Dagblaðið Vísir - DV - 15.11.2013, Blaðsíða 32

32 Fólk 15.–17. nóvember 2013 Helgarblað
Sigfús hugsi. Þetta var í byrjun árs
1998. Hann hafði þá leikið í hálft ár
með spænsku liði eftir að hafa leik-
ið með Val og Selfossi við góðan
orðstír.
„Ég var sendur heim til Íslands
þar sem var skipulagður fundur
með Þorbirni Jenssyni, þáverandi
landsliðsþjálfara, foreldrum mínum
og Jóhanni Inga sálfræðingi. Þau
vissu að ég væri fyllibytta og dópisti.
Á endanum samþykkti ég að fara í
meðferð. Ég var þó ekki tilbúinn að
segjast vera alkóhólisti. Ég sat inni
á fundinum og hugsaði með mér
að ég ætlaði að sýna þessu pakki að
þetta væri ekkert mál. Planið var að
vera edrú fram á sumarið og síðan
ætlaði ég að panta mér pítsu, drekka
bjór og hafa það gott. Einhvers stað-
ar á þeirri leið fóru hlutirnir að
breytast. Þorbjörn og foreldrar mín-
ir studdu óendanlega mikið við bak-
ið á mér. Þau ýttu mér áfram, voru
jákvæð og studdu mig í því sem ég
þurfti að gera.“
Edrú í 15 ár
„Öll þessi fjárhagslegu vandræði
sem ég kom sjálfum mér í voru út af
minni neyslu og drykkju,“ segir Sig-
fús með áhersluþunga.
Í janúar verða fimmtán ár frá
því hann varð edrú. Hann talar um
AA-samtökin sem leynifélag vegna
nafnleyndar sem þar ríkir.
„Ég fæ hjálp úr góðra vina hópi
í AA-samtökunum, eða leynifé-
laginu eins og þau eru stundum
kölluð. Ég hef fengið vopn í hend-
urnar til þess að halda geðheils-
unni nokkuð góðri. Það sem ég
hef lært mest þar inni er að öðlast
frelsi gagnvart sjálfum mér og fólk-
inu í umhverfinu. Það veitir manni
innri ró. Ég hef upplifað tíma sem
ég var edrú áður en ég fór að vinna
prógrammið þar sem ég var fullur
af angist og sálin gargaði á þögn.
Ég var búinn að strengja þess heit
gagnvart sjálfum mér að gefa þessu
jafn langan séns og mögulegt væri.
Þannig að það var ekki hægt að fara
út í drykkju og fíkniefni aftur til að
deyfa sársaukann. Það endaði nán-
ast með ósköpum en sem betur fer
átti ég góða að innan samtakanna
og skilningsríkt fólk í fjölskyldunni
minni. Þetta fólk innan samtak-
anna gerði það að verkum að lífið
fór að verða aðeins bjartara.“
Hefði átt að koma hreint fram
Þung óveðursskýin eru horfin á braut
og það er bjartara yfir Sigfúsi. Honum
líður vel með að létta af sálu sinni.
„Þetta er þungur baggi sem er
létt af manni,“ segir Sigfús. „Lífið
hefur breyst frá því að þessi atburða-
rás fór af stað. Ég fór að halda mig
meira til hlés og hafði minna sam-
band við mína bestu vini. Það voru
alltaf einhverjir sem spurðu mig út
í medalíuna og mér leið hreinlega
illa þegar ég sagðist ekkert vita um
málið. Versti óvinur alkóhólistans
er óheiðarleiki. Ég er búinn að vera
með hnút í maganum. Núna fæ ég
að koma minni hlið á framfæri. Fólk
getur dæmt mig út frá því og má gera
það eins og því þóknast. En þeir sem
standa mér næst, fjölskylda mín og
bestu vinir, vita hvernig ég er og hver
ég er. Það skiptir öllu máli.
Það lenda allir í því að fá spurn-
ingar sem þeim finnst óþægilegt að
svara. Það sem er öðruvísi við alkó-
hólistann er að hann svarar ein-
hverju sem er ekki satt. Ef þetta
hefur komið upp þá hef ég tækin í
höndunum til að labba til manneskj-
unnar og segja „fyrirgefðu, ég svar-
aði vitlaust.“ Það sker kannski úr um
hvort maður er á réttri leið eða ekki.
Að geta viðurkennt mistök hvort sem
það er fyrir sjálfum sér eða öðrum
og reyna að gera lífið í kringum þig
betra og þægilegra. Frá því að þetta
kom í fjölmiðlum hefur þetta legið
á mér eins og þungur baggi. Í raun-
inni hefði það verið hið eina rétta að
koma fram þá og segja hvernig stað-
an var orðin hjá mér.“
Vildi hlífa foreldrum sínum
Umræðan á veraldarvefnum var
mikil. Margir jusu úr skálum reiði
sinnar og töldu að um virðingarleysi
gagnvart þessum eftirsóttu verð-
launum væri að ræða. Fæstir sýndu
því skilning að mögulega væri
einstaklingurinn að hugsa um hags-
muni sína og fjölskyldu sinnar.
„Það eru alltaf einhverjir sem
fara hamförum á netinu, sama hvað
maður segir. Það er bara réttur fólks.
Fólk hefur rétt á sínum skoðunum.
Ég er ekki að reyna að afsaka það
sem ég gerði. Ég er bara að skýra frá
því og þeim ástæðum sem lágu að
baki. Á svona tímum kemur virki-
lega í ljós hverjir eru vinir manns,“
segir Sigfús. Hann hefur marga fjör-
una sopið þegar kemur að fjölmiðl-
um og er með breitt bak.
„Ég er búinn að læra það í sam-
tökunum að sama hversu löng leiðin
er að það er alltaf ljós við endann á
göngunum. Það er bara þitt að velja
hvort þú sért tilbúinn að leggja það
á þig til að komast þangað eða ekki.
Þú lendir ekki í neinum hlutum. Ég
labbaði ekki inn í bankann og lenti
í því að ræna hann. Þetta var röð af
röngum ákvörðunum sem að leiddu
til þess að engin önnur leið var út. Ég
vildi ekki að foreldrar mínir myndu
lenda illa í því.“
Missa tekjur af að leika íþróttir
Sigfús telur að betur megi styðja við
íþróttamenn hér á landi sem eiga sér
drauma um velgengni. Hann segir
að margir missi tekjur við að leika
íþróttir. Þeir eru að fórna dýrmætum
tíma í skóla eða vinnu til þess að láta
drauma sína verða að veruleika og
fá lítið sem ekkert fyrir vinnufram-
lag sitt.
„Það fer meiri tími í íþróttir en
flestir gera sér grein fyrir,“ útskýr-
ir Sigfús. „Forvarnarstefna íþróttafé-
laganna er mjög góð. Það er verið að
kenna krökkum og unglingum réttu
lífsviðhorfin, aga og að virða hvert
annað. Þegar er komið upp í meistara-
flokk eru flestir með það á bak við
eyrað að það gæti verið eitthvað fram
undan, en þá er fjárhagslegi stuðn-
ingur félaganna lítill sem enginn.“
Sigfús nefnir að stór hluti af þeim
sem stunda íþróttir yfir tvítugu á Ís-
landi þurfi hreinlega að borga með
sér til þess að geta sinnt áhugamál-
inu.
Of mikið áreiti á ungu fólki
„Sumir þurfa kannski að borga yfir
hálfa milljón á hverju ári til að geta
æft og keppt. Þetta er ekkert eðli-
legt. Og við erum í samfélagi sem
stærir sig af því út á við að Ísland
sé gott land til íþróttaiðkunar. Þau
skilaboð sem ég vil senda er að það
þarf að styðja betur við unga fólk-
ið sem er að koma upp í íþróttum.
Stór hluti af framtíðaríþróttamönn-
um þjóðarinnar getur flosnað upp
úr íþróttum út af litlu fjármagni.
Því miður,“ segir Sigfús ákveðinn.
„ Betur má ef duga skal.“
Draumur ungra íþróttamanna er
jafnan að ná eins langt og hægt er.
Fyrirmyndir eru allt umhverfis okk-
ur, en það reynir á andlegu hliðina,
að tvinna saman íþróttirnar og hið
daglega líf.
„Þetta er gríðarlegt áreiti á hug-
ann hjá ungu fólki. Það er verið að
ýta þeim áfram í námi á sama tíma
og það er að reyna að bæta sig í sinni
íþrótt. Auk þess þarf að sinna félags-
legu hliðinni. Það myndast rosaleg
togstreita við þetta. Stuðningurinn
við íþróttafélögin er lítill. Kostnaður-
inn við að reka þau er gríðarlegur og
oft og tíðum er ekki neitt eftir af kök-
unni fyrir þá sem eru í meistaraflokk-
um,“ bætir Sigfús við.
Þetta mun ganga upp
Sigfús er enn skuldugur, en hyggst
gera allt sem í hans valdi stend-
ur til að standa í skilum. Síðustu ár
hefur hann unnið við þjálfun og fyrir
þremur árum fór hann að vinna á
Reynisvatni hjá Þjóðverja sem er bú-
settur hér á landi. Þeir hafa myndað
teymi sem stefnir að fiskeldi og get-
ur verkefnið skapað tíu til fimmtán
störf.
„Það gæti orðið til þess að við
gætum haft það alveg ágætt og ég
vonandi náð að vinna mig úr fjár-
málaerfiðleikum. Við horfum á það
að vera traustir og gera hlutina al-
mennilega. Eins og flestir þeir sem
eru að búa sér til störf og koma sér
út úr vandræðum, þá þarf maður að
leggja gríðarlega hart að sér. Ef ég
legg mig jafn mikið fram og ég gerði
til þess að verða góður íþróttamaður
og ég lagði á mig til að verða edrú, þá
mun þetta ganga upp. Sama hvenær
það verður, þá mun það ganga upp,“
segir Sigfús og eldmóðurinn leynir
sér ekki. Einbeiting íþróttamannsins
skín úr andliti hans.
„Lífið er hverfult. Þetta er
kannski klisja og allt það. Ef maður
er sleginn niður, eða slær sjálfan
sig niður eins og í mínu tilfelli, þá
er þetta ekki spurning um það að
liggja sem lengst heldur hversu
hratt þú getur staðið upp og tekist á
við vandamálin. Þú átt ekki hlaupa
frá þeim,“ segir viðkunnanlega þjóð-
hetjan að lokum, reiðubúin í stærstu
áskorun lífs síns. n
„Þau
vissu
að ég væri
fyllibytta
og dópisti
Handboltaferill Sigfúsar
Landsliðið
Leikir: 162
Mörk: 316
Gul spjöld: 73
2 mínútur: 121
Rauð spjöld: 6
n Valur til 1996
n Selfoss 1996–1997
n Valur 1997–1998
n Santander (Spánn) 1998–1999
n Fer í meðferð 1999
n Byrjar aftur í handbolta 2001
n Valur 2001–2002
n Magdeburg (Þýskaland) 2002–2006
n Ademar Leon (Spánn) 2006–2008
n Valur 2008–2010
n Emsdetten (Þýskaland) 2010–2011
n Valur 2011–2013
Tilfinningarússíbani
Sigfús fagnar á Ólympíuleik-
unum ásamt Arnóri Atlasyni.