Dagblaðið Vísir - DV - 28.12.2013, Blaðsíða 33

Fréttir Erlent 33
Öflugur
jarðskjálfti
20. apríl 186 manns létust og
rúmlega átta þúsund slösuðust
þegar jarðskjálfti að stærðinni 7 á
Richter reið yfir suðvesturhluta
Kína. Aurskriður fylgdu í kjölfar
skjálftans og grófust margir undir
rústum húsa sinna.
Harmleikur í
Bangladess
24. apríl Yfir ellefu hundruð manns
fórust þegar fataverksmiðja hrundi
til grunna í úthverfi höfuðborgarinn-
ar Dhaka. Í verksmiðjunni voru
framleidd föt fyrir evrópsk og
bandarísk tískuhús. Eigandi hússins
var síðar handtekinn og ákærður
enda var ástand hússins þegar það
hrundi afar slæmt.
Hvirfilbylur skók
Oklahoma
20. maí Fjórða stigs hvirfilbylur reið
yfir Oklahoma í Bandaríkjunum og
olli mikilli eyðileggingu. Að minnsta
kosti 24 létust og fjölmargir
slösuðust. Talið er að hvirfilbylurinn
hafi verið um einn og hálfur
kílómetri í þvermál en sjaldgæft er
að hvirfilbyljir nái slíkri stærð.
Frægðarsól
uppljóstrara
20. maí Uppljóstrarinn Edward
Snowden, fyrrverandi starfsmað-
ur Þjóðaröryggisstofnunar
Bandaríkjanna, fór til Hong
Kong og skömmu síðar var
gögnum sem hann hafði tekið
lekið til fjölmiðla. Næstu vikur átti
Snowden eftir að verða fyrir-
ferðarmikill í umræðunni og
einn umtalaðasti maður
ársins.
Drepinn úti á götu
22. maí Einkennisklæddur breskur
hermaður var stunginn til bana úti á
götu í London og var árásin að öllu
leyti tilefnislaus. Tveir menn
nálguðust manninn og réðust á
hann fyrirvaralaust. Eftir morðið
skaut lögregla að mönnunum áður
en þeir voru færðir í handjárn.
Mótmælt á Kýpur
24. mars Mótmæli brutust út á
Kýpur þegar Evrópusambandið og
Alþjóðagjaldeyrissjóðurinn sam-
mæltust um að veita Kýpverjum 13
milljarða dala neyðarlán með fyrir-
vara um samþykki kýpverska þings-
ins. Gerð var sú krafa að skattar yrðu
hækkaðir og það lagðist illa í heima-
menn. Að lokum fór svo að þingið
hafnaði neyðarpakkanum.
Hryðjuverk í
Boston
15. apríl Nokkrar sprengingar urðu
við endamark Boston-maraþonsins
með þeim afleiðingum að þrír létust
og yfir 260 særðust. Spjótin beindust
fljótlega að tveimur bræðrum,
Tamerlan og Dzhokar Tsarnaev, sem
upprunalegu eru frá Tsjetsjeníu.
Annar þeirra, Tamerlan, lést eftir
skotbardaga við lögreglu en
Dzhokar var handtekinn.
Öflug sprenging
í Texas
17. apríl Tólf létu lífið og yfir 200
særðust þegar öflug sprenging varð í
áburðarverksmiðju í bænum West í
Texas. Um 50 heimili í bænum
eyðilögðust í sprengingunni sem
varð eftir að eldur kviknaði í
verksmiðjunni.
Ásakanir um efna-
vopnanotkun
18. apríl Harðir
bardagar héldu
áfram í Sýrlandi á
árinu og í apríl
tilkynntu breskir
og franskir
erindrekar að
vísbendingar væru um
að sýrlensk stjórnvöld hefðu beitt
efnavopnum í stríðinu. Í kjölfarið
lýsti Barack Obama Bandaríkjafor-
seti yfir áhyggjum af ásökununum.
Chavez kveður
5. mars Hugo Chavez, hinn dáði
forseti Venesúela, lést eftir erfiða
baráttu við krabbamein. Chavez
hafði ráðið ríkjum í landinu í fjórt-
án ár. Eftir andlát hans var boðað
til kosninga og fór svo að Nicolas
Maduro, hægri hönd Chavez, var
kjörinn nýr forseti.
Norður-Kórea
beitt þvingunum
8. mars
Sameinuðu þjóðirnar ákváðu að
beita Norður-Kóreumenn frekari
efnahagsþvingunum eftir kjarn-
orkuvopnatilraunir yfirvalda í
Pyongyang í febrúarmánuði. Í
kjölfar ákvörðunarinnar hótaði
forsetinn, Kim Jong-un, að beita
kjarnorkuvopnum gegn Bandaríkja-
mönnum og Suður-Kóreumönn-
um. Tilkynningin olli þó nokkrum
usla og jók enn frekar á spennuna á
Kóreuskaga.
Nýr páfi kjörinn
13. mars 115 kardinálar í Vatíkaninu
komu sér saman um að Argentínu-
maðurinn Jorge Mario Bergoglio
skyldi verða nýr páfi kaþólsku
kirkjunnar. Bergoglio, sem er fyrsti
páfinn sem kemur frá Rómönsku-
Ameríku, fékk nafnið Frans.
Jinping varð
forseti Kína
14. mars Xi Jinping var kjörinn
forseti Kína með yfirgnæfandi
meirihluta atkvæða. Af 2.956
kjörmönnum var aðeins einn sem
greiddi atkvæði gegn honum en þrír
sátu hjá. Í sömu kosningu var Li
Yuanchao kjörinn varaforseti.
Áramótablað 28. desember 2013
Ísraelar skjóta á Sýrland Yfirvöld í Ísrael skutu tveimur flugskeytum á skotmörk í Damaskus, höfuðborg Sýrlands.
Með þessu vildu Ísraelsmenn ekki skipta sér af styrjöldinni sem geisar í landinu heldur koma í veg fyrir að liðsmenn Hezbollah gætu orðið sér
út um vopn.
3.–5. maí
Samkyn hneigðum leyft að giftast Frakkland varð fjórtánda þjóð heimsins til að heimila hjónabönd samkynhneigðs fólks eftir að neðri deild þingsins
samþykkti frumvarp þess efnis. Efri deildin samþykkti lögin síðar.
23. apríl