Gerðir kirkjuþings - 1988, Blaðsíða 50

Kirkjuráð
c/o Biskupsstofa
Kirkjuhúsið / Suðurgata 22
150 Reykjavík
Reykjavik, 21. mars. 1988.
Erindi yðar varðandi veitingu prestakalla, 16. mál 18.
kirkjuþings 1987, var tekið fyrir og rætt á leikmannastefnu
19.-20. mars 1988, samkvæmt beiðni yðar.
Niðurstaða fundarins var eftirfarandi:
Leikmannastefna 1988 tekur undir sjónarmið á Kirkjuþingi
varðandi vafaatriði í gildandi lögum um veitingu prestakalla.
Leikmannastefnan ályktar eftirfarandi:
1. Á meðan gildandi lög hafa ekki verið endurskoðuð sbr.
ákvæði til bráðabirgða, hlutist kirkjuráð og biskup til
um að kirkjumálaráðherra kveði nánar á um framkvæmd
laganna eða einstaka greina þeirra sbr. 1. mgr. 2. gr.
og 7. gr. og 8. mgr. 3. geinar. Verði það gert með
auglýsingu eða bréfi til biskups.
2. Að ekki sé rétt að fella lögin úr gildi og taka upp
beina veitingu biskups eða ráðherra að fenginni umsögn
biskups.
3. Að ekki verði felldur niður að svo stöddu 3. kafli
laganna 8. til 20. gr. um kosn. Hinsvegar verði
ákvæðunum breytt þannig að ósk ákveðins hluta
sóknarbarna komi fram áður en kjörmannafundur skal
haldinn, en komi slík ósk ekki fram innan ákveðins
frests verði úrslitum kjörmannafundar ekki áfrýjað.
4. Óskað verði eftir þvi við sóknarnefndir að þær tjái sig
um gildandi lög og æskilegar breytingar. Umsagnirnar
sendist héraðsfundum, sem taki málið til meðferðar næsta
haust og skili álitsgerð fyrir hlutaðeigandi
prófastsdæmi til Kirkjuráðs.
5. Eigi síðar en á Kirkjuþingi 1990 liggi fyrir fullmótaðar
tillögur um hugsanlegar breytingar á lögunum.
Virðingarfyllst,
Leikmannaráð þjóðkirkjunnar,
Helgi K. Hjálmsson, Birna Friðriksdóttir,
.Guðný Guðnadóttir