Gerðir kirkjuþings - 1990, Side 132

hans er sá skrifstofustjóri í sama ráöuneyti sem er staögengill ráðuneytisstjóra. Stjórn
Prestafélags Islands tilnefnir annan kjörstjórnarmann svo og varamann. Kirkjuráö tilnefnir
þriðja manninn og varamann hans.
6. gr.
Kjörstjórn semur kjörskrá. Hún skal liggja frammi í 4 vikur á biskupsstofu og hjá
próföstum eða á öörum stöðum sem kjörstjórn ákveður. Kjörstjórn auglýsir framlagningu
kjörskrár, á hvaða stöðum hún liggur frammi og frest til að koma að kærum vegna hennar.
Hún úrskurðar kærur út af kjörskrá og gengur endanlega frá henni. Kjörstjórn úrskurðar
og um kosningarrétt og kjörgengi, svo og um gildi einstakra atkvæðaseðla. Úrskurði
kjörstjórnar má skjóta til kirkjumálaráðherra innan viku frá því hann gekk, og leysir hann
úr málinu til fullnaðar.
7. gr.
Að lokinni endanlegri gerð kjörskrár. þ.m.t. úrlausn dóms- og kirkjumálaráðherra sbr.
síðasta málslið 6. gr., sé máli til hans skotið, auglýsir kjörstjórn eftir biskupsefnum. í
auglýsingu skal kveðið á um ákveðinn frest til að skila tilnefningum.
8. gr.
Rétt er þeim sem kosningarrétt og kjörgengi hafa til biskupskjörs að bera fram biskupsefni
til biskupskjörs enda séu þeir eigi færri en 10 af hundraði þeirra sem á kjörskrá eru.
9. gr.
Kjörstjórn úrskurðar um kjörgengi biskupsefna og hvort löglega hafi verið að tilnefningu
staðið. Að svo búnu sendir kjörstjórn þeim sem kosningarrétt eiga nauðsynleg kjörgögn og
leiðbeiningar um hvernig skuli kjósa. Greina skal glögglega fyrir hvaða tíma kjörgögn skuli
hafa borist kjörstjórn aftur.
Nauðsynleg kjörgögn eru:
1. Kjörseðlar með árituðum nöfnum þeirra biskupsefna, sem tilnefnd hafa verið.
2. Óáritað umslag fyrir kjörseðil.
3. Eyðublað fyrir yfirlýsingu kjósenda um, að hann hafi kosið.
4. Umslag með utanáskrift kjörstjómar og áritun um fýrir hvaða tíma kjörgögn skulu
hafa borist til kjörstjórnar.
Kosning fer þannig fram, að kjósandi setur kross framan við nafn þess biskupsefnis sem
hann kýs. Ekki skal undirrita kjörseðil eða auðkenna hann með öðrum hætti. Hann lætur
seðilinn í óáritaða umslagiö og leggur öll gögnin í áritaða umslagið og sendir kjörstjórn það
í ábyrgðarpósti.
129