Dagblaðið Vísir - DV - 28.12.2013, Blaðsíða 28

28 Fréttir Áramótablað 28. desember 2013
Mest lesnu fréttir ársins
Bílastæðadólgar og andlát vöktu hvað mesta athygli á DV.is á árinu 2013
1 Nauðgað og brenndur í Heiðmörk
124.662 lásu
Birtist: 26. ágúst
Deilt: 676 sinnum
Fjöldi ummæla: Ekki leyfð
n 28 ára karlmaður var fluttur á neyðar-
móttöku í ágúst vegna gruns um að honum
hafi verið nauðgað í Heiðmörk. Hann
hafði mælt sér mót við tvo til þrjá íslenska
karlmenn í gegnum stefnumótasíðuna
Gayromeo. Hann fékk drykk hjá manni sem
hann hitti í Heiðmörk og man lítið eftir það.
Þegar hann vaknaði blæddi úr endaþarmi
hans auk þess sem hann var með ljót bruna-
sár á öxlinni.
2 Sjáðu hvað leynist í bita frá KFC
120.390 lásu
Birtist: 8. janúar
Deilt: 536 sinnum
Fjöldi ummæla: 123
n Nítján ára drengur í Colchester í Englandi
fylltist viðbjóði þegar hann sá hvað
ætlaður kjúklingabiti innihélt. Eins og sést á
myndinni var bitinn sérstaklega ógirnilegur.
Lýsing drengsins „eins og krumpaður heili“
er ef til vill svolítið nákvæm. „Ég gat ekki
einu sinni tekið bitann aftur upp.“ Dreng-
urinn kvartaði við KFC, sem bauð í staðinn
fleiri máltíðir – ókeypis. Þær þáði hann ekki
og kvaðst ekki borða þar framar.
3 Afgreiðslustúlka í Bónus brotnaði saman
113.938 lásu
Birtist: 24 október
Deilt: 676 sinnum
Fjöldi ummæla: 595
n Dónalegir viðskiptavinir verslunarinnar
Bónus grættu unga afgreiðslustúlku með
framkomu sinni í lok október. Stúlkan vinnur
í Holtagörðum þar sem viðskiptavinur
talaði niður til hennar. Konan hreytti í hana
að leggja vörurnar frá sér almennilega og
hún skyldi hætta þessum dónaskap, þegar
hún hafði boðið henni poka. „Hún er farin
að grenja,“ sagði maðurinn sem var með
konunni þegar stúlkan fór frá kassanum.
4 Jón Hilmar bráðkvaddur á heimili sínu
108.987 lásu
Birtist: 18. júní
Deilt: 182 sinnum
Fjöldi ummæla: Ekki leyfð
n Jón Hilmar Hallgrímsson, eða Jón stóri,
féll frá langt fyrir aldur fram í sumar, þegar
hann varð bráðkvaddur, 34 ára að aldri. Jón
var þekktur fyrir undirheimastarfsemi og
hafði talað opinberlega um fíkniefna- og
steranotkun sína. Hann hafði þó að sögn
nokkru áður náð tökum á áfengis- og
vímuefnaneyslu sinni eftir að hafa dvalið úti
á landi um hríð.
5 Skyndilegt fráfall Snæfríðar Baldvinsdóttur
107.540 lásu
Birtist: 20. janúar
Deilt: 32 sinnum
Fjöldi ummæla: Ekki leyfð
n Snæfríður Baldvinsdóttir, sérfræðingur
hjá Fjármálaeftirlitinu og fyrrverandi lektor
við Háskólann á Bifröst, lést í janúar. Hún
varð bráðkvödd á heimili sínu. Snæfríður
fæddist í Reykjavík 18. maí 1968. Hún var því
á fertugasta og fimmta aldursári. Foreldrar
hennar eru Bryndís Schram og Jón Baldvin
Hannibalsson, fyrrverandi formaður
Alþýðu flokksins.
6 Þorvarður Davíð framdi sjálfsvíg
106.397 lásu
Birtist: 8 apríl
Deilt: 43 sinnum
Fjöldi ummæla: Ekki leyfð
n Þorvarður Davíð Ólafsson svipti sig lífi
í fangaklefa sínum á Litla-Hrauni í apríl.
Þorvarður var dæmdur í 14 ára fangelsi fyrir
tilraun til manndráps árið 2011, en hann
réðst á föður sinn, Ólaf Þórðarson tónlist-
armann, í nóvember árið 2010. Ólafur lést
tæpu ári eftir árásina á Grensásdeild. Hann
komst aldrei til meðvitundar.
7 Erna í Playboy: Myndirnar eru „mjúkar“
106.150 lásu
Birtist: 27. mars
Deilt: 39 sinnum
Fjöldi ummæla: Ekki leyfð
n Myndir af fyrirsætunni Ernu Gunnþórs-
dóttur birtust í Playboy Italy í mars. Blaðið
einblínir á kynþokkafullar myndir sem mega
ekki vera mikið unnar né grófar, að sögn
Ernu. „Ég hef ætlað mér þetta í langan tíma
og ég geri það sem ég ætla mér.“ Erna sagði
við DV að Playboy birti sjaldan myndir af
stúlkum sem ekki væru þekktar í því landi.
Því væri hún upp með sér.
8 „Mér er bara drullusama hvað fólki finnst“
103.201 lásu
Birtist: 2. september
Deilt: 387 sinnum
Fjöldi ummæla: 566
n Hann lét ekki að sér hæða, eigandi Range
Rover-jeppa, sem gagnrýndur var harðlega
fyrir að leggja bifreið sinni ólöglega trekk í
trekk. Við Dalveg lagði hann til dæmis í tvö
stæði fyrir fatlaða. „Tek alltaf 2 stæði ef ég
legg,“ skrifaði maðurinn á spjallvef og bætti
við að það væri gert að koma í veg fyrir
að hurðir yrðu dældaðar af ónærgætnum
bíleigendum.
9 „Hversu heimskir geta Íslendingar verið?“
102.111 lásu
Birtist: 28. apríl
Deilt: 1.695 sinnum
Fjöldi ummæla: 396
n Næst mest lesna erlenda fréttin á árinu
var byggð á ummælum breska þingmanns-
ins Barry Sheerman. Hann var gáttaður á
vali Íslendinga í alþingiskosningunum, sem
leiddu á ný hægriöflin til valda, svo skömmu
eftir hrun. „Gamla gengi heldri fjölskyldna
aftur við völd á Íslandi. Skammarleg
útkoma,“ skrifaði hann á samskiptavefinn
Twitter.
10 Lagði í bílastæði fyrir fatlaða
101.389 lásu
Birtist: 22. mars
Deilt: 369 sinnum
Fjöldi ummæla: 308
n Athugull vegfarandi varð vitni að því
þegar Bjarni Benediktsson, þá þingmaður,
var farþegi í bíl sem lagt var í stæði fyrir
fatlaða við aðalbyggingu Keilis. Bjarni sótti
þar fund með framkvæmdastjóra skólans,
Hjálmari Árnasyni, ásamt öðru sjálfstæðis-
fólki.
baldur@dv.is