Dagblaðið Vísir - DV - 28.12.2013, Blaðsíða 2

2 Fréttir Áramótablað 28. desember 2013
1 matsk. safieða 1 hylki.
F æ s t í a p ó t e k u m , h e i l s u b ú ð u m , F j a r ð a r k a u p o g K r ó n u n n i .
Jafnvægi og vellíðan
lifestream™
nature’s richest superfoods
Þ
að er auðvitað ekki gaman
að vakna við svona á jóla-
dagsmorgun,“ segir ná-
granni konunnar sem
haldið var fanginni ásamt
barni sínu í íbúð þeirra í fjölbýlis-
húsi í Mosfellsbæ á jóladagsnótt.
Barnsfaðir konunnar, Íslendingur
búsettur í Noregi, var handtekinn af
sérsveit ríkislögreglustjóra, á jóla-
dagsmorgun. Þá hafði sérsveitin
setið um íbúðina, og reynt að fá
manninn út, síðan snemma um
morguninn. Maðurinn er grun-
aður um að hafa beitt barnsmóð-
ur sína ofbeldi og neitað henni um
útgöngu úr íbúðinni. Maðurinn og
konan eiga saman rúmlega tveggja
ára stúlku sem varð samkvæmt
heimildum DV vitni að barsmíðun-
um.
Hélt þeim föngnum í íbúðinni
Maðurinn var gestkomandi í íbúð
konunnar á aðfangadagskvöld og
jóladagsnótt. Samkvæmt heimild-
um kom hann í heimsókn til kon-
unnar til þess að hitta dóttur sína en
á svo hafa ráðist að konunni.
Hann er grunaður um að hafa
beitt hana ofbeldi yfir nóttina,
haldið henni og barni þeirra föngn-
um inni í íbúðinni og neitað að
hleypa þeim út. Stóð þetta yfir í
töluverðan tíma og er hann talinn
hafa ógnað þeim með hnífum auk
þess sem hann lagði hendur á
barnsmóður sína. Hún náði undir
morgun að sleppa út úr íbúðinni og
kalla eftir aðstoð.
Maðurinn varð eftir í íbúðinni
og lokaði sig af með barninu og var
með hnífa. Það tók lögreglu tals-
verðan tíma, um nokkrar klukku-
stundir, að fá manninn út. Lög-
reglan kom á staðinn snemma
morguns og var þar til hádegis að
reyna fá manninn út og tryggja að
barnið væri heilt á húfi.
Þrír lögreglubílar, sjúkrabílar
og sérsveitarbílar
Samkvæmt heimildum DV var
talsverður viðbúnaður á staðnum
eftir að konan náði að kalla eftir
aðstoð – þrír lögreglubílar, tveir
sérsveitarbílar og þrír sjúkrabílar.
Vakti þetta töluverðan ugg með-
al nágranna á jóladagsmorgun en
þetta mun ekki vera í fyrsta skipti
sem lögregla er kölluð að íbúð-
inni.
Sérsveit ríkislögreglustjóra
handtók svo manninn eftir
nokkurra tíma umsátur þar
sem maðurinn hótaði lögreglu,
barninu og barnsmóður sinni.
Þeir sem DV ræddi við sögðu ekki
mikil læti hafa fylgt aðgerðum
lögreglu en þær hafi staðið frá um
7 um morguninn til hádegis. „Það
heyrðust aðeins læti þegar þeir
svo brutust inn. Annars heyrð-
um við ekki mikið en auðvitað var
þetta ekki skemmtilegt að vakna
við,“ sagði einn þeirra sem varð
vitni að aðgerðum lögreglu.
Rannsókn í fullum gangi
Samkvæmt upplýsingum frá Frið-
riki Björgvinssyni, yfirlögreglu-
þjóni hjá lögreglunni á höfuð-
borgarsvæðinu, þá er málið í
rannsókn.
„Rannsókn er í fullum gangi,“
segir hann í samtali við DV.
Konan er samkvæmt heimild-
um komin heim af spítala og mun
ekki vera alvarlega slösuð. Barnið
slapp ómeitt og mun vera hjá fjöl-
skyldu konunnar. n
„Rannsókn er í
fullum gangi
V
ið útskrift í Flensborgar-
skólanum þann 21. desem-
ber sl. voru brautskráðir 58
nemendur frá skólanum. Sá
er varð hæstur á stúdentsprófi var
með einkunnina 9,77, sem er hæsta
einkunn sem reiknuð hefur verið við
skólann. Sú óvenjulega staða kom
upp við útskriftina að alls hefðu að
minnsta kosti fimm nemendur get-
að orðið dúxar skólans, en níu nem-
endur voru með einkunnina 8,70 eða
hærra. Slíkar einkunnir duga nem-
endum yfirleitt til þess að verða hæst-
ir á stúdentsprófi, en það var Snorri
Rafn Theodórsson sem telst Dux
Scholae við þessa útskrift. Hann sló
því skólametið, sem var áður 9,71.
Fast á hæla honum kom Jónas Grét-
ar Jónasson með einkunnina 9,68.
Hvorki Jónas né Snorri Rafn fengu
einkunn undir níu á útskriftarskír-
teini sínu.
Tæpur helmingur nemendanna
lauk námi á þremur og hálfu ári, þar
af einn á þremur árum. Þrettán nem-
endur voru á íþróttaafrekssviði allan
tímann, 16 útskrifast frá félagsfræða-
braut, sex af málabraut, tuttugu og
þrír af náttúrufræðabraut og sjö af
viðskipta- og hagfræðibraut. Þá luku
fjórir fjölmiðlatækni, en fjölmiðla-
braut skólans verður lögð niður eftir
vorönnina. Konur voru 60 prósent út-
skriftarhópsins.
Veittur var styrkur úr Fræðslusjóði
Jóns Þórarinssonar en hann hlaut
Thelma Björk Árnadóttir fyrir rann-
sóknir á sviði hjúkrunarfræða. Al-
bert Steingrímsson afhenti styrkinn
en hann er formaður skólanefndar. n
Útgáfa DV
næstu daga
Útgáfu DV yfir áramótin verður
þannig háttað að næsta tölu-
blað, veglegt helgarblað, kemur
út föstudaginn 3. janúar. Ekkert
vikublað kemur því út á þriðjudag,
gamlársdag. Á DV.is verður hins
vegar áfram öflug fréttaþjónusta
yfir hátíðarnar.
Þá er vert að minna á að Völva
DV verður á Beinni línu á DV.is
mánudaginn 30. desember. Þar
spáir hún með lesendum í spil-
in fyrir næsta ár og svarar þeim
spurningum sem á þeim brenna.
Um árlegan viðburð er að ræða
sem jafnan Beina línan hefst
klukkan tólf á hádegi, stundvís-
lega.
DV óskar lesendum og öðr-
um velunnurum DV gleðilegs árs,
með þökk fyrir samfylgdina á ár-
inu sem er að líða.
Útskriftarhópurinn Snorri Rafn setti skólamet og fékk einkunina 9,77 á stúdentsprófi.
Fimm hefðu getað dúxað
Snorri Rafn Theodórsson setti einkunnamet í Flensborgarskólanum
Mynd LáRuS KaRL
Skúrir á
gamlársdag
Spá Veðurstofu Íslands fyrir
gamlársdag boðar ekki gott fyrir
flugeldaskot í Reykjavík. Spáð
er skúrum og slyddu bróðurpart
gamlársdags á höfuðborgarsvæð-
inu. Geta þó flestir huggað sig við
það að búist er við að á miðnætti
stytti upp. Samkvæmt veður-
spánni verður um frostmark og
skýjað á miðnætti í Reykjavík. Á
Akureyri er spáð snjókomu og
tveggja stiga frosti. Víðast hvar á
Suðurlandi er spáð ágætu veðri
á miðnætti. Verst verður veðrið
á Vestfjörðum, tólf metrar á sek-
úndu og frost.
Harmleikur í
Mosfellsbæ
n Grunaður um að hafa haldið barnsmóður sinni og barni föngnum
Viktoría Hermannsdóttir
viktoria@dv.is Íbúðin Það var hér fyrir innan sem
maðurinn er sagður hafa haldið
barnsmóður sinni fanginni og
gengið í skrokk á henni. SaMSeTT Mynd dV