Gerðir kirkjuþings - 1988, Side 11

8
Á síðasta Alþingi voru samþykkt tvenn lög um tekjustofna
kirkjunnar, þ.e. lög um sóknargjöld o.fl. og lög um breyting
á lögum um kirkjugarða. Hér er um afar þýðingarmikla löggjöf
að ræða fyrir allt kirkjulegt starf i landinu. Samkvæmt lögum
um sóknargjöld o.fl. er stofnaður sjóður Jöfnunarsjóður
sókna, sem er nýtt afl fyrir kirkjuna og ætti að skapa ný
tækifæri fyrir hana til þess að vinna að ýmsum málum, sem hún
hefur ekki getað sinnt nægilega hingað til. Jafnframt er með
þessu fjárhagslegt sjálfstæði kirkjunnar aukið.
Af löggjöf sem unnið hefur verið að mætti nefna eftirfarandi:
Nú liggur fyrir frumvarp til laga um kirkjugarða, sem
væntanlega mun verða lagt fyrir Alþingi innan tiðar.
Á siðasta Kirkjuþingi var til umfjöllunar frumvarp til laga
um helgidagafrið er samið var af kirkjulaganefnd. Frumvarpið
tók nokkrum breytingum á Kirkjuþingi. Það hefur að nýju verið
tekið til athugunar og er nú fullbúið til flutnings fyrir
Alþingi.
Á þessu hausti skilaði nefnd áliti er skipuð var á sinum tima
til þess að endurskoða ákvæði laga um skipan prestakalla og
prófastsdæma. Nefndin hefur samið framvarp til laga um
prestakallaskipan og próf astaskipan landsins og um
sérþ j ónustuembætti innan kirkjunnar. Mun það koma til
umfjöllunar á þessu Kirkjuþingi.
Fyrir nokkrum árum var samið frumvarp til laga um starfsmenn
þjóðkirkju íslands. Var frumvarpið lagt fyrir Alþingi á árinu
1986 til kynningar en án skuldbindingar um stuðning af hálfu
þáverandi stjórnar. í frumvarpinu voru ákvæði sem hafa mætt
ákveðinni andstöðu. Má fyrst og fremst nefna 3 atriði i þvi
sambandi. Ákvæði um skiptingu landsins i 3 biskupsdæmi og
ákveðin atriði er varða eignarréttarlega stöðu prestssetra
ásamt þeim kostnaðarauka sem fylgdi frumvarpinu.
Ég hef lýst þeirri skoðun minni áður að ég er andvigur þvi að
skipta landinu upp i 3 biskupsdæmi. Hins vegar skil ég og
virði sjónarmið þeirra manna sem telja það æskilegt. Um hitt
meginatriðið varðandi eignaréttarlega stöðu prestssetra tel
ég rétt, að nefnd sú er skipuð var á sinum tima til þess að
fjalla um eignir kirkjunnar, skili endanlegu áliti áður en
gerðar eru tillögur um þetta efni í frumvarpsformi.
Tvö hin siðasttöldu frumvörp fjalla um náskyld mál og að
nokkru leyti um sama efni. Þvi var nauðsynlegt að samræma þau
eða sameina ef kostur væri. Af þvi tilefni og i framhaldi af
ætlan fyrrverandi kirkjumálaráðherra, Jóns Sigurðssonar,
skipaði ég nú nýlega nefnd til þess að fara yfir frumvarp til
laga um starfsmenn þjóðkirkju íslands og sameina ýmis ákvæði
þess frumvarpi til laga um skipan prestakalla og
prófastsdæma, ef kostur væri.
Nefndin hefur unnið hratt og vel og skilað tillögum sem
væntanlega koma fyrir þetta Kirkjuþing til umfjöllunar.
Nefndin átti fund með mér um málið, þar sem einstakir