Dagblaðið Vísir - DV - 07.02.2014, Blaðsíða 21

Fréttir Erlent 21Helgarblað 7.–10. febrúar 2014
A
llt frá því Indlandi var
skipti upp í tvö sjálfstæð
ríki – Pakistan og Ind-
land – árið 1947 hefur
héraðið Kasmír verið bit-
bein þessara landa. Stærstur hluti
landsvæðisins tilheyrir Indlandi
en Pakistan hefur frá upphafi vé-
fengt tilkall Indlands til héraðsins
þar sem langmestur meirihluti
íbúanna er múslimar. Uppskipt-
ing landsins byggði einmitt á því
að múslimahéruð skyldu tilheyra
Pakistan en hindúahéruð Ind-
landi.
Kjarnorkuríkin tvö hafa háð
þrjú stríð vegna Kasmír-deilunn-
ar en fá landamæri í heiminum
eru jafn víggirt og þau sem skera
Kasmír í tvennt sitthvorum megin
einskismannslands.
Spígspora með alvæpni
Þrátt fyrir að lítið hafi farið fyrir
fréttaflutningi af ástandinu í
Kasmír á síðustu árum geisa þar
enn blóðug átök. Indverski herinn
hefur algjört tangarhald á svæðinu
og benda skýrslur mannréttinda-
samtaka til þess herinn beri ábyrgð
á grófum mannréttindabrotum
gagnvart íbúum héraðsins. Blaða-
maður heimsótti Srinagar, höfuð-
borg Kasmír, í fyrrasumar og kynnt-
ist fólkinu á bak við myndirnar. Þar
má sjá sandpokavirki á hverju götu-
horni og indverska hermenn sem
spígspora með alvæpni um götur,
börn og unglinga sem kasta stein-
um í lögreglu- og hermenn þegar
þeir marsera inn í gamla hluta
borgarinnar, en líka mikla nátt-
úrufegurð, fagurt mannlíf og bak-
pokaferðalanga sem heimsækja nú
svæðið í auknum mæli.
Málstofa um Kasmír
Blaðamaður mun í komandi viku
fjalla enn frekar um ástandið
í Kasmír í tilefni af heimsókn
kasmírska blaðamannsins Fahad
Shah til Íslands. Fahad er ritstjóri
vefmiðilsins The Kashmir Walla
sem hefur meðal annars verið lof-
aður af BBC og Al Jazeera fyrir um-
fjöllun sína um málefni héraðsins.
Fahad mun taka þátt í málstofunni
í Háskóla Íslands föstudaginn 14.
febrúar. DV er á meðal þeirra að-
ila sem standa að málstofunni en
þar munu þeir Jasmin Rexhepi frá
Kósóvó og Mazen Maaroof frá Lí-
banon einnig fjalla þær áskor-
anir sem þeir hafa þurft að horf-
ast í augu við sem blaðamenn á
ófriðarsvæðum. n
n Túristaparadís á átakasvæði n Blaðamaður DV heimsótti Kasmír og kynntist fólkinu þar
andlit Kasmír
Jón Bjarki Magnússon
jonbjarki@dv.is
 Rúpíur? Þessi skondni maður stillti sér upp fyrir myndavélina og
veifaði rúpíum, gjaldmiðli Indverja.
 Unaðslegur kebab Það getur verið gott að taka sér
hvíld frá amstri dagsins og gæða sér á kebab.
 Túristaparadís Indverskum ferðamönnum í Kasmír
fjölgar ört en bátsferð um Dal-vatnið er eitthvað sem allir verða að upplifa.
 Maður
og her Fólk
kippir sér lítið
upp við vígbúna
hermenn sem
fylgjast með
friðsamlegum
mótmælum.
 Framtíð Kasmír Stúlkan var ekki lengi að taka forystu og
stilla sér upp fyrir framan vini sína. Myndin er tekin í gamla hluta Srinagar.
 Stilltu sér upp Þessir drengir í gamla hluta Srinagar kepptu um athygli myndavélarinnar.
 Fjöldi hermanna kemur saman hvar sem mótmæla-
fundur hefur verið skipulagður en lítil mótmæli geta valdið mikilli spennu.
 Reiði barnanna Börn í þorpinu Pattan Palhallan tóku
þátt í mótmælum eftir að einn þorpsbúa, uppreisnarmaður og klerkur, hafði
verið drepinn af indverskum hermönnum.
 Indverskir hermenn eru ekkert allt of ánægðir með
athygli fjölmiðla. Fjölmiðlamenn hafa verið handteknir fyrir störf sín.
Myndir Jón BJarKi
 Krikket
Rétt eins og annars
staðar í Pakistan
eða Indlandi er
vinsælasta íþróttin
í Kasmír krikket.
Þessir drengir nýttu
eftirmiðdaginn í
að spila krikket og
leyfðu útlendingn-
um meira að segja
að prófa.