Dagblaðið Vísir - DV - 07.02.2014, Blaðsíða 34

6 Vetrarsport
Á
Íslandi hefur brimbretta­
iðkun verið stunduð í mörg
ár og sums staðar á landinu
aðstæður eins og þær ger­
ast bestar í heiminum. Fáir
gera sér grein fyrir því að hægt er
að fara á brimbretti við strendur Ís­
lands allan ársins hring. Sveinn Orri
Sveinsson er á meðal þeirra sem
stunda sportið og segir það bæði
ódýrt og skemmtilegt.
„Þetta er ódýrt og stutt að rúlla
úr Reykjavík í Þorlákshöfn,“ segir
Sveinn Orri sem fer um það bil einu
sinni í mánuði á brimbretti.
„Best er þó að fara á haustin, þá
er sjórinn enn heitur eftir sumarið
og öldurnar farnar að stækka en það
er ágætt að fara núna. Við klæðumst
göllum sem koma í veg fyrir að okkur
verði kalt. Við höfum meira að segja
farið að kafa í Silfru þar sem vatnið er
aðeins tveggja gráðu heitt. Sjórinn er
kaldur núna, hann er átta gráður, en
það er samt gaman að skreppa.“
Best finnst Sveini Orra að fara á
brimbretti við Þorlákshöfn og þang­
að hefur hann vanið komur sínar.
Hann segir brimbrettaiðkun við Þor­
lákshöfn svipaða og á Kanarí.
„Það er enginn munur, nema það
er hlýrra á Kanarí,“ segir hann og
hlær. „Þetta eru alls staðar sömu lög­
málin, lægðir sem búa til öldur.“
Hann mælir með því að þeir sem
ætla sér að stunda sportið fari fyrst
á byrjendanámskeið til þess að læra
réttu tökin. Eftir það sé ódýrt að
koma sér upp búnaði.
„Ég hafði gott af því að fara á
námskeið, var svolítið lengi að læra
að standa á brettinu, en um leið
og það tókst þá var ég komin vel af
stað. Ég keypti mér svo galla úti á 30
þúsund krónur og brettið keypti ég
notað á svipaða upphæð. Það má
stunda þetta sport á mjög ódýran
máta.“ Brimbrettasportið er stundað
bæði af stelpum og strákum. „Ég hef
platað konuna með á bretti, það er
mjög rómantískt sport að stunda
saman.“ n kristjana@dv.is
Helgarblað 7.–10. febrúar 2014
Ódýrt og skemmtilegt
Sveinn Orri mælir hiklaust
með því að prófa að fara
að brimbretti við Íslands-
strendur.
Enginn munur á Kanarí og Þorlákshöfn
Sveinn Orri fer á brimbretti í Þorlákshöfn
Brimbrettastrendur landsins Á
vefsíðunni Surf.is má sjá helstu brimbretta-
strendur landsins fyrir utan Þorlákshöfn.
Þ
ú ert að takast á við alveg
ótrúlegustu vandamál sem
þú þarft að leysa eins og
stærðfræðiþraut: líkamlega,
andlega og allan pakkann.
Þetta er eins og að takast á við öll
vandamál ársins á kannski 50 metr­
um,“ segir Páll Sveinsson sem hefur
stundað ísklifur í 35 ár.
Frábært að klifra á Íslandi
Dags daglega starfar Páll við upp­
setningu hugbúnaðar og kennslu,
en á veturna notar hann frítíma sinn
í að klifra í frosnum fossum lands­
ins. Hann segir mikið hafa breyst
síðan hann hóf að stunda ísklifur
undir lok áttunda áratugarins: tækn­
in, búnaðurinn og þekking fólks. Þá
voru bara örfáir sem stunduðu ísklif­
ur, en þó fjöldinn hafi aukist er það
ennþá lítill, þröngur hópur fólks sem
iðkar íþróttina af einhverri alvöru.
Þrátt fyrir óútreiknanlegt veður seg­
ir Páll aðstæður til ísklifurs á Íslandi
vera frábærar svo engin þörf sé á því
að ferðast til útlanda til að stunda
sportið. „Þú getur í rauninni klifrað
úti um allt land. En kjarninn af þeim
sem stunda þetta er í Reykjavík,
þannig að það er langmest klifrað í
eins til tveggja tíma bíltúr fjarlægð frá
Reykjavík. Hvalfjörðurinn er náttúr­
lega bara eitt leikfangaland eins og
hann leggur sig. Það er alveg óhemju
mikið og fjölbreytt klifursvæði þar.“
Mögulegt er að stunda ísklifur í allt
að sex mánuðum en besti tíminn er
í desember og janúar.
„Ekki hættulegra en hvað annað“
Fólk kemst oft í hann krappan í
klifrinu og ýmislegt óvænt getur
komið upp á. „Þá kemur svona pínu
aukahjartsláttur, en þegar allt kemur
til alls er þetta bara áskorun og mað­
ur þarf að finna út úr því hvern­
ig maður ætlar að leysa hana. Það
er þessi ofboðslega andlega og lík­
amlega áskorun, og yfirleitt meira
andleg en líkamleg, sem mönn­
um finnst svona gaman að takast á
við,“ segir Páll. Hann gerir þó ekki
mikið úr hættunni sem fólk ímynd­
ar sér að fylgi ísklifri. „Þetta er bara
nákvæmlega eins og með eiginlega
allar íþróttir. Ef þú ferð í fótbolta en
hefur ekki spilað í þrjú ár þá eru all­
ar líkur á að þú meiðir þig. Ef þú veist
hvað þú ert að gera og ert í þjálfun
þá er þetta ekki hættulegra en hvað
annað. En ef þú ert óreyndur og ekki
í þjálfun þá er þetta afspyrnuhættu­
legt sport. Raunverulega er ísklifur
bara eins og dans, ballett, að hjóla
eða hvað það er, ef þú ert ekki með
grunntækniatriðin á hreinu þá gerir
þú allt vitlaust og þá ertu að eyða svo
ofboðslega mikilli orku að þú getur
ekki einu sinni borað í nefið þegar
þú kemur heim.“
Fyrstu skrefin
– björgunarsveit eða námskeið
Ólíkt sumum öðrum íþróttum getur
maður því ekki stokkið til einn síns
liðs og byrjað að klifra í fossum.
En hver eru þá fyrstu skrefið fyrir
fólk sem hefur áhuga á að kynnast
sportinu? „Einfalda leiðin er að
ganga í björgunarsveit þar sem þú
ert skólaður í öllum öryggisatriðum
og tækniatriðum og svo er þér sleppt
lausum, en þá ertu að sama skapi
búinn að kynnast fjölda fólks. Hin
leiðin er að fara á námskeið. Íslensk­
ir fjallaleiðsögumenn eru til dæmis
með prógramm. Þú getur líka farið
á klifurnámskeið í Klifurhúsinu og
getur svo þreifað þig áfram, farið inn
í Íslenska Alpaklúbbinn og kynnst
því sem er í gangi,“ segir Páll. „Þetta
snýst fyrst og fremst um að koma sér
í góðan félagsskap. Þú getur ekki gert
þetta einn, þú verður að vera í góð­
um hóp með félögum sem þú treystir
vel, ekki vera að pukra bara einn úti
í horni.“ Byrjunarkostnaðurinn sem
þarf að greiða fyrir verulega góð­
an búnað sem endist jafnvel í ára­
tug getur verið frá 500.000 og upp í
700.000 krónur, en mögulegt er að
kaupa allt notað fyrir um tvö hund­
ruð þúsund krónur. En Páll efast ekki
um að þeim peningum sé vel varið.
„Gleðin sem þú færð til baka gerir
þetta hverrar krónu virði.“ n
Klifur bæði andleg
og líkamleg áskorun
n Ekki hættulegra en aðrar íþróttir n Tekist á við öll heimsins vandamál á 50 metrum
Kristján Guðjónsson
kristjan@dv.is
Pínu aukahjartsláttur Róbert Halldórsson klifrar á ísklifurhátíð í Haukadal um síðustu
helgi. Mynd HElGi EGilSSOn
Á fjalli „Þú getur í
rauninni klifrað úti um
allt land,“ segir Páll.
Mynd FacEBOOK PÁll SvEinSSOn
„Ef þú veist hvað
þú ert að gera og
ert í þjálfun þá er þetta
ekki hættulegra en hvað
annað.
líkamleg og andleg
áskorun Páll Sveinsson
hefur stundað ísklifur í
35 ár. Mynd HElGi EGilSSOn
Ísklifurturn Rúna Thorarensen klifrar upp
ísklifurturninn í Grafarvogi. Mynd HElGi EGilSSOn