Dagblaðið Vísir - DV - 18.02.2011, Blaðsíða 4

4 | Fréttir 18.–20. febrúar 2011 Helgarblað
Handklæðaofnar og
sturtuþil á baðkar
EURO handklæðaofn kúptur króm
50x80 cm
13.490
VOTTUÐ GÆÐAVARA
KRANAR OG
HITASTILLAR FRÁ
MARGAR STÆRÐIR
Sturtuglerþil á baðkar
21.900
Bæjarlind 6, Kópavogi, sími 517 6067. Opið mán. - fös. 10 -18, laugard. 11-16.
„Ég hef ekkert upp á Ólínu að klaga.
Hún hefur verið góður félagi í pól-
itík í rúmlega 20 ár og á milli okk-
ar ríkir engin misklíð,“ segir Mörður
Árnason, formaður umhverfisnefnd-
ar. Greint var frá því á fimmtudag
að Ólína Þorvarðardóttir, þingmað-
ur Samfylkingar, hafi stormað út af
fundi umhverfisnefndar „í nokkrum
þjósti þar sem henni ofbauð fundar-
stjórn Marðar“ eins og það var orðað
í frétt Eyjunnar.
Ólína sagði í samtali við DV að
hún vildi ekki tjá sig frekar um málið
við fjölmiðla, málið væri „á milli mín
og Marðar.“
Fundarstjórn Marðar komst í
fréttirnar á mánudag þegar Vigdís
Hauksdóttir, þingkona Framsóknar-
flokksins, gekk út af fundi umhverf-
isnefndar og sagði sig í kjölfarið úr
nefndinni. Sættir náðust þó á milli
Vigdísar og Marðar, eftir að Mörður
skrifaði afsökunarbréf. Mörður steig
einnig í pontu á þingfundi á þriðju-
dag og baðst afsökunar. „Ég vil ...
nefna það hér að ég hef sent þing-
manninum bréf, hann situr með mér
í umhverfisnefnd, og beðið hann af-
sökunar á harðneskjulegri fundar-
stjórn í morgun. Þannig er það bara
og ætla ekki að nefna mér neitt til af-
bökunar í því efni . Ég vil hinsvegar
taka fram að ég tel að orð háttvirts
þingmanns um að formaður um-
hverfisnefndar geri pólitískan mis-
mun í starfi og í fundarstjórn, að þau
séu vanhugsuð.“
Vigdís féllst á afsökunarbeiðn-
ina og tókust hún og Mörður í hend-
ur að þingfundi loknum. Í kjölfarið
dró Vigdís afsögn sína úr umhverfis-
nefnd til baka.
bjorn@dv.is
Ólína sögð hafa stormað út af fundi umhverfisnefndar:
„Milli mín og Marðar“
Ólína og Mörður Fundarstjórn Marðar hefur verið gagnrýnd nokkuð að undanförnu.
Útlendingar meðvitaðir um rétt sinn:
Bætur með
börnum sem
búa í útlöndum
Erlendir ríkisborgarar af EES-svæð-
inu, sem eru í vinnu hér á landi,
eiga rétt á barnabótum frá íslenska
ríkinu þrátt fyrir að börnin hafi
bæði lögheimili og aðsetur í heima-
landinu og aldrei komið hingað til
lands. Það gildir bæði um einstæða
foreldra og hjón þar sem annar að-
ilinn býr í heimalandinu og sér um
börnin.
Samkvæmt upplýsingum frá
ríkisskattstjóra er um að ræða jafn-
háar bætur og ef börnin byggju hér
á landi. Það gilda sömur reglur og
skerðingarmörkin eru þau sömu.
Ef um er að ræða einstætt
foreldri þá eru reiknaðar barna-
bætur fyrir árið 2011 með einu
barni 253.716 krónur. Með hverju
barni umfram eitt barn bætast við
260.262 krónur. Sé um að ræða
börn yngri en sjö ára bætast 61.191
króna með hverju barni.
Ef um hjón er að ræða eru bæt-
urnar 152.331 króna með einu
barni en 181.323 krónur með
hverju barni umfram það. Viðbót-
arbætur fyrir börn yngri en sjö ára
eru þær sömu.
Einstætt foreldri með þrjú
börn undir sjö ára aldri á því rétt
á 957.813 krónum á ári í barna-
bætur, séu tekjur þess undir 1,8
milljónum króna á ári, þrátt fyrir að
börnin séu í umsjá annarra aðila í
heimalandinu á meðan foreldrið er
í vinnu hér á landi.
Starfsmaður á skrifstofu rík-
isskattstjóra segir útlendingana
venjulega vera mjög meðvitaða um
þennan rétt sinn þrátt fyrir að hann
sé ekki kynntur sértaklega nema
á vef ríkisskattstjóra og í bæk-
lingi sem gefinn var út á nokkrum
tungumálum. Starfsmaðurinn segir
ástæðuna líklega vera að félags-
málayfirvöld í heimalandinu séu
fljót að láta skjólstæðinga sína vita
af þessum rétti sínum í vinnuland-
inu. Það má því ætla að flestir er-
lendir ríkisborgarar sem eru í vinnu
hér á landi nýti sér þennan rétt.
Ingibjörg Pálmadóttir athafnakona
tapaði rúmum fjórtán milljónum
króna á rekstri 101 Hótels við Hverfis-
götu 8 til 10 árið 2009. Þetta kemur
fram í ársreikningi rekstrarfélags hót-
elsins, 101 Hótels ehf., sem skilað var
til ársreikningaskrár þann 7. janúar
síðastliðinn. Ingibjörg er eiginkona
fjárfestisins Jóns Ásgeirs Jóhannes-
sonar og eiga þau fasteignina í sam-
einingu. Rekstrarfélag hótelsins er
hins vegar skráð á Ingibjörgu eina.
Í ársreikningnum kemur fram að
eignir félagsins nemi tæpum 70 millj-
ónum og að eigið fé félagsins sé nei-
kvætt um sem nemur rúmum 152
milljónum króna. Staða félagsins er
því alls ekki góð. Í skýrslu stjórnar
kemur fram að félagið eigi í viðræðum
við lánardrottna sína um „fjárhags-
lega endurskipulagningu og eftirgjöf
skulda“. Jafnframt kemur fram að Ingi-
björg hafi ætlað að leggja félaginu til
aukið hlutafé og að stefnt hafi verið að
því að eiginfjárstaðan yrði jákvæð í lok
árs 2010.
Rúmlega 220 milljóna skuldir
Heildarskuldir eignarhaldsfélags-
ins nema nærri 222 milljónum króna
samkvæmt ársreikningnum. Á móti
þessum skuldum eru eignir sem nema
69 milljónum – félagið á ekki fasteign-
ina sem hýsir hótelið líkt og áður seg-
ir heldur er hún skráð á Ingibjörgu og
Jón Ásgeir persónulega. Stærstu eign-
ir félagsins eru viðskiptakröfur upp á
rúmar 40 milljónir og og handbært fé
upp á nærri 19 milljónir króna.
Félagið IP Studium, sem er í eigu
Ingibjargar, átti fasteignina áður en
hún var færð yfir á hana og Jón Ásgeir
í ársbyrjun í fyrra. IP Studium er jafn-
framt einn af lánardrottnum rekstr-
arfélags hótelsins en í ársreikningi
þess félags fyrir árið 2008 kemur fram
að það á 185 milljóna króna kröfu á
hendur 101 Hóteli ehf.
197 milljóna kyrrsetningargerð
bætist við
Í veðbandayfirliti fasteignarinnar
kemur fram að hún er veðsett upp á
nærri 1,4 milljarða króna hjá Arion
banka, Landsbankanum og Glitni. Á
eigninni hvílir veðskuldabréf frá Ar-
ion banka upp á 350 milljónir króna,
7 milljón dollara tryggingabréf frá
Nýja-Landsbankanum og nærri 197
milljóna kyrrsetningargerð frá Glitni
frá því um mitt ár í fyrra. Tvö síðast-
nefndu veðböndin eru tilkomin vegna
þess að Jón Ásgeir veðsetti íbúð sem
hann keypti í New York með láni frá
Landsbankanum árið 2007 án þess að
bankinn vissi af því og krafðist bank-
inn þess í kjölfarið að tryggingabréfið
yrði fært yfir á hótelið. Hins vegar er
197 milljóna króna kyrrsetningargerð-
in tilkomin vegna þess að Glitnir kyrr-
setti eignir Jóns Ásgeirs til tryggingar á
6 milljarða króna skaðabótakröfu sem
bankinn telur sig eiga á hendur hon-
um og fleirum.
Athygli vekur að í ársreikningi IP
Studium kemur fram að veðsetning-
in á hótelinu sumarið 2009 var láns-
veðsetning í þeim skilningi að félag-
ið lánaði fasteignina á Hverfisgötu
sem veð fyrir tryggingabréfinu frá
Landsbankanum. Í ásreikningnum
segir: „Þann 30. júní 2009 veitti fé-
lagið lánsveð að fjárhæð 7 millj. USD
í fasteign félagsins að Hverfisgötu
8–10.“ Af þessu sést að fasteignin er
afar veðsett og er stærsta veðsetn-
ingin tilkomin vegna annarrar veð-
setningar í New York.
n Rúmlega 14 milljóna tap á 101 Hóteli 2009 n Eigið fé rekstrarfélagsins neikvætt
um rúmar 150 milljónir n Hótelið var fært á nöfn Ingibjargar Pálmadóttur og Jóns
Ásgeirs Jóhannessonar í ársbyrjun 2010 n 1,4 milljarðar króna hvíla á fasteigninni
INGIBJÖRG TAPAR Á
REKSTRI HÓTELSINS
„Þann 30. júní 2009
veitti félagið láns-
veð að fjárhæð 7 millj.
USD í fasteign félagsins
að Hverfisgötu 8-10.
Ingi Freyr Vilhjálmsson
fréttastjóri skrifar ingi@dv.is
1,4 milljarðar hvíla á hótelinu 1,4 millj-
arðar króna hvíla á fasteigninni á Hverfisgötu
8 til 10. Þar af er kyrrsetningargerð á hendur
Jóni Ásgeiri upp á nærri 200 milljónir króna.
Taprekstur á hótelinu Ingibjörg Pálmadóttir tapaði rúmum
fjórtán milljónum króna á rekstri 101 Hótels árið 2009. Eigin-
maður hennar, Jón Ásgeir Jóhannesson, á hótelið með henni.