma
frá aðildarríkjum NATO; Íslandi,
Noregi, Hollandi og Bandaríkjun-
um. Einnig taka þátt í æfingunni
flugsveitir frá Finnlandi og Sví-
þjóð sem eru þátttakendur í sam-
starfinu Partnership for Peace.
Hjördís flutt
til Danmerkur
Hjördísi Svan Aðalheiðardóttir
var handtekin á miðvikudag
af dönskum lögreglumönnum
og flutt til Danmerkur. Hjördís
verður færð fyrir dóm í Horsens,
en hún hefur verið ákærð fyrir
mannrán. Hjördís hefur staðið í
áralangri forræðisdeilu við barns-
föður sinn, Kim Laursen. Í sept-
ember 2012 fékk hann forræði yfir
börnunum samkvæmt ákvörðun
danskra dómstóla. Hjördís hafði
umgengnisrétt við börnin en
ákvað að flýja með þau til Noregs
þar sem hún fór huldu höfðu í
tvær vikur áður en hún flúði með
börnin til Íslands í ágúst í fyrra.
Hún sakar föður barnanna um
að beita þau ofbeldi. Gefin var út
norræn handtökuskipun á hend-
ur henni og hafa bæði Héraðs-
dómur Reykjavíkur og Hæstiréttur
Íslands staðfest að skilyrðum væri
fullnægt til að afhenda mætti
Hjördísi dönskum yfirvöldum.
Ríkissaksóknari fól ríkislögreglu-
stjóra að hafa samband við yfir-
völd í Danmörku og biðja þau um
að sjá til þess að handtökuskipun-
in næði fram að ganga.
Strandaði í
höfninni
Flutningaskipið Green Maloy
strandaði í höfninni á Þórshöfn
um 1.20 aðfaranótt fimmtudags.
Um er að ræða 5.000 tonna flutn-
ingaskip, 109 metra langt, en skip-
ið var á leið úr höfn þegar það
strandaði. Varðskipið Þór var sam-
stundis kallað út og sigldi til að-
stoðar. Engin mengun var sjáanleg
og björgunarsveitir voru fengnar
til að vakta skipið. Skipið losnaði
af sjálfsdáðum af strandstað um
klukkan fjögur um morguninn og
var þá varðskipinu Þór snúið við.
Höfnuðu þriggja
prósenta hækkun
n Framhaldsskólakennarar höfnuðu kjaraviðbót árið 2012
S
egja má að samskipti samn-
inganefndar framhalds-
skólakennara og samn-
inganefndar ríkisins séu við
frostmark eftir fund þeirra á
miðvikudag. Alvarlegar ávirðingar
fljúga á milli samninganefndanna
í fjölmiðlum. Það bætir að auki
ekki stöðuna að í nóvember 2012
höfnuðu framhaldsskólakennar-
ar þriggja prósenta launahækkun.
Það sem þeim stendur til boða í dag
er aðeins 2,8 prósenta hækkun, sú
sama og launþegar innan ASÍ hafa
margir samið um meðal annars við
Samtök atvinnulífsins.
SA standa fast á því að ekki sé
svigrúm til annarra launahækk-
ana og virðist ríkið taka sama pól í
hæðina. Samningar ASÍ við SA voru
sem kunnugt er mjög umdeildir og
hafa mörg stéttarfélög innan ASÍ
hafnað þeim. Ljóst er að þessi pró-
sentutala leggur línurnar fyrir aðra
kjarasamninga. Kennarar segjast
ekki sætta sig við neitt nema launa-
leiðréttingu og telja að það feli í sér
að minnsta kosti sautján prósenta
hækkun. Þá myndu þeir vera á pari
við starfsmenn ríkisins sem eru í
BHM, Bandalagi háskólamanna, en
samningar þeirra eru einnig laus-
ir. Ætla má að 20 prósenta hækk-
un hið minnsta myndi vera keppi-
kefli kennara, það er 17 prósenta
launaleiðrétting og að minnsta
kosti þriggja prósenta hækkun. Slík
hækkun virðist ekki vera á borðinu
hjá stjórnvöldum.
Höfnuðu tillögum
Sú þriggja prósenta launahækkun
sem framhaldsskólakennarar höfn-
uðu árið 2012 fylgdi samningi við
fjármálaráðherra sem sneri að
breytingum á vinnutíma og vinnu-
mati kennara og greiðslur vegna
námskrárbreytinga, en lög um nýja
námskrá voru samþykkt árið 2008.
Í reynd var ekki um að ræða eigin-
legan kjarasamning heldur viðbót
við kjarasamning sem gerður var
árið 2011 við kennara.
Samningurinn gekk að mestu út
á það að kennarar fengju þriggja
prósenta hækkun, auk hækkunar
sem kjarasamningurinn frá 2011
hafði kveðið á um. Samhliða því átti
að fara fram skoðun á vinnutíma-
samkomulagi, sem og námskrár-
breytingar.
Samkvæmt heimildum DV litu
sumir kennarar á þessa þriggja pró-
senta hækkun sem leiðréttingu, en
aðrir voru ekki tilbúnir að ganga að
henni og litu þeir þannig á að hún
væri skilyrt umræðunni um vinnu-
tímabreytingar. Þeir töldu að ekki
ætti að kjósa sérstaklega um slíka
hækkun, ef ríkið vildi hækka laun
framhaldsskólakennara ætti að gera
það og kennarar þyrftu ekki sérstak-
lega að kjósa um það.
Ekki hefði átt að setja hækkunina
og endurskoðunina á vinnutímanum
undir sama hatt og sömu kosningu,
um væri að ræða tvennt ólíkt. Svo
fór að samningurinn var kolfelldur.
74 prósent þeirra kennara sem tóku
þátt í kosningunni höfnuðu samn-
ingnum og aðeins 22,3 prósent sam-
þykktu hann.
Segir formann segja ósatt
Gunnar Björnsson, formaður
samninganefndar ríkisins, sagð-
ist í samtali við Morgunblaðið hafa
miklar áhyggjur af málflutningi
formanns Félags framhaldsskóla-
kennara, Aðalheiðar Steingríms-
dóttur. Hann segir Aðalheiði brjóta
trúnað um samningaviðræðurn-
ar og segir að hún greini ekki rétt
frá því sem fram hafi farið á samn-
ingafundum hjá ríkissáttasemjara.
„Þetta finnst okkur því mjög alvar-
legt, ekki síst þegar hún afflytur og
segir ekki rétt frá. Sú frásögn sem
höfð er eftir henni af þessum fundi
er í verulegum atriðum frábrugðin
því sem fram fór á fundinum,“ sagði
Gunnar við Morgunblaðið, en Að-
alheiður sagði samninganefnd rík-
isins hafa verið óundirbúna og að-
eins lagt fram sama boð og síðast og
samninganefnd kennara hafi ítrek-
að hafnað. Um er að ræða títtnefnt
2,8 prósenta boð. Aðalheiður sagði
þá hafa komið tómhenta til fundar-
ins. Tilraunir DV til að ná í Aðalheiði
Steingrímsdóttur báru ekki árangur
á fimmtudag.
Baráttuhugur kennara
Í samtölum DV við framhaldsskóla-
kennara kemur fram mikill baráttu-
hugur, sérstaklega eftir samstöðu-
fund sem haldinn var á mánudag í
flestum skólum landsins. Fyrir þann
fund voru margir mjög tvístígandi
en mikill hugur var í fólki að fundi
loknum. Nokkrir kennara sem DV
ræddi við óttast að í ljósi þess hvern-
ig samningar ASÍ hafa farið hafi þeir
ekki endilega stuðning samfélagsins
gagnvart verkfalli. Þrátt fyrir að mörg
aðildarsamtök ASÍ hafi fellt kjara-
samningana hafi mörg staðfest þá.
Þá eru þeir einnig minnugir þess að
árið 2004 setti þáverandi fjármála-
ráðherra lög á verkfall grunnskóla-
kennara. Framhaldsskólanemendur
tóku sér mótmælastöðu fyrir utan
Alþingi á fimmtudag og hvöttu til
þess að staðið væri með kennurum
í kjarabaráttu þeirra. Troðfullt var
af ungmennum sem létu vel í sér
heyra meðal annars með trumbu-
slætti. Þeir nemendur sem DV hef-
ur rætt við og stefna á útskrift eru
uggandi yfir stöðunni og óttast að
þurfa að fresta útskrift verði af löngu
verkfalli. Flestir segjast þó styðja
kennara og vonast til að deilan
leysist sem fyrst. n
Ásta Sigrún Magnúsdóttir
astasigrun@dv.is
Létu í sér heyra
Framhaldsskóla nemendur
hvöttu kennara sína áfram
á fimmtudag og létu í sér
heyra við Alþingishúsið.
Mynd Sigtryggur Ari
Grunnskólakennarar vilja
samning til 2017
Samninganefndir Félags grunnskóla-
kennara og Sambands íslenskra sveitar-
félaga hafa ákveðið að ræða möguleika
á gerð kjarasamnings til ársins 2017.
Markmið samningsins mun vera að
hækka laun grunnskólakennara til jafns
við aðrar háskólamenntaðar stéttir á
samningstímanum.
Ólafur Loftsson, formaður Félags
grunnskólakennara, greindi frá þessu
í bréfi til kennara á fimmtudag. Með
þessu á að ná því fram að laun grunn-
skólakennara verði sambærileg launum
annarra háskólamenntaðra stétta.
Funduðu Kennarar funduðu vegna samningaviðræðna í kjaradeilu á mánudag.Mynd Sigtryggur Ari