Fréttablaðið - 06.12.2014, Blaðsíða 124

6. desember 2014 LAUGARDAGUR| MENNING | 84
Ég er mjög þakklát, tvær tilnefning-
ar í sömu vikunni, maður á örugg-
lega ekki eftir að upplifa það aftur,“
segir Bryndís Björgvinsdóttir þegar
henni er óskað til hamingju með vel-
gengni Hafnfirðingabrandarans,
sem tilnefnd er bæði til Íslensku
bókmenntaverðlaunanna og Fjöru-
verðlaunanna. Hún er raunar ekki
óvön verðlaunum því fyrri bók
hennar, Flugan sem stöðvaði stríðið,
var valin úr fjölda handrita og
fékk Íslensku barnabókaverðlaun-
in 2011. „Það er náttúrulega hand-
ritasamkeppni, svo það er dálítið
öðruvísi,“ segir Bryndís. „Það voru
bestu fréttir sem ég hef fengið í líf-
inu, held ég, því þá vissi ég að bókin
myndi koma út, sem er alltaf mesti
sigurinn í þessum bransa.“
Söguhetja Hafnfirðingabrandar-
ans heitir Klara sem er í 10. bekk í
Víðistaðaskóla árið 1999 og bókin er
flokkuð sem unglingabók, var það
alltaf markmiðið að skrifa bækur
fyrir börn og unglinga? „Nei, í til-
felli Hafnfirðingabrandarans þá
langaði mig til þess að það yrði
mikill húmor í bókinni og hann lá
best hjá aðalsöguhetju sem er ung-
lingur. Þannig varð þessi fimm-
tán ára Klara að sögumanni og það
er rödd hennar sem lýsir öllu sem
hún sér og tilfinningunum sem hún
finnur fyrir. Það er svo margt í lífi
unglings sem er á mörkum þess
að vera barn og fullorðinn sem er
bæði fyndið og sorglegt, erfitt og
skemmtilegt. Hún er líka dálítið
sjálfhverf sem mér finnst gera hana
svolítið skemmtilega.“
Bjóst þú í Hafnarfirði þegar þú
varst fimmtán ára? „Já, ég er Hafn-
firðingur og hef búið þar alla tíð
þangað til núna nýlega. Ég get samt
ekki sagt að þessi saga sé sjálfs-
ævisöguleg. Bókin er svo rosa-
lega viðburðarík, líf mitt hefur alls
ekki verið svona viðburðaríkt. Ég
reyndar, eins og góð kona sagði um
árið, misskildi sjálfa mig. Ég lagði
upp með bók sem hét 2000 vand-
inn, af því mér fannst það svo flott-
ur titill, og sú bók átti að fjalla um
vandamál sem líta út fyrir að vera
stór, alveg eins og 2000 vandinn
var þegar flugvélar áttu að hrapa
og allar tölvur áttu að verða kol-
klikkaðar og springa í loft upp en
svo gerðist ekki neitt. Mig lang-
aði að skrifa bók um einhvern sem
væri rosalega kvíðinn og blési upp
vandamál sem væru ekki um neitt.
Þetta var sem sagt ástæða þess að
ég byrjaði að skrifa bók sem gerist
í desember 1999 þegar verið er að
undirbúa áramótin og 2000 vandann
en síðan kom bara allt önnur saga
sem nær ekki einu sinni fram yfir
áramótin heldur lýkur á aðfangadag
1999. Það var svo mikið í gangi hjá
Klöru í desember að hún komst ekki
að áramótunum.“
Verður það þá ekki bara næsta
bók? „Ég er nú ekkert með það í
bígerð, en það hefur náttúrulega
verið rosalega hvetjandi að fá þess-
ar tilnefningar. Ég finn alveg að
ég er allavega líklegri til að halda
áfram með þessa sögu eftir þær.“
Höfundar barna- og unglinga-
bóka kvarta stundum yfir þessari
flokkun og segja að góðar bækur
séu fyrir alla aldurshópa, hver er
þín skoðun á því? „Allir sem skrifa
fyrir börn og unglinga vilja auð vitað
að bækurnar þeirra rati til sinna
enda eru allar góðar sögur fyrir
alla aldurshópa og þróunin er sú að
það er verið að fara þvert á þessi
mörk. Næsta skref er væntanlega að
brjóta niður þessa múra sem flokk-
unin veldur. Ég hef lagt áherslu á
það að Hafnfirðingabrandarinn sé
bók fyrir unglinga og alla sem hafa
verið unglingar, eru það ekki nokk-
urn veginn allir? Annars veit ég
ekkert meira en aðrir um þetta og
mér finnst bókin vera miklu betri en
ég. Hún veit meira en ég vegna þess
að ég kom að henni aftur og aftur,
þannig að hún er í rauninni ekki
skrifuð bara af mér heldur af her af
mér. Mér í gær og mér í fyrradag og
mér fyrir ári í alls konar skapi, með
alls konar tilfinningar. Þess vegna
held ég að bækur verði alltaf betri
en höfundar þeirra.“
fridrikab@frettabladid.is
Bókin er miklu betri en ég
Hafnfi rðingabrandarinn eft ir Bryndísi Björgvinsdóttur hefur hlotið góðar viðtökur og er tilnefnd bæði til Íslensku bókmenntaverðlaun-
anna og Fjöruverðlaunanna. Fyrri bók hennar, Flugan sem stöðvaði stríðið, hlaut Íslensku barnabókaverðlaunin árið 2011.
FR
ÉT
TA
BL
AÐ
IÐ
/S
TE
FÁ
N
„Elsta lagið á tónleikunum er
frá miðöldum en uppruna flestra
jólalaganna má rekja til síðari
hluta 19. aldar, sem kallaður
hefur verið Viktoríutíminn. Öll
eru þau í anda enskrar jólahefð-
ar,“ segir Hilmar Örn Agnarsson
um aðventutónleika Söngfélags-
ins sem verða á morgun í Lang-
holtskirkju klukkan 16 og 20.
Hilmar Örn segir mikla vakn-
ingu hafa orðið í varðveislu og
skráningu á þjóðlögum og mörg
ný jólalög og sálma hafa litið
dagsins ljós á Viktoríutímanum.
Það hafi orðið til að efla jólin sem
fagnaðarhátíð alþýðunnar.
„Tónlistin einkennist af gleði
og fögnuði og hún hefur notið
vinsælda víða um heim um ára-
bil,“ segir Hilmar Örn og bætir
við: „Líkt og tíðkast ytra gefst
gestum kjörið tækifæri til að
taka undir með kórnum í sígild-
um jólalögum.“
Í bland við ensku jólalögin
verður flutt frönsk og íslensk
jólatónlist auk þess sem frum-
flutt verður jólalag Söngfjelags-
ins 2014, Ave Maria, eftir Georg
Kára Hilmarsson.
Fyrrverandi organisti í West-
minster Abbey verður meðal sér-
legra gesta Söngfjelagsins á jóla-
tónleikunum. Hann heitir Martin
Neary.
Auk hans verða þau Björg
Þórhallsdóttir sópransöngkona,
Hrólfur Sæmundsson barítón, og
Adrian Peacock djúpbassi með á
tónleikunum. Elísabet Waage
leikur á hörpu og Peter Tompk-
ins á óbó.
gun@frettabladid.is
Tónleikagestir
fá að taka undir
Söngfj elagið heldur tvenna aðventutónleika á
morgun, 7. desember, í Langholtskirkju. Þeir verða
í anda breskrar jólahefðar, fullir af gleði og fögnuði.
SÖNGFJELAGIÐ Kórinn var stofnaður fyrir þremur árum og auk þess að fagna sumri
í Iðnó eru aðventutónleikar fastur liður í starfsemi hans.
Það er svo
margt í lífi
unglings sem
er á mörkum
þess að vera
barn og full-
orðinn sem er
bæði fyndið og
sorglegt, erfitt
og skemmti-
legt.
Bryndís
Björgvinsdóttir
Eldvarnarpakki 1
Tilboðsverð í vefverslun
14.526 kr.
Slökkvitæki, léttvatn 6 l
Tilboðsverð í vefverslun
8.972 kr.
Eldvarnarteppi, 1,1x1,1 m
Tilboðsverð í vefverslun
2.917 kr.
Verslanir | Askalind 1, Kópavogi | Njarðarnesi 1, Akureyri | Sími 570 2400 | oryggi.is
Brunavarnir
Vefverslun með öryggisvörur á oryggi.is
Kertaljós
og skreytingar
þarf að umgangast
með varúð
Reykskynjarar, slökkvitæki og eldvarnarpakkar í miklu úrvali.
PI
PA
R\
TB
W
A
•
SÍ
A
•
14
46
08
MENNING