Dagblaðið Vísir - DV - 15.11.2013, Blaðsíða 24

24 Sport 15.–17. nóvember 2013 Helgarblað
Þessa leikmenn þarf að passa
n Fjórir bestu leikmenn Króata n Allir stórhættulegir
Þeir eru ýmist „on eða off“
n Vonast eftir slæmum anda í króatíska búningsklefanum n Markalaust jafntefli frábær úrslit
Ivan Rakitic
Aldur: 25 ára
Staða: Miðjumaður
Lið: Sevilla
n Ivan Rakitic
hefur tekið mikl-
um framförum
á undanförnum
árum og er fyrirliði
spænska liðsins
Sevilla. Rakitic hefur
verið frábær á yfirstanandi
tímabili þar sem hann hefur skorað sjö
mörk í tólf leikjum með spænska liðinu.
Þetta er skapandi miðjumaður og mjög
duglegur að koma sér í færi. Flestir búast
við því að stærri lið Evrópu muni freista
þess að fá hann í sínar raðir að tímabili
loknu og hafa lið eins og Manchester
United, Liverpool og Tottenham verið
nefnd í því samhengi.
Mario Mandzukic
Aldur: 27 ára
Staða: Framherji
Lið: Bayern München
n Mario Mandzukic
er aðalframherji
besta fótboltaliðs
í heimi, Bayern
München. Það segir
ýmislegt um hans
getu. Mandzukic hefur
spilað vel fyrir Bayern í upphafi
leiktíðar og skorað 8 mörk í 12 leikjum.
Hann hefur ekki skorað eins mikið fyrir
landsliðið en þó skorað 12 mörk í 44 leikjum.
Hann var markahæstur í króatíska liðinu í
undankeppninni með 3 mörk í 10 leikjum.
Mandzukic mun væntanlega láta mikið til
sín taka í leikjunum gegn Íslandi og hann
er leikmaður sem íslensku varnarmennirnir
verða að passa vel.
Luka Modric
Aldur: 28 ára
Staða: Miðjumaður
Lið: Real Madrid
n Luka Modric er stjarna
króatíska liðsins og
leikmaðurinn sem
stjórnar miðjuspil-
inu. Modric hefur
komið við sögu í 13
leikjum Real Madrid
á tímabilinu og
verið í byrjunarliðinu 9
sinnum. Þessi smái en knái
miðjumaður er af mörgum talinn
í hópi bestu miðjumanna heims. Það eina
sem hann hefur verið gagnrýndur fyrir er
hversu fá mörk hann skorar og hversu fáar
stoðsendingar hann gefur. Hann hefur skor-
að 4 mörk og lagt upp 10 mörk í 70 leikjum
með Real Madrid.
Darijo Srna
Aldur: 31 árs
Staða: Hægri bakvörður
Lið: Shakthar
Donetsk
n Darijo Srna er
hokinn af reynslu
og sá leikmað-
ur Króatíu sem
hefur spilað flesta
landsleiki fyrir þjóð sína,
eða 108 talsins. Hann hefur spilað
með Shakthar Donetsk í Úkraínu frá 2003
og leikið tæplega 500 leiki fyrir liðið. Srna
getur leikið sem hægri bakvörður eða hægri
kantmaður og er þekktur fyrir að gefa frá-
bærar fyrirgjafir af hægri vængnum. Ljóst er
að miðjumenn og varnarmenn Íslands verða
að gefa hlaupum hans upp vænginn gaum
og passa að hann komi ekki boltanum fyrir
markið.
Ivan Perisic
Aldur: 24
Staða: Vængmaður
Lið: Wolfsburg
n Ivan Perisic er
þekkur fyrir mikinn
hraða og frábæra
boltatækni. Þá er
hann mjög góður
skotmaður. Perisic
spilaði átta leiki í
riðlakeppninni og var
sex sinnum í byrjunarliði
Króata. Perisic lék með Borussia Dortmund
á árum áður og varð meistari með liðinu
árið 2012. Hann skoraði sjö mörk í deildinni
það tímabil en kom oftar en ekki inn á sem
varamaður. Frá því í janúar hefur Perisic
spilað með Wolfsburg þar sem hann hefur
þótt standa sig ágætlega en meiðsli hafa
þó sett strik í reikninginn hjá honum.
É
g er alinn þannig upp að
ég er alltaf bjartsýnn fyrir
íþróttaleiki,“ segir sjónvarps­
maðurinn litríki og knattspyrn­
umaðurinn fyrrverandi Guð­
mundur Benediktsson. Ísland
mætir í dag, föstudag, Króötum í
fyrri viðureign liðanna um laust sæti
á HM í Brasilíu. Um er að ræða þýð­
ingarmesta landsleik sem karla­
landsliðið hefur spilað.
Guðmundur hefur mikla trú á
strákunum okkar en segir jafnljóst að
leikirnir verði mjög erfiðir. Þegar DV
náði tali af Guðmundi var hann að
kynna sér króatíska liðið. Hann segir
ljóst að hópurinn sem Króatar eru
með sé feikilega öflugur. Hann sér þó
sóknarfæri. „Það sem maður hefur
séð og kynnst í gegnum árin, með lið
frá þessum löndum, er að þeir eru
ýmist „on eða off“. Þeir eru annað­
hvort í fýlu eða glaðir – lítið í ein­
hverju millibilsástandi. Síðustu leik­
ir hafa gengið illa hjá þeim og ég er
að gæla við að það séu í hópnum ein­
hverjar leifar af leiðindum eða þung­
lyndi – jafnvel þó nýr þjálfari sé tek­
inn við,“ segir Guðmundur kankvís.
0–0 væru frábær úrslit
Sagan segir að fá mörk séu skoruð
í umspilsleikjum sem þessum.
Það væri hins vegar ekki íslenska
liðinu líkt. Leikir Íslands eru yfirleitt
markaleikir. En hvað þarf að ganga
upp svo við náum góðum úrslitum
gegn Króötum? Guðmundur hefur
svarið. „Lykillinn er að spila gríðar­
lega sterkan varnarleik og fá ekki á
okkur mörk. Við megum ekki fá á
okkur fleiri mörk en eitt. 0–0 væru
virkilega góð úrslit fyrir okkur en 1–1
myndi kannski duga líka. 0–0 væru
stórhættuleg úrslit fyrir þá að fara
með til Zagreb. Ef við myndum skora
eitt mark úti – sem ég hef fulla trú á að
við gerum – þá þyrftu þeir tvö.“
Guðmundur bendir á að Króatar
hafi í riðlakeppninni, sem og í leikjun­
um sem liðið lék við Ísland árið 2005,
skorað mikið úr föstum leikatriðum.
Það megi ekki geriast. „Srna fyrirliði er
þeirra hættulegasti maður í þeim efn­
um og getur átt fastar sendingar inn á
teiginn. Króatar eru með nokkra há­
vaxna leikmenn – hátt í tvo metra –
sem eru hættulegir.“
Aðspurður segir Guðmundur að
reynsla geti vegið þungt í einvígum
sem þessum. Þar hafa þeir króatísku
vinninginn. „Þessir leikmenn vita
hvað þarf til en þeir eiga það til að
detta í þá gryfju að vanmeta veik­
ari andstæðinga. Innst inni hef ég þá
trú að þeir líti á Ísland þannig að þeir
þurfi ekki að taka á öllu sínu.“
Myndi treysta honum fyrir öllu
Eina óvissan með byrjunarliðið er
sú að Birkir Már Sævarsson er í leik­
banni. Þar með er hægri bakvarðar­
staðan laus. Nokkrir leikmenn hafa
verið nefndir til sögunnar til að fylla
það skarð. Hallgrímur Jónasson,
Ólafur Ingi Skúlason og Rúrik Gísla­
son eru þeirra á meðal. Guðmund­
ur vill fara aðra leið. „Ég vil sjá Birki
Bjarnason koma inn í þessa stöðu.
Þegar ég sé Birki spila fótbolta fer
um mig ylur. Hann leggur allt í þetta
– alltaf. Ég þekki hann ekki neitt en
ég myndi treysta honum fyrir næst­
um öllu í mínu lífi, þó ég hafi bara
séð hann spila knattspyrnu.“ Hann
myndi vilja sjá Rúrik Gíslason koma
inn á kantinn í staðinn. „Ég er svolítið
hræddur við að setja mann í vörn­
ina sem hefur ekki verið að spila með
liðinu. Ég myndi treysta Birki full­
komlega.“ n
Baldur Guðmundsson
blaðamaður skrifar baldur@dv.is
Einar Þór Sigurðsson
blaðamaður skrifar einar@dv.is
Spáir sigri Íslands
n Heimir býst við pressu frá Íslendingum
„Þetta leggst mjög vel í mig. Ég tel að við
eigum fína möguleika þó Króatarnir séu
með mjög gott lið,“ segir Heimir Guðjóns-
son, þjálfari FH, um möguleika Íslands í
umspilsleiknum gegn Króatíu.
Heimir segir að íslenska liðið þurfi að varast
að lenda í eltingarleik við Króatana enda séu
margir leikmenn í þeirra liði góðir í að halda
boltanum sín á milli. „Svo eru þeir auðvitað
með Mario Mandzukic sem er mjög sterkur
inni í vítateignum og Luka Modric sem getur
stjórnað spilinu,“ segir Heimir og bætir við að
þessa leikmenn þurfi að varast.
Aðspurður hvaða leikmann hann vilji sjá í
stöðu hægri bakvarðar, í fjarveru Birkis Más
sem tekur út leikbann á föstudag, segir
Heimir að valið standi væntanlega á milli
tveggja leikmanna; Ólafs Inga Skúlasonar
og Hallgríms Jónassonar. „Eggert Gunnþór
hefur lítið spilað að undanförnu og ég
held að valið standi á milli Ólafs Inga og
Hallgríms. Þeir hafa báðir leyst þetta áður
með landsliðinu og ættu að geta gert það
aftur með sóma.“
Heimir segist búast við því að íslenska liðið
mætti grimmt til leiks. „Við munum byrja á
að pressa á þá og sjá hvort við náum ekki inn
marki. Engu að síður þurfum við að passa
okkur í varnarleiknum og því þurfum við líka
að vera skynsamir og spila góða hjálparvörn.
Ég met þetta þannig að með þá menn sem
við erum með fram á við þá séu miklar líkur á
að við munum skora í þessum leik.“
Aðspurður segist Heimir búast við sigri
Íslands. „Ég spái því að við vinnum þennan
leik, 1–0. Ég þori ekki að spá lengra.“ n
„Ég þekki hann ekki
neitt en ég myndi
treysta honum fyrir
næstum öllu í mínu lífi.
Bjartsýnn Heimir er bjartsýnn en
segir að íslenska liðið megi ekki lenda í
eltingarleik gegn sterkum leikmönnum
Króatíu. Mynd Sigtryggur Ari
Fagnað Gummi Ben
segir að markalaust
jafntefli væru frábær
úrslit fyrir Ísland.
Bjartsýnn
„Þegar ég
sé Birki spila
fótbolta fer
um mig ylur.“
Mynd Sigurður gunnArSSon